Isaia 13:14 - Iaai Bible 1901 (New Caledonia)

¹⁴ Ke adre me he ka ve hwio ka hnyi idra ta je hnyei, me ve kec ka hnyi ta je idra, helâ me zebi adre hnu, me helâ me je mamoe ae ba at ame alen.

Isaia 13:14 ပူးပေါင်းရင်းမြစ်များ

I. Je Than 22:17

Ke haingen, ka habe, Oge wâ but Isaraela hia adre me tot monu hon je bucen, helâ me ta je mamoe ae ba at ame tuö: ke haingö Iehova, ka habe, E ba tuhan tavat ang; hamödrin he ka ve hmetu ka hnyi je hnyabadrin hnyi hnahic.

I. Je Than 22:36

Ke ame he ûthumetu hââng ka hnyi wanben je utbavat e ka he but ka dit seûno, ka habe, Ve hmetu but ka hnyi anyibun je taun me je ibun.

Isaia 17:13

Ame he je hnyei ka wadring helâ me wekhetiny je köiö ae se hia: ke e ame he ka thawʼ ödra, mʼ adre me kec sâkâû ai, ke adre me he ka hnu ödra helâ me unen hwit hon je bucen ge ang, ke helâ me thatûnyi ge hon.

Isaia 21:15

Anyin adre me kec ge je hele vat, a hele adre oc, me cafana adre lau, me vecin vat.

Isaia 47:15

Adre me he ka helâe köu ta je ûnyi waleji u je hia but huliwa hnyin: haba tavat adre me ûcû omjeû unyâm hwân ke u tiga wanakat me adre me he ka ve he but hnyi dedra je gethen; ke ba bi at ame he ka omeli u.

Jeremia 25:12

Ke e ka bekhötö ta je huna a sevente, me oge me he ka bi hwaban ka than Babulona ke tavat eling can hwakecidra ae kong, haingö Iehova, ke hnyei Kaledaia: ke oge me he ka wia e me me ba wan nyiele balua.

Jeremia 50:16

Suba degecâ but at ame tā ûheny Babulona, me at ame huliwa ge ûnyi hnân subö hwit hnyi ûen menu: adre me he ka ve hnyimakodra ka hnyi je idra, me ve kec ka hnyi idra je hnyei, can hele vatiny ûöveci.

Jeremia 51:9

Ate me beomeli Babulona, kʼ ame ca mot bi: hna but e, ke ate me he ka ve he ka hnyi ta je ita; anyin a haba hwaban bi, me ke ne o but ka hnyi drany, kʼ ame o but ka hnyi ta je ûlâ.

Nahuma 3:18

Than Asuria lö, ame mokut ut tavat tuö mamoe unyâm: kʼ ame mokut minya tavat ae ûnyi hnathu unyâm: kʼ ame vese but lakem hon je bucen, ke ba at he ka ûkhacaköu Ödra.

Mataio 9:36

Ke e ame wâ tavat ae se hia, me e ame betenge gadra, anyin a ödra sēnyin dut, adre me ve se but, helâ me ta je mamoe e ba at ame tuö.

Mareko 6:34

Ke e ame o but me wâ tavat ae se hia hmonyin, me e ame betenge gadra, anyin a ödra ûcû me ta je mamoe ae ba at ame tuö: me e ame hwân he ka nʼ ödra ge ta je ûnyi ae se hia.

I. Peteru 2:25

Anyin a öbun e he monu ehac helâ me ta je mamoe adre monon gethen; ke walang ang öbun e hmetuhmetu ka At tuö mamoe, me Pisopiny ta je hanubun.