Isaia 12:4 - Iaai Bible 1901 (New Caledonia)

⁴ Ke haba hnyi bong eling öbun e he ka ha, ka habe, Oleâ thö kö Iehova, hawâ thö ien; omanenâ thö unyin ta je hnyei anyin ta je huliwa, ke thumeto thö ae beönua thibi ien.

Isaia 12:4 ပူးပေါင်းရင်းမြစ်များ

I. Man Ûlabainy Je Than. 16:8

E na ole thö kö Iehova, hawâ thö ien; Haimemenâ anyin ta je huliwa hnyi wanben ta je hnyei.

I. Man Ûlabainy Je Than. 29:11

E unyâm, Iehova lö, ûganiny, me man, me hmanenang, me hwege, me musi: anyin a ânyâm ta je ûnyi hia ethö hnyi drany me eang hmeledrany; e unyâm dökhu, Iehova lö, ke adre oganö u me me ban ta je ûnyi hia thithö.

Nehemia 9:5

Me ame ha at Levi, jia Jesua, me Kademiel, me Bani, me Hasabenia, me Serebia, me Hodia, me Sebania, me Pethaia, ka habe, Todrʼ öbun me oganö Iehova Khongubun nyiele balua: me so adre me haisoâ iâm ae hmanenang, waleji adre obeönua hon hna haisoâ me oganâ hia.

Salamo 105:1

OLEÂ thö kö Iehova, hawâ thö ien: Omanenâ thö hnyi wanben ta je hnyei anyin ta je huliwa.

Salamo 107:22

Ke so adre me he ka hudo je hudiny ole, Me ha anyin ta je huliwa me khumöngö.

Salamo 113:5

Ie at ae ûcû me Iehova Khonguta, Wale at ame laba ethö,

Salamo 148:13

E so adre me he ka ogânâ iö Iehova; Anyin ae hake gorany thibi ien: Ethö hon hmeledrany me drany anyin hmanenang.

Salamo 18:46

E möt Iehova; e so he ka olongo kicik; Ke so adre me ogöranyâ Khongon melik:

Salamo 21:13

Iehova lö, e so u ma beönua hnyi manâm man: Me ohmun e he ka khumöng me oganâ manâm man.

Salamo 22:31

Adre me he ka o but me omanenâ hwakecin ae wisa Ka tavat adre me he ka hnokoâ, a gʼ ame ânyâ e.

Salamo 34:3

Öbun na tha he ju mönya he ka oganö Iehova, Ke so otin e he ka tha ogöranyâ ien.

Salamo 40:5

Iehova Khonguk lö, e se hia ânyâm ta je huliwa hnân lâiâ u je ânyâ, Me hnâm ta je hna ûnykûme kohmun: Ca hnân he ka ha gaga köu; Oge ne beomanenâ me ha, Me ti se hia hmönvin a ca hnân bi aû.

Salamo 46:10

Më soju, ke khanʼ öbun dö a inya thibi Khong: Oge me he ka beönua hnyi ta je hnyei, oge me he ka beönua eang hmeledrany.

Salamo 57:5

Khong lö, e so u he ka gorany hon ta je drany; Me ânyâm hmanenang hon hmeledrany hia thithö.

Salamo 68:5

Haba Khong hnyi hnyaban ae kap, E thibi kamen ta je nakahme, me at owisa ka ta je safac.

Salamo 73:28

Ke haba inya, e so könya he ka hakekeny ka Khong: Oge me hia but wia Than Iehova me me hnok hna lubaduöng, Mʼ oge me he ka omanenâ ânyâm ta je huliwa hia thithö.

Salamo 9:11

Khumöng olungi Iehova, at ame labâ Ziona: Omanenâ thö hnyi wanben ta je hnyei hnen je hna ânyâ.

Salamo 96:3

Aû gaga thö anyin hmanenang hnyi wanben aten ke je hnyei, Me anyin ta je huliwa hnân lâiâ hnyi wanben tavat hia.

Salamo 97:9

Anyin a u beönua hmönyin Iehova hon hmeledrany hia thithö: Adre ti ogöranyi u hon ta je khong hia thithö.

Esodo 15:2

Ja, a tang hwegiök me anyik khumöng, Ke e thibi ûhömelik: Wale thibi e Khonguk, ke oge me he ka haisoâ; Khongu cica, kʼ oge me he ka ogöranyâ.

Esodo 33:19

Me e ame ha, ka habe, Oge me he ka kunâ anyik so ka hnyi hnyimâkâm, ke oge me he ka omanenâ iö Iehova hnyi hnyimâkâm; ke oge me he ka betenge ge at ae bewek ka betenge gan, ke oge me he ka kölu ge at ae bewek ka kölu gan.

Isaia 12:1

KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 2:11

Adre me he ka ohnyikânâ hnyimakan tavat adre me begörany, ke adre me he ka hom ûhnyûkongo tavat adre me bi gan, ke adre me he bi ka oganö Iehova thibi hnyi bong e.

Isaia 2:17

Ke adre me he ka hom ûhnyûkongo tavat adre me begörany, kʼ adre me he ka ohnyikânâ tavat ae bi gan: ke adre me he ka oganö Iehova thibi hnyi bong e.

Isaia 24:15

Anyin a wale, oganö Iehova thö hnyi jimeio, ke hnyi je bomene hnyi köiö, wale iö Iehova, a Khongon Isaraela.

Isaia 25:1

IEHOVA lö, u thibi Khonguk; oge me he ka ogöranyi u, oge me he ka ogânâ iâm; anyin a u je hia but ânyâ ta je ûnyi hnân lâiâ, wale je hna musi ehac, hnyi hnathu, me wisa.

Isaia 26:8

Eke, Iehova lö, hnyi gethen deny hnâm je hna owisa, öhmun e hia but halubahingâm; ke weny je hnyekuhmun ka iâm, ke he ka ûnykûmi u.

Isaia 33:5

Adre me oganö Iehova; anyin a e ame laba ethö: e ame hia but ounöngötâ Ziona ge hna owisa me hwakecin ae wisa.

Isaia 42:12

E so adre me he ka hna hmanenang kö Iehova, me omanenâ hna ogânâ e hnyi je bomene.

Isaia 48:20

He but ûheny Babulona, kec dʼ öbun ge at Kaledaia; haimemenâ thö ge hwan khumöng, thumeto ju e, ha ju e ke ne o but hnyi can hmeledrany: ha thö, ka habe, A hia but Iehova ûcû melen athnyabainy a Jekob.

Isaia 66:19

Ke oge me he ka ip unyidra haten, ke oge me he ka kunâ ka hnyi ta je hnyei tavat gadra adre me kec möt, Tasesa ai, me Pula ai me Luda ai, wale tavat hlic fana, me Tubala ai, me Heleni ai, me ka hnyi je bomene ae sâkâû, tavat adre me ca hnyi long ûthumetu gak, me ca wâ anyik hmanenang: ke adre ma he ka khetâ anyik hmanenang ka hnyi je hnyei.

Jeremia 50:2

Haimemenâ thö unyin ta je hnyei me omanena thö, me otilâ thö ke haten; omanenâ thö, ke ca ikhâlâ bi: ha thö, ka habe, Adre hûgûnâ Babulona, a hmehma but Bel, e hlohlo but Merodaka; e hmehma but anyin je hnatheat, e hlohlo but je idolainy.

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Ioane 17:26

ke oge me omanenâ ködrin iâm, F oge me he minya bi ka omanenâ e; me me laba eû hnyi je hnyekudrin ibetengiö waleji a hnâm hna betenge gak, ke inya eû hnyi je hnyekudra.