Isaia 11:11 - Iaai Bible 1901 (New Caledonia)

¹¹ Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 11:11 ပူးပေါင်းရင်းမြစ်များ

Genese 10:10

Ke haba hwâniny dokhon dökhu, me, Babela, me Ereka, me Akada, me Kalene, hnyi hnyei Sinara.

Genese 10:22

Haba laku Sema; Elama, me Asura, me Afasada, me Luda, me Arama.

Genese 11:2

Ke adre me tiga hok töt deiö, me adre me wâ ke dok ae thahon hnyi hnyei Sinara; ke adre me labā e.

Genese 14:1

KE haba hnyi je bong bongu Amerafela than Sinara, me Arioka than Elasara, me Kedalaoma than Elama, me Tidala than Goiim,

Genese 2:13

Ke haba ien wagewe a loiny, me, Gihona: wale at ame igigilö hnyei Kuza.

II. Je Than 17:24

Ke haba than Asuria ame hom tavat ûheny Babulona, me Kutha, me Ava, me ûheny Hamath me Sefaravaima, me ip ödrin hnyi je tauniny Samaria hwaban lakon Isaraela: me ödrin e labâ Samaria, me laba hnyi je tauniny.

Esetera 10:1

KE haba Asueru than ame hûna ka ta je hnyei me ta je bomeneiny köiö he ka fat.

Salamo 68:22

Haingen Than, ka habe, Oge me he ka hom hmetu ûnyi hnyi Basana, Oge me he ka hum ödra hmetu ûnyi hnyi ta je diliny köiö:

Isaia 1:9

Haba Iehova tuhan sabaoth, a ne ca hia but bi kolon ae ûhnyûkong thibi köta, me ate me he ka helâ me Sodoma, me ate me he ka ûcû me Gomora.

Isaia 10:20

Hnyi bong eling ame ca he hmetu bi ka he je kolon hnyi Isaraela, me tavat adre kec möt hnyi lap anyi Jekob ka labageju ka at a kuc ödra: ke adre me he ka labageju, hnyi hnathu kö Iehova, wale Kabi Isaraela.

Isaia 10:9

Hawa, e ca tha ûcû Kalene me Kakemis? ke ca ûcû Hamath me Arepada? ke ca ûcû Samaria me Damaseko?

Isaia 11:16

Kʼ ame he ka hu hna cit gethen anyin kolon lakeiny, a kolon ûnyi Asuria; helâji ka Isaraela hnyi bong e ame he ûheny hnyi hnyei Aigupito.

Isaia 19:21

Ke ame he Iehova ka manen bi hnyi Aigupito, kʼ ame he at Aigupito ka khanʼ ödra Iehova hnyi bong eling; eke, adre me he ka khudrung me je hut me je bwihlany, me bi khöbi kö Iehova, me ohwâdâ bi e.

Isaia 19:22

Ke ame he bala bi Iehova ka kot Aigupito, me osoâ bi; ke adre me he ka hmetu kö Iehova, me e ame he ka ling ödra, me osoi ödra.

Isaia 21:2

Adre thumetu nya ge hna omanenâ ae hmak; at ânyâ hwakecin iyawâ ame iyawâ, ke at sei ame söh. Elama lö, ölö thö; Madai lö, igigilo ju; oge hia but umo je bongon mâng hia.

Isaia 22:6

Ke Elama ame hom thi fana, me je kariota me tavat tabö hors: ke Kira ame uny ju hna tube bec.

Isaia 24:15

Anyin a wale, oganö Iehova thö hnyi jimeio, ke hnyi je bomene hnyi köiö, wale iö Iehova, a Khongon Isaraela.

Isaia 37:31

Ke haba je kolon lap anyi Juda, tavat ae möt, adre me he ka kû hmetu eû, me wa goranyai

Isaia 42:10

Hai thö kö Iehova khumöng ae teb ûnyi, ke hna ogânâ e ûnyi hnyi can hmeledrany; öbun tavat öbun e ut hnyi köiöai, ke unöngötiny e, ke je bomene, ke ta je aten.

