Isaia 11:1 - Iaai Bible 1901 (New Caledonia)

¹ KE ame he ka o khûen ûnyi hnyi iwân anyi Jese, ke ame he ka wa wan ke vheiny ûnyi hnyi anyin iwân:

Isaia 11:1 ပူးပေါင်းရင်းမြစ်များ

II. Samuela 23:3

Ame ha Khongu Isaraela, Ame fuc könya kic anyi Isaraela: At ame muso tavat hnyi wisa Ame musi me outen Khong;

I. Man Ûlabainy Je Than. 2:12

ke Boaza ame hnöku Obed, ke Obed ame hnöku Jese;

Salamo 145:11

Adre me he ka ha hmanenanginy dokhom dokhu, Me ûhnenamö manâm man;

Isaia 11:10

Ke haba hnyi bong eling, haba iwân anyi Jese, at ame tot hnân haten ka ta je hnyei, me ame he ta je hnyei ka elâm e; ke ame he ka hmanenang hnen hna menâ.

Isaia 4:2

Hnyi bong eling ame he ka hmanenang me mec hanö Iehova, kʼ ame he ka so me kese wan kânâ ka at Isaraela tavat adre kec möt.

Isaia 53:2

Anyin a e ame kû tot hnyi hnyimakan helâ me bâtân, ke helâ me wân ûnyi hnyi kânâ ae atgec: e ba anyin hmanenang, ke ba meciny; ke ate me wâ e, me ba hmanenang gan mʼ ate me he ka weta.

Isaia 6:13

Ke ame ne tiga hu ke keihen a libenyitainy biju hnyin e, adre me he ka han metoâ e: helâ me man ela me iwajo, wale ame tiga e bi onyen, ödra ka hia but öûo; helâe ame he ka wan ae kap onyen.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Jeremia 23:5

Wâ bi, ame he ka o je bong, haingö Iehova, ke oge me he ka oâ kö Davita? Khûen ae wisa, ke e ame he ka than me; musi me so, me ânyâ ûnyi ae wisa me ûnyi ae ûcû hnyi hnyei.

Jeremia 33:15

Hnyi je bong eling, me ûen eling, oge me he ka oâ kö Davita Angin hwakecin ae wisa, ke e ame he ka ânyâ ûnyi ae wisa me ûnyi ae ûcû hnyi hnyei.

Ezekiela 17:22

Walang hna ha hnen Than Iehova, ka habe, Oge me he bi nya ka hom boviny arasi ae görany, me tä e; kʼ oge me he ka thu boviny khûen, at ae habubut, ke oge me he ka tä e hon bucen ae beû göranyai ke nua:

Ezekiela 37:25

Me adre me he ka labâ hnyei waleji oge me ham kö Jekob athnyabaik, waleji a labâ ge lakamöbun; kʼ adre me he ka labâ e, ödra, me lakudra, me laöbidra nyiele balua: kʼ ame he Davita athnyabaik ka tuhödra nyiele balua.

Mika 5:2

Ke haba u Bethe-leema Eferatha, a at ae ûhnyûkong unyin ta je thauzan hnyi Juda, me ame he ka o hobi könya ûnyi gam at musi hnyi Isaraela; at ame he ehele hwân kâû adrem, ke nyiele balua.

Zakaria 3:8

Josua at bihut ae nua lö, long ju walang ang, u me lahanâm tavat adre me tot hnyi hnyimâkâm; anyin a ödra tavat me hnân haten: anyin a wâ bi, oge me he ka oâ athnyabaik wale Khûen.

Zakaria 6:12

ke u me he ka ha kâu, ka habe, Walang hna ha hnö Iehova tuhan sabaoth, ka habe, Wâ bi at, haba ien, me Khûen; ke e ame he ka kû ûnyi hnyi hnen me op uma umo Iehova:

Mataio 1:1

TUSI hnân aû je dö anyi Iesu Keriso, mâtrâni Davita, mâtrâni Aberahama.

Roma 15:12

Ke wale hmetu ang, haingö Isaia, ka habe, Ame he ka hu iwân ûnyi ga Jese, Ke at ame tot he ka muso Aten ta je hnyei; Ame he ka labageju kâu hnen Aten ta je hnyei.

Heberu 7:14

Anyin ae manen a ga o but Tuhöta ûnyi hnyi Juda; ke ba hofuc a ha Mose ge hanymen at bihut hnyi tribu eling.

Hna Omanenâ 22:16

Inya Iesu oge hia but kunâ anyik angela he ka thumetu öbun ge ta je ûnyi e hobi kâu ta je ekalesia. Inya khûen me Nöku Davita, ke okhû lany ae hadröngöc.

Hna Omanenâ 5:5

ke haba ke at hnyi wahingat ame ha könya, ka habe, Ca tenge: wâ bi, e hwege Lionainy tribu Juda, Khûen anyi Davita, he ka lau tusi, me khong je hna ohmâ haten e a seven.

Rutha 4:17

Ke haba omomo ödrin e hwenyi ien, ke haingödrin, A hia but hnokoâ da öbi Naomi; ke ödrin e hwenyi ien me Obed: haba e kamö Jese, kamö Davita.

I. Samuela 17:58

Ke haingö Saulo kâu, ka habe, Hidröu lö, u nöku ia? Me Davita ame thu, ka habe, Inya nöku Jese a athnyabaem at Betheleema.