Isaia 11:14 - Iaai Bible 1901 (New Caledonia)

¹⁴ Ke adre me he ka utut ka hnyi hon je bajebenyin at Filisiti e jimeû; adre me he ka tha söh tavat aten jimeio: adre me he ka inâ hnyamödra hon Edoma me Moaba; ke ame he ka ling ödra je laku Amona.

Isaia 11:14 ပူးပေါင်းရင်းမြစ်များ

Isaia 14:29

Filisiti hia lö, ca senyin bi can adre thu uci waleji ame kuc u: anyin ame he ka o but vaipa ûnyi hnyi iwân anyin on, ke haba mâtrân e me on ame hiâ me gâ.

Isaia 15:1

HOK honen Moaba. Adre me söh Ara-moaba hnyi hnyinghet, kʼ adre me oûnyibaûâ e; adre me söh Kira-moaba hnyi hnyinghet, kʼ adre oûnyibaûâ e.

Isaia 16:14

Ke a hia but fuc Iehova walang ang, me ha, ka habe, Hnyi ta huna a kun hoton je hunainy at ame hok hwaban, me adre me he ka hûkotiâ hmanenanginy Moaba, tha e me aten ae se hia hmonyin; kʼ ame he ka wakhalet hmonyin je kolon ke ca ûnyi hnathu hmetu.

Isaia 25:10

Anyin ame he ka laba hmâ hnyamö Iehova hon bucen ang, ke adre me he ka ututo Moaba hnyi hnen bi, helâ me hna ututo je thatûnyin hwit hnyi köien tatet.

Isaia 33:1

EKÖLÖ gam at ame söh, kʼ adre ca sei u bi; ke u at ame iyawo, kʼ adre ca iyawo u bi! U ka hia but söh, me adre me he ka sei u; ke u ka bi obiny ânyâm iyawo, me adre me he ka iyawo u.

Isaia 59:19

Me adre me he ka outen iö Iehova ûhedra jimeû, me outen anyin hmanenang ûhedra hnyi hna o hnen seûno: anyin a e ame he ka o helâ me wagewe ae hwege, wale ame tûâ hnen; homenö Iehova.

Isaia 60:14

Ke ame he lakon tavat adre me oveci u ka o me iyâû gam; ke ame he tavat hia adre me hûkötiö u ka nom ju ka hnyi li hnyeûcam; ke adre me he ka haiö u, a Taun anyi Iehova, Ziona anyin Kabi Isaraela.

Isaia 63:1

IE at ang ame he jem ûheny Edoma, ae dra anyin ûkhaû ûheny Bozera; a at ae hmanenang ge anyin ûkhaû, kʼ ame he hnyi meciny anyin tang hwege Inya thibi, at ame ha hnyi wisa, at ae hwege he ka omelo.

Isaia 9:12

at Suria hnyi hnyimakodra, me at Filisiti hotudra ai; ke adre me he ka uto Isaraela ge hnyem ae memang. Ke hnyi ta je ûnyi e hia, e ame ca hwio hnyi anyin hmonyin, ke ame lau bala bi hnyamen.

Jeremia 40:11

Ke hnyi ûen ame long ut at Juda hia hnyi Moaba, me unyin je laku Amona, me hnyi Edoma, me hnyi je hnyei hia a than Babulona ame ip biju je kolon at Juda, ke e ame hia but otilö Gedalia nöku Ahikama, nöku Safana hudrin,

Jeremia 48:40

Anyin a walang hna ha hnö Iehova, ka habe, Wâ bi, e ame he ka gâ i helâ me aeto, me lau li labenyin ka Moaba.

Jeremia 49:2

Anyin a wale, wâ bi, ame he ka o je bong, haingö Iehova, me oge me he ka olungâ hnyi Raba iny lakon Amona hwan vat; me e ame he ka hna digic thatûnyi ae ba onyen, kʼ adre me he ka thong degecâ ge meic lakon wahlu: kʼ ame he Isaraela ka hom iny tavat waleji adre me hom iny, haingö Iehova.

