Isaia 13:11 - Iaai Bible 1901 (New Caledonia)

¹¹ Ke oge me he ka bi hwaban hulo ka hmeledrany, me hwakecin ae monu ka tavat ae kong; ke oge me he ka bi obiny bi gan anyin tavat hnyok bigan, me ohnyikânâ begörany ge tavat adre ootâ.

Isaia 13:11 ပူးပေါင်းရင်းမြစ်များ

Jobu 40:12

O ʼdra ju tavat bi gan hia, me ohnyikânâ ju; Me uto ju tavat ae kong hnyi je hnödra.

Ta je Vejec 11:31

Wâ bi adre me he ka bi hwaban eang hmeledrany ka at ae wisa: Ke hawa bi ge at ae monu me at ae kong!

Ta je Vejec 8:13

Haba ot kö Iehova, me wale he ka hmiân hulo: Ke haba bi gan, ke begörany, ke gethen ae kong, Ke hnyem ae hwali, me wale je hûkö-tiânök.

Isaia 11:4

ke e ame he ka owisa ka ta je theduoc hnyi hwakecin ae wisa, me nâ hnyi tulut ae ûcû ka tavat ae menyik eang hmeledrany: ke e ame he ka kot hmeledrany ge osöiny hnyimen, me hlingâ tavat ae kong ge homenâ ûnyi hnyi hnyimen.

Isaia 14:21

Penapena thö dok hnân hlingâ je lakon, can hulo anyin je kamödra; mʼ ödra me ca he ka tot me me idra hnyei, me ounöngötâ kânâiny hmeledrany hnen ta je taun.

Isaia 14:5

A hia but Iehova thu uci anyin tavat ae kong, me baten musi anyin tavat musi;

Isaia 2:11

Adre me he ka ohnyikânâ hnyimakan tavat adre me begörany, ke adre me he ka hom ûhnyûkongo tavat adre me bi gan, ke adre me he bi ka oganö Iehova thibi hnyi bong e.

Isaia 2:12

Anyin ame he ka o ke bong bongu Iehova tuhan sabaoth, ka hnyi hon tavat begörany me bi gan hia, ke tavat hia adre me ogânʼ ödra; me adre me he ka ohnyikönʼ ödra:

Isaia 2:17

Ke adre me he ka hom ûhnyûkongo tavat adre me begörany, kʼ adre me he ka ohnyikânâ tavat ae bi gan: ke adre me he ka oganö Iehova thibi hnyi bong e.

Isaia 22:14

Ke haba Iehova tuhan sabaoth ame omamenâ ka hnyi li hnyikönyök, ka habe, E hnathu adre me ca he ka hna köbun hulo eang ke ne o but öbun e mokcu, ame ha Iehova tuhan sabaoth.

Isaia 23:9

Ame ûnykûme e hnö Iehova tuhan sabaoth, hnân he ka oûnyibaûâ bigan anyin tavat hia ae hmanenang, me ohûkötiâ je at hnathuiny hia hmeledrany.

Isaia 24:21

Ke hnyi bong eling ame he Iehova ka bi hwaban ka tavat ae gorany ethö, ke je tuhan hmeledrany hnyi hmeledrany.

Isaia 25:3

Anyin a wale ame he ka oganö u hnen hnyei ae hwege, ame he ka outö u hnen tauniny je hnyei ae hwege hnyimâködra.

Isaia 25:5

U me he ka hom ûhnyûkongo mede anyin je atkanyua, helâ me kahwa hnyi dok ae hwahwacit; adre me he ka hom ûnyûkongo khumöng anyin tavat ae hwege hnyimakodra helâ me kahwa hnyi baten hmenon ûlâ.

Isaia 26:21

Anyin a wâ bi, ame he Iehova ka he ûheny hnyi hnen hna laba, he ka bi hwaban hulo anyin tavat adre me labā hmeledrany: ke ame he hmeledrany ka omanenâ dren e, ke ame ca he hmetu ka tube ta je hna hlingâ.

Isaia 29:20

Anyin adre me oûnyibaûâ at ûöveci, ke a obiny jut at hlumö at, ke adre me subâ degeci ödra hia thithö adre me hmâkâ hwakecin ae kong:

Isaia 29:5

Ke ame he ka ûcû me sesâ ame gâ ûganiny je iwahnaihmiony möu, ke ame he ka helâ me unen hwit ame oû ang ûseiny tavat ae hwege hnyimakodra: eke, e ame he ka ie o helâ me thuthubademak.

Isaia 3:11

Ekölö ge at ae monu! ame he ka hu kong gan; anyin adre me he ka ham kâu hwaban li hnyamen.

Isaia 5:15

Ke ame nom ju hoûmonu, ke adre me hom hnyikânâi je taben, kʼ adre me ohnyikânâ li emakan at ae begörany:

Isaia 65:7

wale ta je hwakecibun ae kong, tha e me hwakecin ae kong anyin lakamöbun, haingö Iehova, waleji adre leû utö ae bo so hon je bucen, me bi gan könya hon je hut: anyin a wale oge me he ka bok ka tuluto anyidra ta je huliwa ka hnyi je ûlaidra.

Jeremia 48:29

Ohmun e löng ut bigan anyi Moab, a e gan hmâ hop; kʼ ame begörany, ke bi gan, ke bemusi, ke khulelau hnyekon.

Daniela 4:34

Ke hwaban je bong, inya Nebukaneza oge me bwele thö goranyai ka hnyi drany, me ame hmetu könya hnyekuk, me oge me haisoi Beönua, ke ogânâ ke ogöranyâ e at ae möt nyiele balua: anyin a nyiele balua anyin musi, ke haba dokhon dokhu ame o but ka hnyi ta je dö hia:

Habakuka 2:4

Wâ bi, ame bi gan hnyekon, kʼ ame ca fofâ bi eû hnyin: ke ame he at ae wisa hwakecin ka möt hnen anyin labageju.