Isaia 11:16 - Iaai Bible 1901 (New Caledonia)

¹⁶ Kʼ ame he ka hu hna cit gethen anyin kolon lakeiny, a kolon ûnyi Asuria; helâji ka Isaraela hnyi bong e ame he ûheny hnyi hnyei Aigupito.

Isaia 11:16 ပူးပေါင်းရင်းမြစ်များ

Esodo 14:22

Me ame he but lakon Isaraela hnyi wanben köiö hon kânâ ae mada: ke li hak ködra köiö hnyi ke keihen metödra me medra.

Isaia 1:9

Haba Iehova tuhan sabaoth, a ne ca hia but bi kolon ae ûhnyûkong thibi köta, me ate me he ka helâ me Sodoma, me ate me he ka ûcû me Gomora.

Isaia 10:20

Hnyi bong eling ame ca he hmetu bi ka he je kolon hnyi Isaraela, me tavat adre kec möt hnyi lap anyi Jekob ka labageju ka at a kuc ödra: ke adre me he ka labageju, hnyi hnathu kö Iehova, wale Kabi Isaraela.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 19:23

Hnyi bong eling ame he ka hu hna cit gethen ûheny Aigupito Asuria ai, ke ame he at Asuria Aigupito ai, ke at Aigupito ame he ka he Asuria ai; kʼ ame he at Aigupito ka tha hmi me at Asuria.

Isaia 27:13

Ke haba hnyi bong eling, me adre me he ka tûâ trutru ae gan; ke ame he ka he tavat wale adre me hakekeny ka mok hnyi hnyei Asuria, me tavat adre me hna degecâ hnyi hnyei Aigupito; me adre me he ka hmi kö Iehova hnyi bucen ae kap hnyi Jerusalema.

Isaia 49:11

Ke oge me he ka wia anyik je bucen hia hnân gethen, ke adre me he ka ögoranyâ anyik je hna cit gethen.

Isaia 49:12

Wâ bi, ame he ka o tavat ang ûhedra sâkâû: ke wâ bi, tavat ang ûhedra hnyi hwadro, me ûhedra jimeû; ke tavat ang ûhedra hnyi hnyei Sinim.

Isaia 51:10

Hawa, ca u at ame ohmö köiö wale köiö ae dit hmonyin; at ame wia dok ae dit hnyi köiö me hnân gethen bi me me vheno hnen tavat adre ûco melidra?

Isaia 57:14

Ke e ame he ka ha, ka habe, op dö goranyai, op dö goranyai, penapena thö gethen, hom but ûnyi ame othöâ hnyi gethen deny lakeik.

Isaia 62:10

Didro, didro hnyi je homagöule; penapena thö deny tavat; op dö goranyai, op dö goranyai hna cit gethen; hlo thö je veto; ogöranyâ thö boûdila hobi kâu ta je hnyei.

Zefania 2:7

Ke haba hobat köiö, me ame he ka hnân hobi kâu je kolon lap anyi Juda; kʼ adre me he ka han haledrin ta je hnahat mamoe eling: kʼ adre me he lû mokulec je uma umo Asekelona hnyi sahac; anyin ame he Iehova Khongudrin ka senʼ ödrin, me ohmetu ödrin ûhedrin hnyi hna bâ.