Isaia 11:15 - Iaai Bible 1901 (New Caledonia)

¹⁵ Ke ame he Iehova ka ohia beduainy köiö hnyi Aigupito, ke jijingâ hnyamen hon Wagewe ge anyin ang ame hiâ, me kot e me me seven but ta je di, mʼ adre me he ka hanyâûâ ke mada bi tangen hnyeûcadra.

Isaia 11:15 ပူးပေါင်းရင်းမြစ်များ

Esodo 14:21

Ke haba Mose ame inâ hnyamen hon köiö; me Iehova ame okhuto köiö hnen ang hwei ae hwege hnyi lit ae bekhöt me omada e, ke haba köiö ame khekhe lo but.

Esodo 14:22

Me ame he but lakon Isaraela hnyi wanben köiö hon kânâ ae mada: ke li hak ködra köiö hnyi ke keihen metödra me medra.

Esodo 14:29

Ke haba lakon Isaraela adre me vheno dok ae mada wanben köiö; ke li hak ködra köiö hnyi ke keihen metödra me medra.

Isaia 19:16

Hnyi bong eling ame he Aigupito ka helâ me omomo: ke ame he ka öbubuny me ot can hna jijingâ hnyamö Iehova tuhan sabaoth, wale e ame jijingâ hudra.

Isaia 43:16

Walang hna ha hnö Iehova at ame bi gethen hnyi köiö, kʼ ame bi deny gethen hnyi wanben köiö ae gan;

Isaia 44:27

at ame ha ka dok ae dit, ka habe, Hme but, ke oge me he ka ohwahwacitâ ânyâm je wagewe:

Isaia 50:2

Ieû can a e ba at hnyi ûen oge me o hnyin? ke oge me hongot ke ba at âme ieû? Hawa, e okhulit hnyamok me ca khanö nya he ka omelo? ke ba but manik man he ka hûgûnâ? Wâ bi, hnyi hnok hna thawâ oge me omada köiö, me wia je wagewe me me hnyebuba bi: ame bokong ut haledra je wâ anyin ae ba köiö, ke adre mok ut ge beic.

Isaia 51:11

Ke ame he ka hmetu tavat a bi hwaban melidra hnö Iehova, me o hnyi Ziona me hwan khumöng; kʼ ame he ka e bi hon ta je bödra senyin a nyiele balua: adre me he ka senyin me hobâ, kʼ ame he ka hia hlöuhlöu me mâng.

Isaia 63:12

At ame su ödra ge benyen ae hmanenang tha e me hnyam a metö Mose? at ame subâ luâ köiö hnyi hnyimakodra, me wia hobi kâu bi ien a nyiele balua?

Isaia 7:20

Ke haba hnyi bong eling ame he Than ka ûgi ge heleûgi adre me mē bi hwaban, a e bi hnyi ke keihen hoton wagewe, wale unyin than Asuria, ban me leûnen li can: kʼ ame he minya bi ka khudreû bi wainy.

Isaia 8:7

anyin a wale, wâ bi, ame he Than ka oâ kodra je köiö ûnyi hnyi Wagewe, wale ae hwege me gan, than Asuria me anyin hmanenang hia: ke e ame he ka o hnyi deny je gethen hia, me bahihingölö hon je baten;

Ezekiela 29:10

Anyin a wale, wâ bi, ûcûk u, me ânyâm je wagewe, ke oge me he ka wia hnyei Aigupito me me ba aten me wau, hwân hnyi tap tue hnyi Seveni ke ne o but hnyi hnyigöulen Aithiop.

Ezekiela 30:12

Ke oge me he ka ohmö je wagewe, me ûco hnyei ka hnyi hnyamen tavat ae kong; ke oge me he ka oba wan hnyei, me ta je ûnyi hia hnyin ge hnyamen je atkanyua: inya Iehova at ame ha.

Zakaria 10:11

Ke e ame he ka vheno köien ûöveci, me kot je waköiöiny köiö, ke ame he je dok ae dit hnyi Nail ka mada: ke adre me he ka ohnyikânâ bi gan anyin Asuria, ke ame he ka hia hnyi Aigupito uciny musi.

Hna Omanenâ 16:12

Ke haba at a siksiny ame hingâlâ anyin kaia ka hnyi wagewe ae gan Euferate; me ame hme thö köiö, mʼ adre me he ka penapena ke gethen deny je than ûhedra e jimeyo.