Isaia 11:12 - Iaai Bible 1901 (New Caledonia)

¹² Ke e ame he ka ogöranyâ boûdila hobi kâu ta je hnyei, me ûkhacaköuâ je hna degec ge at Isaraela, me ûkhacaköuâ je hna oveseâ a at Juda ûnyi hnyi je can hmeledrany a vak.

Isaia 11:12 ပူးပေါင်းရင်းမြစ်များ

Salamo 107:3

Me ûkhacaköu ödra ûnyi hnyi ta je hnyei, Ûhedra jimeiö me jimeû, Ûhedra hnyi hwadro me hwaiöu.

Salamo 147:2

Iehova ame op Jerusalema; E ame ûkhacakouâ hmetu at Isaraela adre obâ,

Salamo 60:4

U je hia but ham boûdila ka tavat adre me outö u, Me me he ka manen can hnathu. [Sela.

Salamo 68:22

Haingen Than, ka habe, Oge me he ka hom hmetu ûnyi hnyi Basana, Oge me he ka hum ödra hmetu ûnyi hnyi ta je diliny köiö:

Isaia 11:10

Ke haba hnyi bong eling, haba iwân anyi Jese, at ame tot hnân haten ka ta je hnyei, me ame he ta je hnyei ka elâm e; ke ame he ka hmanenang hnen hna menâ.

Isaia 18:3

Öbun hia thithö tavat adre me laba hnyi hmeledrany, ke tavat laba hon kânâ hia, e ka kap goranyai boûdila hon je bucen, wâ thö; ke e ka tûâ trutru long ju öbun.

Isaia 24:16

Ate me hia but long je khumöng ûnyi hnyi can hmeledrany, hna ogânâ tavat ae wisa. Ke haingök, Oge me delâ tot, oge me delâ tot, ekölö gak! a hia but iyawo ge tavat iyawo; eke, ame iyawo gan hmâ hnen tavat iyawo.

Isaia 27:13

Ke haba hnyi bong eling, me adre me he ka tûâ trutru ae gan; ke ame he ka he tavat wale adre me hakekeny ka mok hnyi hnyei Asuria, me tavat adre me hna degecâ hnyi hnyei Aigupito; me adre me he ka hmi kö Iehova hnyi bucen ae kap hnyi Jerusalema.

Isaia 43:6

oge me he ka ha ka ke keihen hwadro, ka habe, Hna but; ke ka ke keihen hwaiöu, Ca behânâ bi; hom but lakuk obaga ûhedra sâkâû, ke lakuk wahlu ûnyi hnyi je can hmeledrany;

Isaia 49:22

Walang hna ha hnö Iehova, ka habe, Oge me he ka hai hnyamok ka ta je hnyei, ke oge me he ka otilâ anyik boudila ka tavat: ke adre me he ka hom jem lakom obaga hnyi je ûlaidra, ke vadren lakom wahlu.

Isaia 49:5

Ke walang ang ame ha Iehova, at a up nya ûnyi hnyi hnyok mʼ inya athnyabainy, he ka ohmetu Jekob kâu, me me ûkhacaköu hmetu Isaraela unyin: (anyin a inya at adre ogânâ hnyi hnyimakö Iehova, ke haba Khonguk me wale tang hwegiök:)

Isaia 54:7

Ke oge hia but hna degeci u hnyi ong ûen ae ûhnyûkong; ke oge me he ka köp u hmetu hnyi tang betenge ae gan.

Isaia 56:8

Haingen Than Iehova, at ame ûkhacaköuâ ta je hna obâ a at Isaraela, ka habe, Oge me he bi ju ka ûkhacaköu keihen unyin, ke ca ha bi ge hing aten adre hia but ûkhacaköu.

Isaia 59:19

Me adre me he ka outen iö Iehova ûhedra jimeû, me outen anyin hmanenang ûhedra hnyi hna o hnen seûno: anyin a e ame he ka o helâ me wagewe ae hwege, wale ame tûâ hnen; homenö Iehova.

Isaia 60:4

Bwele thö goranyai igigilö me wâ: ödra hia thithö adre me ûkhacaköu, adre me o köu: ame he ka o lakom je baga ûhedra hnyi dok ae sâkâû, ke adre me he ka deluâ lakom je hlu.

Isaia 62:10

Didro, didro hnyi je homagöule; penapena thö deny tavat; op dö goranyai, op dö goranyai hna cit gethen; hlo thö je veto; ogöranyâ thö boûdila hobi kâu ta je hnyei.

