Isaia 11:4 - Iaai Bible 1901 (New Caledonia)

⁴ ke e ame he ka owisa ka ta je theduoc hnyi hwakecin ae wisa, me nâ hnyi tulut ae ûcû ka tavat ae menyik eang hmeledrany: ke e ame he ka kot hmeledrany ge osöiny hnyimen, me hlingâ tavat ae kong ge homenâ ûnyi hnyi hnyimen.

Isaia 11:4 ပူးပေါင်းရင်းမြစ်များ

II. Samuela 8:15

Ke Davita ame muso Isaraela hia; ke Davita ame ûhnö me ânyâ wisa ka lakeiny hia.

Jobu 15:30

E ame ca he ka he but ûnyi hnyi menekholom; Kʼ ame he anyin je khûen ka meleca ge bâhlân meic, Ke haba homenâ ûnyi hnyi hnyimen Khong ame he ka ohia e.

Jobu 4:9

A hiʼ ödrin dut ûnyi ge imenâiny Khong Ke ödrin e aû but ge imenâiny anyin hmonyin.

Salamo 110:2

Ame he Iehova ka kunâ uciny tang hwegiâm ûheny Ziona: U ma muso bi hnyi wanben ta je iwahnaihmiöny möu.

Salamo 18:8

Ame sâ hai ûnyi hnyi li hnyingöiny, Ke meic ame han ûnyi hnyi hnyimen: Kʼ ame möt dö gan ta je walep.

Salamo 2:9

U ma he ka thamûʼ ödra ge uci a fao; Me sa omomonu ödra helâ me utkaia adre op.

Salamo 76:10

E hnathu ame he ka oganö u hnen hmönyin anyin tavat: Ke u me he ka thawâ kolon je wathethot.

Isaia 1:17

nâ thö he ka ânyâ so; elâm dö hna owisa, betenge ge at adre ovecâ, owisa at ae ba kamen, ivino thö hobi kau safac.

Isaia 13:11

Ke oge me he ka bi hwaban hulo ka hmeledrany, me hwakecin ae monu ka tavat ae kong; ke oge me he ka bi obiny bi gan anyin tavat hnyok bigan, me ohnyikânâ begörany ge tavat adre ootâ.

Isaia 14:30

Ke ame he nokon a bân at ae theduoc ka han, kʼ ame he tavat ae ba ta ûnyi ka mokut khötkic: ke oge me he ka hlingâ ânyâm wân ge mekihnânem, ke adre me he ka hlingâ ânyâm je kolon.

Isaia 16:5

Ke adre me he ka otilâ ke theron hnyi ibe-tengiö, kʼ ame he ka tabâ e ke at hnyi hnathu, hnyi uma mano umo Davita; he ka owisa, me elâm hna owisa, me logot he ka ânyâ wisa.

Isaia 2:4

Ke e ame he ka owisa ge ta je hnyei, me nâ je hnyei ae se: ke adre me he ka kokot anyidra je hele vat, me me hnân bi hwio kânâ, me dödra je ö hnân je bâlet adre dela kâu vine: ame ca he ke hnyei ka nang hele vat ka kot ke hnyei, ke adre me ca he hmetu bala he ka nâ vat.

Isaia 26:6

Kʼ adre me he ka ututo e ge ca; a je can tavat ae theduoc, a je can tavat ae ba ta ûnyi.

Isaia 29:19

Ke ame he tavat ae ilemuk ka ogânâ anyidra senyin ga Iehova, kʼ ame he tavat ae theduoc ka hobâ ge Kabi Isaraela.

Isaia 3:14

Ame he Iehova ka he me owisa ka wahingatiny lakeiny, me latuhödra; ka habe, Öbun e hia but an hia hnyei vine; ke eio hnyi umöbun je uma ta je ûnyi adre hûgûnâ ge tavat ae theduoc:

Isaia 30:28

ke haba hnen hna menâ me helâ me wagewe ame bahihingölö ke ne o but hnyi nyin, he ka cubec ta je hnyei ge ûcûbec ûnyi a ohia: ke ame he ka e hnyi hnyimen je hnyei toiny hors wale at ame omonoâ.

Isaia 30:31

Anyin adre me he ka thö oamamâ Asuria hnen ho Iehova, e ame he ka kot ge osö.

Isaia 30:33

Anyin adre hia but penapena Tofet kâû adrem; eke, adre hia but penapena e hobi kâu than; e ame hia but ânyâ e ae dit me lau: haba hna khon e, wale meic me uto ae se hia, ke ame vâc e ge homenö Iehova, helâ me wagewe teio.

Isaia 32:1

WÂ bi, ame he ke than ka musi hnyi hwakecin ae wisa, kʼ ame he je taben ka owisa hnyi hna owisa.

Isaia 32:7

Ke e kong je bihihwakecin anyin at iyawo: e ame elâm je ûokonguny, me me ohia tavat ae ilemuk ge hofuc ae thoi, eja ke ne a ne wisa ifucin at ae ba ta ûnyi.

