Isaia 11:2 - Iaai Bible 1901 (New Caledonia)

² ke ame he hanu Iehova he ka laba hon, a hanuiny metâ me wâhmakhmeto, hanuiny omanenâ bongon, hanuiny man, hanuiny wâ ûnykûme me outö Iehova;

Isaia 11:2 ပူးပေါင်းရင်းမြစ်များ

II. Samuela 23:3

Ame ha Khongu Isaraela, Ame fuc könya kic anyi Isaraela: At ame muso tavat hnyi wisa Ame musi me outen Khong;

Salamo 72:2

E ame he ka owisa lakem ge hwakecin ae wisa, Me latâm ae vec hoton wisa.

Esodo 28:3

Ke u me he ka ha ködrin hia hnyat ae metâ hnyok, wale hnyat oge hia but ounö-ngötâ ge metâ, mʼ odrin e he ka tibet je ûkhaûö Arona, mʼ adre me okhabâ me me at bihut könya.

Isaia 28:6

me hnân hanuiny hna owisa ka at ame laba hnyi tap owisa, me hnân tang hwege kodra adre me ohmetuhmeto vat ûnyi hnyi homagöule.

Isaia 32:15

ke ne o but adre me hingâlâ huta hanu ûnyi ethö, kʼ ame he ka hnyei belök hnyebuba, kʼ adre me he ka aû hnyei belök me hnyot bi.

Isaia 42:1

WÂ bi ang athnyabaik, at o ge me cö; ûcanök, ame senyin kâu hnyekuk: oge hia but ip hanuk hon e; e ame he ka oâ hna owisa ka je Ethen.

Isaia 48:16

Hok ju jem könya, long ju ang; oge ca fuc hnyi dok ae iyong hwân hnyi can; hnyi ûen eji, inya ling: ke walang ang Iehova Than ame kunö nya, me hanon.

Isaia 59:21

Ke haba inya, waleû anyik ûhihinyköu mödra, haingö Iehova: Haba hanuk at ame laba hom, me hok je hofuc waleji oge ip hnyi hnyimâm, ame ca he ka hia ûnyi hnyi hnyimâm, me hnyimen ta je mâtrânâm, me hnyimen ta je mâtrâniny ta je mâtrânâm, hwân walang ang, ke ne o but nyiele balua, haingö Iehova.

Isaia 61:1

E HUK hanon Than Iehova; anyin a hia but Iehova hû nya he ka khetâ uthumetu ae so ka tavat ae ilemuk; e ame kunö nya he ka lan tavat ae vec hnyekudra, me he ka ha hna hna bâûâ ka ta je bâ, me hna khong uma ce at ka tavat adre ca;

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Zakaria 4:6

Me e ame thu me ha könya, ka habe, Walang hna ha hnö Iehova kö Zerubabela, ka habe, Ca ûnyi ge man, ke ca ûnyi ge tang hwege, ke so bi ûnyi ge hanûk, haingö Iehova tuhan sabaoth.

Mataio 3:16

A hia but bapataisoi Iesu, me e ame ölö thö ûheny hnyi köiö: ke wâ bi adre me khong ut kâu drany, ke e ame wâ Hanon Khong ame gâ but kâu helâ me biny, me o hnyi hon;

Ioane 14:17

wale Hanu ûnyi gan hnathu: ae ca khana bi hmeledrany he ka kap e; anyin adre me ca wâ e, kʼ adre me ca wâhmakhmetoâ e: ke öbun e wâkmakhmetoâ e; anyin a e ame laba unyibun, kʼ ame he ka laba eû hnyi je hnyekubun.

Ioane 15:26

Ke e ka o Ûhadruo wale oge me he ka kunâ köbun ûnyi ge Kamen, wale Hanon hnathu, at ame he but ûnyi ge Kamen, me e ame he ka ohnathu nya:

Ioane 16:13

Ke so bi e ka o but e, wale Hanon hnathu, me e ame he ka su öbun ka hnyi ta je hnathu hia: anyin a e ame ca he ka ha ûnyi gan bi; ke e ame he ka ha ta je ûnyi e ame long: ke e ame he ka omanenâ köbun ta je ûnyi ame he ka o.

Ioane 3:34

Anyin a haba at ame kunâ hnen Khong, me wale at ame ha je hofuc hwan Khong: anyin a e ame ca bâm Hanu hoton tulut.

Ta je huliwa 10:38

wale Iseu at Nazareta, ke haba Khong ame hû e hnen Hanu Kap me man; ke e ame labö vheno hnyei he kâ betenge ge at, me osoâ tavat ame oveci ödra diabolo; anyin a tha mē Khong.

I. Korinito 1:30

Ke ûnyi gan öbun hnyi Keriso Iesu, at adre wia köta ûnyi ge Khong hnân metâ, me hwakecin ae wisa, me kap, me hnân möt:

Deuteronomi 34:9

Ke ame unöngötö Josua nöku Nuna ge hanu ae metâ; anyin a hia but Mose ip li hnyamen hon: ke haba lakon Isaraela me adre me löng kâu, me ânyâ helâ me Iehova ame hûna ko Mose.

II. Timoteo 1:7

Anyin a Khong ame ca ham köta hanon ot; ke so bi ae man, me betenge, me metâ.

Hna Omanenâ 1:4

Inya Ioane oge me set ka ta je ekalesia a seven hnyi Asia: E so e unyibun ibetengiö bâu, me ûsoköu ûnyi gan, at a e walang ang, ke kâû adrem, ke ame he ka o; me ûnyi ge ta je Hanu a seven hnyi hnyimakan anyin theron;