Isaia 13:13 - Iaai Bible 1901 (New Caledonia)

¹³ Anyin a wale oge me he ka oöbubunâ je drany, ke ame he ka jijingâ hmeledrany ûnyi hnyi hnen e, hnen hmonyin ga Iehova tuhan sabaoth, me hnyi bonginy anyin wathethot ae kahwa.

Isaia 13:13 ပူးပေါင်းရင်းမြစ်များ

Jobu 9:6

E ame bwebwelâ hmeledrany ûnyi hnyi hnen, Me ame öbubuny je hmolominy.

Salamo 18:7

Ke ame bwebwet me öbubuny hmeledrany, Ke memeny dö minya taben je bucen, Ke okokok ut, anyin a e hmonyin.

Salamo 88:16

A hia but hûlûlûö nya hnen ânyâm wathethot ae gan hmâ; Ame subâ degeci nya ge je ûnyi hnân ootâ ûnyi gam.

Isaia 2:19

Kʼ ame he ka dit tavat ka hnyi hnyin ta je op hnyi je kic, ke eû hnyi hnyin ta je uthankonginy kânâ ûnyi ge hna outö Iehova, ke ûnyi ge anyin hmanenang ae mec, hnyi ûen e ame he ka todrö ka jijingâ hwegiâ hmeledrany.

Isaia 21:1

HOK honen hnyebubainy köiö. E ame o but ûheny hnyi hnyebuba, ûnyi hnyi hnyei adre outen, helâ me hou ame tûâ ûheny hnyi hwaiöu.

Isaia 23:11

E ame hia but hai hnyamen hon köiö, e ame oöbubunyâ je dokhu: a hia but hûna Iehova ge Kanana, mʼ adre me he ka ohia je hnabâiny.

Isaia 24:1

WÂ bi, Iehova ame öba ûnyi hnyi hmeledrany, me öba waniny, me ohnyimenâ e hnyikânâi, me oveseâ tavat adre me labā e.

Isaia 24:18

Ke ame he ka ta ka hnyi thop at ame kec ge hwan ûnyi hnân ootâ; ke ame he ka hnok hnyi hnewe at ame ölö ûnyi hnyi thop: anyin adre me khong ut je mamalamainy drany, me ame bwebwet dö je taben hmeledrany.

Isaia 24:19

A ti mou but hmeledrany, a aû but hia hmeledrany, a ti bwebwet hmeledrany.

Isaia 34:4

Ke ame he ka aû but ta je döiny drany hia, ke adre me he ka vhec drany helâ me tusi: ke ame he je dö hnyin e ka kolu helâ me lan vine ame kolu, ke helâ me lan ae meleca ûnyi huyi imeta.

Isaia 47:1

UTUT, ke laba ju hnyi sesâ, u hlu Babulona; laba ju eû hnyi kânâ ke ba but theron, u hlu anyin at Kaledaia: anyin adre me ca he hmetu ka haiö u a u menyik me mita.

Isaia 51:6

Bwele thö goranyai ka hnyi drany, ke wâ ju hmeledrany eû: anyin ame he ka didrut drany helâ me hai, kʼ ame he ka amam hmeledrany helâ me ûkhaû, kʼ ame he tavat adre me! labā e ka mok helâe: ke ame he ka e balua bi anyik ûhomeli, kʼ adre me ca he ka ohia hwakecik ae wisa.

Isaia 9:19

Ame le degecâ hnyei ûnyi ge wathethot anyi Iehova: ke haba tavat, me helâ me uto hnân hiâ hnyi meic; ke ba at ame betenge ge liamekeiny mē.

Jeremia 51:1

WALANG hna ha hnö Iehova, ka habe, Wâ bi oge me oâ ûcon Babulona, me ûcon tavat adre me laba hnyi Leb-kamai, ang at ame ohia.

Je tenge anyi Jeremi 1:12

Hawa, e ûnyi baû köbun tavat hia adre me vheno gethen? Bwele thö, me wâ, ame ne hu hlöuhlöu helâ me anyik hlöuhlöu, wale adre ânyâ könya. Waleji hnö Iehova hna oveci nya hnyi bonginy anyin hmonyin ae hwege.

Joela 3:16

Ke ame he Iehova ka kuku hwege hnyi Ziona, me fuc ûnyi hnyi Jerusalema; ke ame he ka jijing drany me hmeledrany: ke haba Iehova e ame he ka hnân luabaduöng ka lakeiny, me hnabâ hobi kâu lakon Isaraela.

Mataio 24:29

Ke hwaban vec hnyi ûen eling, ame he ka ie menekholom but seûno, ke ame ca he hmetu ka melam tehi, ke ame he ka kolu but ta je okhû, ke adre me he ka jijing ta je man hnyi drany:

Mataio 24:35

Ame he ka hia drany me hmeledrany, kʼ ame ca he bi ka hia hok ta je hofuc.

II. Peteru 3:10

Ke ame he ka o bong bonginy Than helâ me at venöu; ke ame he ka hia drany me hmuhmu ae gan hmâ hnyi bong eling, ke ame he ka köiö but ge kahwa ae gan hmâ ta je ûnyi hia thithö, ke adre me he ka thong degecâ minya hmeledrany me ta je ûnyi adre huliwan hnyin e.

Hna Omanenâ 20:11

Ke oge me wâ theron ae gan ae hau, me at ame tabâ, ke ame kec hnyi hnyimakan hmeledrany me drany; ke ca manen bi ke dok hobi ködru.