Jeremia 49:22

Wâ bi e ame he ka ölö me gâ helâ me aeto, me lau li labenyin ka Bozera: ke hnyi bong eling ame he je hnyekon je tavat ae hwege hnyi Edoma ka helâ me hnyekon momo ame he ka hnokoâ.

Jeremia 49:28

Ge Kedara, me je dokhu hnyi Hazora, waleji hnö Nebukaneza than Babulona hna kot. Walang hna ha hnö Iehova, ka habe, Todrʼ öbun, he thö Kedara ai, me söh tavat e deiö.

Ezekiela 25:14

Ke oge me he ka bi hwaban kö Edoma a deny lakeik a at Isaraela; ke adre me he ka ânyâ hnyi Edoma hoton anyik hmonyin me anyik wathethot: ke adre me he ka wâ bongon hnok hna bi hwaban, haingen Than Iehova.

Daniela 11:41

E ame he ka he minya ka hnyi hnyei ae hmanenang, ke ame he ka ta je hnyei ae se hia: ke ame he ka kec möt gan, Edoma, ke Moaba, ke lakon Amona ae beönua.

Joela 3:19

Ame he ka ba wan Aigupito, ke ame he Edoma ka hnyebuba ae ba wan, can hna ovecâ lakon Juda, anyin a adre hia but hingâlâ dra ae ba hnyikongon hnyi idrin hnyei.

Amosa 9:12

mʼ adre me he ka hu je kolon ge at Edoma, ke ta je hnyei hia wale adre me ip hudra iök, haingo Iehova, at ame ânyâ e.

Habakuka 1:8

E logot minya haledra je hors hon je lepad, ke hwege hnyimak hon je luko hnyi sahac; tavat tabö hors unyidra adre me ave ehe thibut: eke, anyidra tavat tabö hors ûhedra sâkâû; adre me gâ helâ me aeto at ame logot ka an haniny.

Zefania 2:5

Ekölö ge tavat adre me labâ hobat köiö, wale hneyi iny at Kerethi! e ve e möbun hofuc ho Iehova, Kanana, hnyei iny at Filisiti; oge me he ka ohiö u me me ba at ame he ka labâ.

Zefania 2:7

Ke haba hobat köiö, me ame he ka hnân hobi kâu je kolon lap anyi Juda; kʼ adre me he ka han haledrin ta je hnahat mamoe eling: kʼ adre me he lû mokulec je uma umo Asekelona hnyi sahac; anyin ame he Iehova Khongudrin ka senʼ ödrin, me ohmetu ödrin ûhedrin hnyi hna bâ.

Zefania 2:9

Anyin a wale, haingö Iehova tuhan sabaoth, Khongu Isaraela, ka habe, Kia inya inya a gʼ ame he Moaba ka ûcû me Sodoma, kʼ ame he lakon Amona ka ûcû me Gomora, a iny jut vhat, ke thopiny sâlt, ke ba wan nyiele balua: kʼ ame he je kolon lakeik ka sei ödra, ke ame he je kolon hnyi ik hnyei ka hwöhwabödra.

Numera 24:17

Oge me wâ e, ke ca walang ang: Oge me wâ e, ke ca hakekeny bi: Ame he ka o okhû ûheny unyi Jekob, Kʼ ame he ka kû haten musi ûheny unyi Isaraela, Kʼ ame he ka kot je ke keihen Moaba Me okongoâ je laku Setha.

Mataio 8:11

Ke inya oge me ha köbun, ka habe, E se hia tavat adre me he ka he ûhedra jimeyö me jimeû he ka tha laba me Aberahama, me Isaaka, me Jekob, hnyi dökhu hnyi drany:

Owisa 6:3

Ke a hia but belökâ hnyei at Isaraela, me ame o at Midiana, me Amaleka, me tavat e deiö; adre meʼ o but he ka vat mödra;