Isaia 66:19

Ke oge me he ka ip unyidra haten, ke oge me he ka kunâ ka hnyi ta je hnyei tavat gadra adre me kec möt, Tasesa ai, me Pula ai me Luda ai, wale tavat hlic fana, me Tubala ai, me Heleni ai, me ka hnyi je bomene ae sâkâû, tavat adre me ca hnyi long ûthumetu gak, me ca wâ anyik hmanenang: ke adre ma he ka khetâ anyik hmanenang ka hnyi je hnyei.

Jeremia 23:3

Ke oge me he ka hawâ kolon halek ta je mamoe ûnyi hnyi ta je hnyei hia waleji oge obʼ ödra ka hnyin, me ohmetu ödra ka hnyi hnyeuledra; ke adre me he ka hnokoâ sehia me ti sehia.

Jeremia 30:17

Anyin oge me he ka oâ hmetu köu mot, ke oge me he ka ometâ hnâm je aat, haingö Iehova; anyin adre hia but hao u, ka habe, Hna degec, haingodra E bi Ziona, waleji ame ca elâm hnen ke at.

Jeremia 50:4

Hnyi je bong eling me ûen e, haingö Iehova, ame he ka o je lakon Isaraela, tha ödra me je lakon Juda, adre me he ka he me tenge tot, me elom Iehova Khongudrin.

Jeremia 51:12

Otilâ thö haten hon hna up veto hnyi Babulona, ohmâ ju tavat adre me hmâkâ, otilâ thö tavat tue, penapena thö he ka khöu mokut: anyin a Iehova ame ûnykûme me ânyâ, waleji hnen hna ha ge tavat adre me laba hnyi Babulona.

Ezekiela 28:25

Walang hna ha hnen Than Iehova, ka habe, Iny ka hia but ûkhacaköuâ lap anyi Isaraela ûnyi hnyi je hnyei a je hnyei adre ovesei ödra ka hnyin, kʼ adre hia but okabi nya bi hnyi hnyimakan ta je hnyei, me adre me he ka labâ idra waleji oge me ham ka athnyabaik a Jekob.

Hosea 1:11

Ke ame he ka ûkhacaköu je lakon Juda, me je lakon Isaraela, ke adre me he ka otilâ hobi kodra ke taben a khaca, ke adre me he ka he but ûnyi hnyi hnyei: anyin ame he ka bong ae gan bong bongu Jezerela.

Hosea 2:2

Ivino thö me hinyöbun, ivino thö; anyin a ca öiök ut e, ke ca âiân dut inya: ke so e ame degec anyin bi ûnyi monu ûnyi hnyi hnyimakan, me hnen hna venöu hnyi wanben li basin;

Zefania 3:10

Ame he tavat adre me khöû könya, a hlu tavat adre oveseâ, ka hom ta je bwihlany könya, ûnyi hnyi hoton je wageweiny Aithiop.

Zakaria 10:6

Ke oge me he ka ha hwegien lap anyi Juda, me omelö lap anyi Josefa, me ohmetu ödra, anyin oge me betenge gadra; ke adre me he ka helâ ke mʼ oge me ca digic ödra: anyin a inya Iehova Khongudrin, ke oge me he ka ling ödra.

Zakaria 8:7

Walang hna ha hnö Iehova tuhan sabaoth, ka habe, Wâ bi, oge me he ka omelö lakeik ûnyi hnyi hnyei e deiö, ke hnyei e jio:

Ioane 7:35

Me haba at Juda adre me ûhnenamököuâ, ka habe, Ewa dok ame he at ang ka he ka hnyin mʼ ate me ca he bi ka wâ; hawa, e ame he ka he ka tavat adre vese unyin at Heleni, me nâ at Heleni?.

Deuteronomi 32:26

Oge ha, ka habe, Oge me he ka ovesei ödra, Oge me he ka bi obiny hna ûnykûmi ödra ge tavat:

Iakobo 1:1

INYA Iakobo athnyabainy Khong me Than Iesu Keriso, anyik italofa ka ta je tribu a twelv adre vese ehee.

Hna Omanenâ 5:9

Ke adre me khumöngö khumöng a teb ûnyi, ka habe, U thibi a u ûcû he ka hom tusi, me khong je hna ohmâ haten: anyin adre hlingö u, ke u je ûco hobi kâu Khong ge drâm tavat ûnyi hnyi ta je tribu hia thithö, me je hwen hnyei, me je hnyei me tavat,

Hna Omanenâ 7:1

KE hwaban e oge me wâ je angela a vak ödrin e tot hnyi vak ta ke keihen hmeledrany, kʼ ödrin e kât vak ta ang hnyi hmeledrany, me me ca he ka hwege ang ka hnyi hmeledrany, me köiö, me ke ûö a khaca.