Isaia 13:22 - Iaai Bible 1901 (New Caledonia)

²² Ke ame he je luko ka kuku hnyi je uma umen latuhödra, me ta je iaena hnyi umödra je uma ae kese: ke hakekeny dut ûen he ka o, kʼ ame ca he ka bec bonginy je bong.

Isaia 13:22 ပူးပေါင်းရင်းမြစ်များ

Salamo 44:19

Ke so bi u je hia but kuc öhmun hnyi hnen je tanimo, Me tubi öhmun ge hmenon mok.

Isaia 14:23

Ke oge me he ka wia e hnân iny kifoda, me hnân je wadutö; ke oge me he ka aba e ge brum hnân mekiny, haingö Iehova tuhan sabaoth.

Isaia 25:2

Anyin a u je wia taun me me je hna digic thatûnyi bi; ke taun adre up haginy me me ba wan: ke uma umen je atkanyua me me ca taun hmetu bi; ke adre me ca he bala bi ka op e.

Isaia 32:14

anyin adre me he ka hna bi uma ae mec, adre me he ka degec taun ae ti hu aten; ame he dok ae hut me tap tue ka hnân op nyiele balua, hnân senyin hnen je asinainy hnyot, hnân han tot hnen ta je hnahat meno;

Isaia 34:13

Ke ame he ka kû ta je iwatetaföcö hnyi je uma umen je thaniny, ke je vhat me iwadekong hnyi je hnabâiny: ke e ame he ka hnân hnen je luko me je mun.

Isaia 34:14

Ke ame he ka iouny eling je menoiny hnyebuba me je luko, kʼ ame he got baga ka hawâ hanen; eke, ame he ka hnen ling lilith, me wâ hobi kâu e hna menâ.

Isaia 35:7

Ke ame he kânâ a öny ka wia me me an, ke dok ae atgec ame he ka wia me me pupuainy köiö: hnyi uma umen je luko waleji adre me mokut hnyin, ame he ka kû hnyin sa kowi me amun.

Isaia 43:20

Ke ame he ka oganö nya hnen je menoiny hnyot, je luko me je iaena: anyin oge me oâ köiö hnyi hnyebuba, me je wagewe hnyi dok ae hnyei baga, he ka habelen lakeik waleji oge ûca:

Jeremia 48:16

E hakekeny jut he ka o vec anyi Moaba, ke logot hmonyin dut okongon.

Jeremia 51:33

Anyin a walang hna ha hnö Iehova tuhan sabaoth, a Khongu Isaraela, ka habe, Haba hluiny Babulona, me helâ me hna huje hwit hnyi ûen adre me ututo e; ke meokhaca me ameʼ he ka o but kâu ûen menu.

Jeremia 9:11

Ke oge me he ka wia Jerusalema me me helâ me je hna digic thatûnyi, me op umen je luko; ke oge me he ka oba wan je tauniny Juda, me me ba but at ama labâ.

Je tenge anyi Jeremi 4:3

Je luko adre me ham je basidra, ke ame ijem ta je lakudra: Ke haba hlu nokon lakeik ame beovecâ helâ me je iaenainy hnyi hnyebuba.

Mika 1:8

Can e oge me he ka tenge tot me huku tenge, ke oge me he ka he monu ke ba ûkhaû me he thu; oge me he ka tenge tot helâ me luko, ke tenge thungâu helâ me ta je iaena.

Habakuka 2:3

Anyin a haba hna omanenâ me hobi kâu ûen adre thu, kʼ ame he mweimwei ka hnyi obiny, kʼ ame ca he bi ka thoi: eja ke ne a ne bec, më halubahingen; anyin e hnathu e ame he ka o, kʼ ame ca he ka bec.

Zefania 2:14

Ke ame he je hnahat meno ka mokut hnyi wanben e, a omenoiny ta je hnyei hia: ame he kati me kifoda ka mokut hnyi ban je hmolominy: kʼ adre me he ka cûk hnyi je mamalama; ke ba at hnyi je hwanuma: anyin a e ame he ka hom singiny ûnyi hnyi hon hna huliwan arasi.

Deuteronomi 32:35

Hamök he ka ip hwaban monu, me bi hwaban, Hnyi ûen ame he ka haû je cadra: Anyin ae hakekeny jut bonginy anyidra vec, Kʼ ame he ka logot ta je ûnyi ame he ka o ködra.

II. Peteru 2:3

Ke adre me he ka ûcû öbun ge hwaban hofuc ae thoi, anyin adre me behnyekudra omjeû: ke haba hna he ka bi hwaban kodra ehac, me, ca bec bi, ke baba hnaûhango adre ip hobi ködra ame ca ta mokut bi.