Isaia 13:10 - Iaai Bible 1901 (New Caledonia)

¹⁰ Anyin a haba ta je okhûiny drany me ta je deo okhûiny, ame ca he ka manen melamidra, ke ame ca he tehi ka oumumelamâ.

Isaia 13:10 ပူးပေါင်းရင်းမြစ်များ

Jobu 9:7

E ame hûna ka seûno, me me ca he ka o; Ke e ame okeceâ khötâ je okhû.

At Khet 12:2

e ka tiga ca menekholom bi seûno, me lany, me tehi, me ta je okhû, kʼ ame ca hmetu ta je ûlâ hwaban ûtainy we:

Isaia 24:21

Ke hnyi bong eling ame he Iehova ka bi hwaban ka tavat ae gorany ethö, ke je tuhan hmeledrany hnyi hmeledrany.

Isaia 24:23

Ke ame he ka hmak tehi, me hmehma bi seûno; anyin ame he Iehova tuhan sabaoth ka musi hnyi hmanenang hnyi bucen Ziona, me hnyi Jerusalema, me hnyi hnyimakan anyin wahingat.

Isaia 47:5

Hlu nokon at Kaledaia lö, laba hnyibû ju, ke he thö ka hnyi dok ae lit: anyin adre me ca he hmetu ka hawo u momo thaniny je dokhu.

Isaia 5:30

Hnyi bong eling adre me he ka kuku gadra helâ me imeainy köiö: ke ödra ka wâ hnyei, wâ bi, e menekholom me hmak, me khömet ge je ûlâiny.

Isaia 50:3

Oge me tube drany ge menekholom, me khavâ e ge mano ae gan nân.

Joela 2:10

Ame öbubuny hmeledrany hnyi hnyimakodra; kʼ ame jijing drany; ame menekholom seûno me tehi, kʼ ame ca melam ta je okhû:

Joela 2:31

Ame he ka wia seûno me me lit, me tehi me me dra, me ame he ka o but bong bongu Iehova, bong ae gan hmâ ke hnân outen.

Joela 3:15

A lit ut seûno me tehi, ke ame ca melam ta je okhû.

Amosa 5:20

Hawa, ame ca he ka menekholom bong bongu Iehova, ka ba melam? ke hlit hmonyin, ke ba lany hnyin e?

Nahuma 1:8

E ame he ka ti ohia dok e ge di at ame aba, me hnu je iwahnaihmiony më ka hnyi menekholom.

Zakaria 14:6

Ke haba hnyi bong eling, ame ca he ka tha e bi lany me melam me menekholom:

Mataio 24:29

Ke hwaban vec hnyi ûen eling, ame he ka ie menekholom but seûno, ke ame ca he hmetu ka melam tehi, ke ame he ka kolu but ta je okhû, ke adre me he ka jijing ta je man hnyi drany:

Mareko 13:24

Ke haba hnyi je bong eling, hwaban hna ûöveci eling, me ame he ka menekholom but seûnö, kʼ ame ca he ka melam tehi,

Luka 21:25

Ke ame he ka hu ta je haten hnyi seûno me tehi me ta je okhû; ke hlöuhlöu hnyi hmeledrany minya, ke hlohlo hnyi ta je hnyei can imeainy köiö me ta je waköiöiny ame û:

Ta je huliwa 2:20

Adre me he ka bödra ka wia seûno me me lit bi, Me tehi me me dra, Me ame he ka o but bong bongon Than, Wale bong ae gan me lung:

Hna Omanenâ 8:12

Ke ame tûâ thö trutru hnen angela a vakiny, me adre me kot ke keihen a kuniny seûno, me ke keihen a kuniny tehi, me ke keihen a kuniny ta je okhû; waleling me me menekholom but je ke keihen a kuniny, ke ame ca melam hmetu ke keihen a kuniny bong, ke helâe minya ge lit.