Isaia 42:12

E so adre me he ka hna hmanenang kö Iehova, me omanenâ hna ogânâ e hnyi je bomene.

Isaia 42:4

E ame ca he ka sēnyin me ngâ, ke ne o but e ame he ka ip hna owisa eang hmeledrany; ke ame he ta je bomene ka halubahingen anyin hnanyibu.

Isaia 45:14

Walang hna ha hnö Iehova, ka habe, Haba troban huliwa hnyi Aigupito, me je omjeûiny Aithiope hnân ûcû, me at Seba, tavat ae beû, adre me he ka hum ödra köu, me me ânyâm; adre me he ka he hotom; adre me he ka he ke tiga cʼ ödra ge je tö a fao: ke adre me he ka iyâû köu, me khöu köu me ba, ka habe, E hnathu e bi Khong unyâm; ke ba ju ke at, ke ba ke Khong.

Isaia 49:12

Wâ bi, ame he ka o tavat ang ûhedra sâkâû: ke wâ bi, tavat ang ûhedra hnyi hwadro, me ûhedra jimeû; ke tavat ang ûhedra hnyi hnyei Sinim.

Isaia 66:19

Ke oge me he ka ip unyidra haten, ke oge me he ka kunâ ka hnyi ta je hnyei tavat gadra adre me kec möt, Tasesa ai, me Pula ai me Luda ai, wale tavat hlic fana, me Tubala ai, me Heleni ai, me ka hnyi je bomene ae sâkâû, tavat adre me ca hnyi long ûthumetu gak, me ca wâ anyik hmanenang: ke adre ma he ka khetâ anyik hmanenang ka hnyi je hnyei.

Jeremia 25:25

me ta je thaniny hia Zimeri, me ta je thaniny hia Elama, me ta je thaniny hia Madai;

Jeremia 31:10

Je hnyēi lö, löng ju hofuc ho Iehova, ke haimemenâ thö e hnyi je bomene ae sâkâû: me ha, ka habe, Haba at ame ovesei Isaraela ame he ka ûkhacaköu ödra hmetu, me tuʼ ödra, helâ me at ame tuö haleny hnahat mamoe.

Jeremia 44:1

WALANG hofuc ame o kö Jeremia ge at Juda hia, tavat adre me laba hnyi hnyei Aigupito, tavat adre me laba hnyi Migedola, me Tapanesi, me Nofi, me hnyei Patherusi ame ha, ka habe,

Jeremia 49:23

Ge Damaseko. Ame hmehma but Hamath me Arefada; anyin adre me hia but long je uthumetu ae kong, kʼ ame oaû ödra but: e bi hlöuhlöu hon köiö, ke ca khana bi he ka ta hau.

Ezekiela 27:6

Adre hia but ânyâ ânyâm je wi a je iwajoiny Basana; adre hia but tibet ânyâm je tap ge utö tasura adre me omecâ ge nyon elefan, ûnyi hnyi je bomeneiny Kitim.

Ezekiela 29:14

ke oge me he ka ohmeto at Aigupito ûhedra hnyi hna bâ, ke oge me he ka ohmetu ödra ka hnyi hnyei Patherusi, hnyei adre hnöku ödra hnyin; ke adre me he ka dokhu ae hnyikânâ eling.

Ezekiela 30:14

Ke oge me he ka oba wan Patherusi me hû meic hnyi Zoana, me bi hwaban ka No.

Ezekiela 32:24

E bi Elama me aten hia ae se igigilo anyin erkemok: tavat adre hlingʼ ödra, kʼ adre ta ge hele vat, kʼ adre me utut kâû ka hnyi kânâ a gʼ adre ca peritomonâ, waleji tavat adre ot gadra ödra tiga möt, kʼ adre me tha hmehma me tavat adre me utut ka hnyi thop.