Isaia 33:22

Anyin a Iehova at ame owisʼ öta, Iehova at ame ha anyita ge hnanyibu, Iehova tuhöta; e ame he ka omeli öta.

Isaia 40:7

ame meleca hna önying, ke ame kolu vongon; anyin ame tûâ hon e homenö Iehova: e hnathu a hna önying tavat.

Isaia 49:2

ke e ame ânyâ hnyimök me me helâ me hele vat ae so hwan, e ame ikhöiö nya hnyi hmenon hnyamen; ke e ame wiö nya mʼ inya fana ae hadröngöc, e ame ikholö nya hnyi tangen anyin fana:

Isaia 61:1

E HUK hanon Than Iehova; anyin a hia but Iehova hû nya he ka khetâ uthumetu ae so ka tavat ae ilemuk; e ame kunö nya he ka lan tavat ae vec hnyekudra, me he ka ha hna hna bâûâ ka ta je bâ, me hna khong uma ce at ka tavat adre ca;

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Jeremia 33:15

Hnyi je bong eling, me ûen eling, oge me he ka oâ kö Davita Angin hwakecin ae wisa, ke e ame he ka ânyâ ûnyi ae wisa me ûnyi ae ûcû hnyi hnyei.

Jeremia 5:28

Ödra pipikhenya me habubut; eke, adre me beönua hnyi hulö: adre me ca ivinö, wale ivino hobi kâu at a mokcu kamen, mʼ adre me he ka sot; ke adre me ca owisa ge wisainy at ae theduoc.

Hosea 6:5

Anyin a wale, oge hia but kucʼ ödra a deny je perofeta; oge hia but hlingʼ ödra ge je ifucin hnyimök: ke ame he but je hna owisa gam helâ me melam.

Zefania 2:3

Elöm Iehova thʼ öbun hia tavat ae ilemuk hnyi hnyei, tavat adre ânyâ hnen hna owisa; elâm dö hwakecin ae wisa, elâm dö menyik: adre me ne he ka ikhölʼ öbun hnyi bonginy hmonyin anyi Iehova.

Malaki 4:6

Ke e ame he ka ohmeto je hnyekon lakamen ka lakon, ke je hnyekon lakon ka lakamödra; wâ oge nye o me kot kânâ ge hnaûhangö.

Mataio 11:5

a bwele but ta je wadröu ame he thö ta je mat, a khabalaû but ta je lepera, ame long dö ta je wejiji, a möt hmetu thö tavat adre mokcu, ke adre me khetâ ûthumetu ae so ka ta je theduoc.

Mataio 5:5

Hnahic hnen tavat ae ilemuk: anyin adre me he ka hu hnyei.

Ta je huliwa 9:1

KE Saulo bala ame kong hnyekon he ka ootâ me hlingâ je laten Than, me e ame he ka at bihut ae nua,

II. Korinito 10:1

HABA inya Paulo, at ae hnyikânâ e tha inya mʼ öbun, ke kwege e ka hiö nya mʼ öbun, me oge me khöû köbun ûnyi hnyi hwakecin ae menyik me ilemuk anyin Keriso:

Galatia 5:23

me hwakecin ae ilemuk, me weny ae ûcû: adre ca nyibo bi ta je ûnyi helâe.

II. Thesalonika. 2:8

Ke hnyi ûen eling ame he ka manen dut at ame ânyâ hulo, wale hnen Than Iesu hna he ka hlingâ ge homenâiny hnyimen, me he ka ohia ge unyin ae manen dut e ka o but;

Tito 3:2

me ca he ka haikongoâ bi ke at, ke ca iwatretra bi, ke so bi he ka ilimuk, me omanenâ hia hwakecin ae menyik ka tavat hia.

Iakobo 3:13

Ewa at unyibun ae metâ kʼ ame wâ ûnykûme? e so e ame he ka omanenâ anyin ta je huliwa ge hwakecin bi ae so, me hwakecin ae menyik me metâ.

Hna Omanenâ 1:16

Ke e hu hnyi hnyamen a metân, je okhû a seven: ke ame o hnyi hnyimen hele vat a lo homakan ae so hwan: ke haba hnyimakan, me helâ me seûno ae hadröngöc hmönyin.

Hna Omanenâ 19:11

Ke oge me wâ drany adre khong; ke wâ bi hors ae hau, ke haba li ien at ame tabâ e me Wisa me Hnathu; ke e ame hnei me vat hnyi hwakecin ae wisa.

Hna Omanenâ 19:15

Ke ame o but ûnyi hnyi hnyimen hele vat ae so hwan, me me he ka kot kâu ta je hnyei: ke e ame he ka musi ödra ge osö fao: ke e ame ututo hnyi hna hlic vineiny tang hmonyin ae gan anyin Khong Ataekhanahia.

Hna Omanenâ 2:16

Anyin a wale ietra ju; e ka ba, oge me he ka ie o köu, me vat mʼ ödra ge hele vatiny hnyimök.