Isaia 12:1 - Iaai Bible 1901 (New Caledonia)

¹ KE haba hnyi bong eling, me u me he ka ha, ka haba, Iehova lö, oge me he ka oleâ köu; anyin a eja ke ne u je ne hmonyin könya, me ame hwio but ânyâm hmonyin, me u je otubweli nya.

Isaia 12:1 ပူးပေါင်းရင်းမြစ်များ

Nehemia 8:10

Ke e ame ha ködrin, ka habe, He thʼ öbun, an ju pipikhenya me ijem ûnyi ae senem, me kunâ je jekhoû ka tavat adre me ca penapena hobi kâu: anyin ae kap ka Tuhötin bong ang: ke ca he öbun ka hmak; anyin a haba tang hwegiöbun me senyin kö Iehova.

Jobu 11:16

Anyin a u me he ka hnying ânyâm vec; U me he ka ûnykûme gan helâ me je di a hia but:

Jobu 13:16

Haba ûnyi e, me ame he ka omeli nya; Anyin a haba at ame ca ot, me ame ca he ka o ka hnyi hnyimakan.

Salamo 30:5

Anyin ae ti okhulit anyin hmonyin; E hu möt bi hnyi anyin ibetengiö baû Adre me ne tenge hnyi sahac, Me ame o thö senyin hnyi hnyomakatu.

Salamo 71:21

Bi hanen ju ka hmanenangik, Ke hmetu bi me okahwö nya.

Salamo 85:4

Khong at ame omeli ohmun lö, hwiʼ ohmun ju, Ke oumo ânyâm hmönyin kohmun,

Salamo 86:17

Omanenâ thö könya haten ae sa; Me me he ka wâ me hmehma bi hnen tavat adre me hûkötiö nya, Anyin a u Iehova at ame hadruo nya, me otubweli nya.

Salamo 9:1

OGE me he ka oleâ kö Iehova ge hnyekuk ae bekhot; Oge me he ka haimemenâ ânyâm ta je huliwa hnân lâiâ.

Isaia 10:25

Anyin a mē okhaca, me ame he ka hwâdâ wathethot, me anyik hmonyin hnyi ûohiʼ ödra bi.

Isaia 10:4

Adre me he bi ka tha iyâû thibi me ta je bâ, me tha ta me tavat adre me hlingâ. Ke hnyi ta je ûnyi e hia, e ame ca hwio hnyi anyin hmonyin, kʼ ame lau bala bi hnyamen.

Isaia 11:16

Kʼ ame he ka hu hna cit gethen anyin kolon lakeiny, a kolon ûnyi Asuria; helâji ka Isaraela hnyi bong e ame he ûheny hnyi hnyei Aigupito.

Isaia 14:3

Ke haba hnyi bong ame he Iehova ka omeno u ûnyi hnyi ânyâm vec, me ânyâm ot, me huliwa ae hmak adre me kunö u ka hnyin,

Isaia 2:11

Adre me he ka ohnyikânâ hnyimakan tavat adre me begörany, ke adre me he ka hom ûhnyûkongo tavat adre me bi gan, ke adre me he bi ka oganö Iehova thibi hnyi bong e.

Isaia 25:1

IEHOVA lö, u thibi Khonguk; oge me he ka ogöranyi u, oge me he ka ogânâ iâm; anyin a u je hia but ânyâ ta je ûnyi hnân lâiâ, wale je hna musi ehac, hnyi hnathu, me wisa.

Isaia 25:9

Ke adre me he ka ha hnyi bong eling, ka habe, Wâ bi, Khonguta ang; ate me halubahingen, ke e ame he ka omeli öta: Iehova ang; ate me halubahingen, ate me he ka senyin me hobâ anyin ûhomeli.

Isaia 26:1

HNYI bong eling adre me he ka sit khumöng ang hnyi hnyei Juda, ka habe, E hu but gata taun ae hwege; e ame he ka otilâ ûhomeli hnân hak me singiny.

Isaia 35:10

ke ame he ka hmetu tavat a ûcû melidra Iehova, me o hnyi Ziona me hwan khumöng; ke e hon je bödra senyin a nyiele balua: kʼ adre me he ka senyin me hobâ, kʼ ame he ka hia hlöuhlöu me mâng.

Isaia 49:13

Je drany lö, khumöng dö; hmeledrany lö, senyin dö; je bucen lö, ie khumöng dö goranyai: anyin a Iehova ame otubwelâ lakeiny, me e ame he ka betenge ge anyin tavat adre me oveci ödra.

Isaia 51:3

Anyin ame hia but Iehova otubweli Ziona; e ame hia but otubwelâ je dok hia thithö unyin ae ba wan, me wia hnyebubainy me me ûcû me Edena, me iny hnyei baga me me helâ me hna belök hnö Iehova; adre me he ka wâ hnyin e senyin me hobâ, me ole, me hwan khumöng.