Ezekiela 38:8

Ke hwaban je bong ae se hia adre me he ka senö u: ke hnyi je huna a biliny u me he ka o ka hnyi hnyei adre ohmeto ûnyi hnyi hele vat, wale adre ûkhacaköu ûnyi hnyi je hnyei ae se hia, hon je bucen Isaraela ae itremacat but ehac: ke adre hom e ûnyi hnyi je hnyei, ke adre me he ka laba khotkic ödra hia thithö.

Daniela 1:2

Ke haba Than ame hnö Jehoiakima than Juda ka hnyi hnyamen, tha e me ke je omjehen uma umen Khong; me e ame sukhöûnâ ka hnyi hnyei Sinara ka hnyi uma umen khongon: ke e ame ip je omjehen ka hnyi uma omjeû umen khongon.

Daniela 11:18

Hwaban dö e, e ame he ka hnyimakan ka hnyi je bomene, me hûgûnâ keihen ae se: ke haba ke than ame he bi ka biobiny hnen hna haikongoâ; eke, e ame he ka wia kongon kâu bi.

Daniela 8:2

Ke inya oge me wâ hnyi hna omanenâ; ke hnyi ûen oge me wâ, me oge me laba hnyi Susani hnyi uma umen than hnyi ke keihen hnyei a Elama; ke oge me wâ hnyi hna omanenâ, ke inya but hnyi wagewe Ulai.

Hosea 1:11

Ke ame he ka ûkhacaköu je lakon Juda, me je lakon Isaraela, ke adre me he ka otilâ hobi kodra ke taben a khaca, ke adre me he ka he but ûnyi hnyi hnyei: anyin ame he ka bong ae gan bong bongu Jezerela.

Hosea 11:10

Adre me he ka hnu hotu Iehova, hnyat adre me he ka kuku helâ me liona: anyin a e ame he ka kuku thö, me ame he ka o je wanakat ûhedra jimeû hnyi öbubuny.

Hosea 11:11

Adre me he ka o me öbubuny helâ me meno ame gâ ûheny Aigupito, ke helâ me biny ûheny hnyi hnyei Asuria: ke oge me he ka olabʼ ödra hnyi hnyin umödra je uma, haingö Iehova.

Mika 7:12

Hnyi bong eling adre me he ka o köu ûhedra Asuria ke je tauniny Aigupito, ke ûhedra Aigupito ke ne o but hnyi Wagewe, ke ûhedra hnyi ke köiö ke ne o but hnyi ke köiö, ke ûhedra hnyi ke bucen ke ne o but hnyi ke bucen.

Zefania 2:11

Ke ame he Iehova ka ooti ödra: anyin a e ame he ka ohia tilâ je khong khongon hmeledrany hia; me ame he tavat ka khudrung kâu, ke at me ke at hnyi je ve hnödra, wale ta je bomeneiny ta ogo hnyei hia.

Zakaria 5:11

Ke haingen könya, ka habe, Ödru me he ka bi umen uma hnyi hnyei Sinara: ke e ka penapena, adre me he ka ip momo hnyin wale hnyi hing taben lap.

Zakaria 8:7

Walang hna ha hnö Iehova tuhan sabaoth, ka habe, Wâ bi, oge me he ka omelö lakeik ûnyi hnyi hnyei e deiö, ke hnyei e jio:

Zakaria 9:2

ke Hamath minya wale ûtangköu më: ke Turo me Sidona anyin e gan hmâ metâiny.

Roma 11:15

Ke a ne hu ge hmeledrany ûsoköu hnyi hna digic ödra, ame he ka hu ieû hnyi hna he ka kap hmetu? ca möt bi ûnyi hnyi hna mok?

Roma 11:26

mʼ adre me he ka omelö at Isaraela hia thithö; helâ me hna sihnalimen, ka habe, Ame he ka o At ûhomeli ûheny Ziona; Ke ame he ka ohia hwakecin ae kong unyi Jekob:

II. Korinito 3:16

Ke adre me hnyimakodra ka Than, me ame he ka hia but hna tube.

Deuteronomi 9:29

Ke so bi em hnyei ödra, ke hwajekhom, waleji u je hom ge manâm man ae gan, me benyâm adre hai.