Isaia 54:7

Ke oge hia but hna degeci u hnyi ong ûen ae ûhnyûkong; ke oge me he ka köp u hmetu hnyi tang betenge ae gan.

Isaia 54:8

Hnyi wathethot ae bahihingölö oge me ikhâlâ hnyimakök gam helâ me thuthubademak; ke oge me he ka betenge gam ge betenge a nyiele balua, haingö Iehova at a omeli u.

Isaia 54:9

Anyin ae ûcû könya ûnyi ang me uoû unyi Noa; anyin a helâ me hnok hna khemanyin a gʼ ame ca he uoû ga Noa ka tube hmele drany, helâe oge hia but khemanyin a oge me ca he ka hmonyin hmetu köu, me thawo u.

Isaia 60:10

Ke ame he je atkanyua ka op hagâm je hak, kʼ ame he je tuhödra ka bi athnyabaem: anyin a oge me kuc u ehac hnyi anyik hmonyin, ke hnyi anyik ibetengiö oge hia but betenge gam.

Isaia 61:10

Oge me he ka ti senyini Iehova, kʼ ame he hanuk ka hobâ Khonguk; anyin a e ame hia but khaûö nya ge je ûkhaûiny möt, kʼ ame khaûö nya ge ûkotiny hwakecin ae wisa, helâ me at ame hap faipoipo ame omecâ e ge ûnyevekiny, ke helâ me hlu ame he ka faipoipo ame theibâ e.

Isaia 64:5

U me ûkhanö me at ame senyin me ânyâ hwakecin ae wisa, tavat adre me ûnykûme köu hnyi dem ta je gethen: wâ bi, u je hmönyâm, ke öhmun e ânyâ hwakecin ae kong: öhmun e laba kueny hnyin, ke hawa, öhmun e ha ka möt?

Isaia 65:18

Ke so öbun e senyin me hobâ balua hnyi ûnyi oge me op: anyin a wâ bi, oge me op Jerusalema, hnân senyin, ke ta je aten hnân hobâ.

Isaia 66:13

Ame otubwelâ wanakat hnen hinyen, ke helâe oge me he ka otubweli öbun; ke adre me he ka otubweli öbun bi hnyi Jerusalema.

Jeremia 30:19

Ke ame he ka o gadra hwan ole, me hwan tavat adre me senyin: ke oge me he ka osehiʼ ödra, ke adre me ca he ka wakhalet; ke oge me he ka ogânʼ ödra, kʼ adre me ca he bi ka ûhnyûkong.

Jeremia 31:13

Me ame he ka senyin hlu hnyi bibiâ, me wahidröu eang me wahingat; anyin oge me he ka wia anyidra tenge me me hnân bi senyin, ke oge me he ka otubweli Ödra, me osenyini ödra ûnyi hnyi tenge.

Hosea 11:8

Eferaima lö, oge me he ka kâmâu ka hna degeci u? Isaraela lö, oge me he ka kâmâu ka hnö u? oge ma kâmâu ka wiö u helâ me Adema? me ip u helâ me Zeboim? kʼ ame hwio oûnykûmik eû hnyi hnyekuk, kʼ ame tha kû gan hmâ thö anyik je tang betenge.

Hosea 6:1

A I öbun, ate me he hmetu kö Iehova; anyin a e ame hia but oloû kia, me e ame he ka ometo; e ame hia but kot, kʼ ame he bi ka lan.

Zakaria 1:16

Anyin a wale, walang hna ha hnö Iehova, ka habe, Inya oge me hmetu Jerusalema ai me je ibetengiö; adre me he ka op hmetu umök uma eling, haingö Iehova tuhan sabaoth, ke adre me he ka lelö tulut tö hon Jerusalema.

Zakaria 14:20

Hnyi bong eling ame he ka e hnyi je pate anyin je hors, ka habe, E KAP KO IEHOVA; ke ame he je öt hnyi uma umö Iehova ka helâ me je kaia cicö taben hut.

Zakaria 14:9

Ke ame he Iehova ka Thaniny hmeledrany hia: hnyi bong eling ame he Iehova ka khaca thibi, ke khaca thibi ien.

Zakaria 8:11

Ke walang ang, oge me ca he ka helâ hnyi je bong a bân ka je kolon tavat ang, haingö Iehova tuhan sabaoth.

Zakaria 8:19

Walang hna ha hnö Iehova tuhan sabaoth, ka habe. Haba hna ânyâ ca han hnyi tehi a vakiny, me hna ânyâ ca han hnyi tehi a thabûnginy, me hna ânyâ ca han hnyi tehi a seveniny, me hna ânyâ ca han hnyi tehi a teniny, me ame he ka hnân senyin me hobâ ka lap anyi Juda, me bijeû ae so.

Roma 11:15

Ke a ne hu ge hmeledrany ûsoköu hnyi hna digic ödra, ame he ka hu ieû hnyi hna he ka kap hmetu? ca möt bi ûnyi hnyi hna mok?