Isaia 10:3 - Iaai Bible 1901 (New Caledonia)

³ Ke ieû öbun e he ka ânyâ hnyi bonginy sene, ke hnyi hnaûhango ame he ka o ûnyi hnyi dok ae sâkâu? öbun e he ka kec kö ia me me hadruʼ öbun? ke öbun e he ka ip ua anyibun hmanenang?

Isaia 10:3 ပူးပေါင်းရင်းမြစ်များ

Genese 31:1

KE e ame löng ta je hofuc hwan laku Labana ta baga, ka habe, A hom hia thö Jekob ta je ûnyi anyi cica; ke ûnyi hnyi ta je ûnyi anyi cica e ame hom hmanenang eang.

II. Je Than 7:15

Me ödrin e he hotudrin ke ne o but Joridano: ke wâ bi, adre avâ gethen hia ge je ûkhaû me je kaia, wale a hna degecâ ju at Suria hnyi hnödrin hna kec logot. Ke haba je uthumetu ame he hmetu me thumeto than.

Jobu 31:14

Ieû oge me he ka ânyâ e ka he Khong ka tot? E ka he ka senâ, ieû oge me he ka thu kâu?

Ta je Vejec 11:4

E ca ûnyi hnathu omjeû hnyi ûen hmonyin: Ke haba hwakecin ae wisa me wale ûhomeli ûnyi hnyi hna mok.

Isaia 13:6

Tenge ju öbun; anyin a e but ang bong bongu Iehova; ame he ka o helâ me hna ohia hneû Ataekhanahia.

Isaia 17:4

Ke haba hnyi bong eling me adre me ke ka ohalelöûâ hmanenangi Jekob, kʼ ame he ka delâ unyin ae pipikhenya.

Isaia 20:6

Ke ame he tavat adre laba hnyi hobat köiö ka tha ha hnyi bong eling, ka habe, Wâ bi, wale hnöta hna geju kâu, mʼ ate me kec kâu me me hadruʼ öta mʼ ate me möt ûnyi ge than Asuria: ke haba öta ate ma hawa ka kec?

Isaia 26:14

Adre mokcu, adre me ca he bi ka möt; ödra ta je komok, adre me ca he ka tot hmetu: anyin a wale u je hia but senʼ ödra me ohiʼ ödra, me tha ohia hna ûnykûme gadra.

Isaia 26:21

Anyin a wâ bi, ame he Iehova ka he ûheny hnyi hnen hna laba, he ka bi hwaban hulo anyin tavat adre me labā hmeledrany: ke ame he hmeledrany ka omanenâ dren e, ke ame ca he hmetu ka tube ta je hna hlingâ.

Isaia 28:20

Anyin ae okhulit hna mokut, me me ca khana bi at he ka hlöhlöu hnyin; ke ûhnyûkong aven kubö, me ca ûcû bi e ka tube e.

Isaia 29:6

Ame he Iehova tuhan sabaoth ka senâ e tha e me hwan than, me hwiöi, me hwan ae gan hmâ, me hou, me weneû, me bâhlân meic ame han.

Isaia 30:16

Ke haingöbun, ka habe, E ba, anyin öhmun e he ka tabö hors me kec; awe, öbun e he ka kec: ke haingöbun, Öhmun e he ka tabâ je meno ae logot; awe ame he bi ka logot tavat hnu öbun.

Isaia 30:5

Ödra hia thithö adre me he ka hihmehma tavat ae ba troban kodra, ke ca hnân ûhadruo me troban, ke hnân hmehma me haikongoâ minya.

Isaia 30:7

Ke ca ûnyi hnathu, ke ûnyi baû ûhadruo ge Aigupito: anyin a wale oge me hwenyi ien e, Rahaba, at ame laba thibi.

Isaia 33:14

Ame ot hnyi Ziona tavat ae kong; kʼ ame o but öbubuny ka tavat adre me ca ot bi. Ie at gata ae khana he ka laba hnyi meic ame han? ie at gata ae khana he ka laba hnyi bâhlân meic nyiele balua?

Isaia 39:3

Me haba Isaia perofeta ame he kö Hezekia than me ha kâu, ka habe, Ieû hna ha hnen tavat e? ke ûhedrin ua köu î Me Hezekia ame thu ka habe, Ûhedrin hnyi hnyei ae sâkâû ka o könya, wale Babulona.

Isaia 5:14

Anyin a wale a hia but hedis ogânâ weny bi, kʼ ame memang gan hmâ a ca hnân bi tuluto: me ame tha utut ka hnyin anyidra hmanenang, me hoûmonu, me tavat mede, me tavat hobâ.

Isaia 5:26

Ke e ame he ka ogöranyâ boûdila ka hnyi ta je hnyei ae sâkâû, ke e ame he ka hûlûwhajû kodra ûnyi hnyi obiny hmeledrany: ke wâ bi adre me he ka ie o logot:

Jeremia 22:7

Ke oge me he ka penapena gam tavat ohia, ae ve hu ûnyi hnân vat: ke adre me he ka sö but ânyâm je arasi adre ûca, me khûâ ka hnyi meic.

Jeremia 4:30

Ke haba u, ödra ka hia but sei u, ieû u me he ka ânyâ? Eja ke ne u je ne he ka hkaûö u ge ûkhaû ae dra vec, me theibi u ge je hmanenanginy gol me ogânâ li emâkâm ge botru, e ûnyi baû bi hnâm hna he ka ohmanenangi u bi; ame he tavat adre me wedra u ka hûkötiö u, adre me he ka elâm he ka hlingö u.

Jeremia 5:31

je perofeta adre me profeta thoi, ke haba tavat bihut me adre me musi ûnyi gadra bi; ke adre me weny helâe hnen lakeik: ke ieû öbun e he ka ânyâ hnyi obiny e?

Jeremia 9:9

Hawa, oge me ca he ka senʼ ödra can ta je ûnyi e? haingö Iehova: hawa ame ca be hanuk ka bi hwaban ka hnyei a helâe?

Hosea 5:13

Ke a wâ but Eferaima anyin mok ke a wâ but Juda hnân aat, me haba Eferaima ame he Asuria ai, kʼ ame ûkhûnöng kö Jareba than; ke ca khana bi he ka omeli u, me ometo hnobun aat.

Hosea 9:5

Ieû öbun e he ka ânyâ hnyi bonginy ûkhacaköu ae ûnyi hnathu, me hnyi bonginy bijeû anyi Iehova?

Hosea 9:7

A o thö je bong bi hwaban, a o thö je bong he ka oûco; kʼ ame he Isaraela ka wâ e: at ae monu perofeta, ke monu at ae tren hanu, anyin ae se but ânyâm je hulo, ke gan hmâ ûöhûköti.

Amosa 5:19

Ke helâ me at ame kec ge liona, kʼ ame ûkhanö bi me bea; ke ame ne dit hnyin uma ke ame ka ip hnyamen hnyi hna up uma, me ame oloû but on.

Mika 7:4

Haba tavat ae so gadra, me helâ me ûö ae ûdedö: ke haba tavat ae ti fofâ gadra, me kong hon hak ae ûdedö: e but ang bong bongon tavat adre me tuö u, wale ûen he ka senö u; adre me he walang ang ka hlöhlö.

Zefania 1:18

E ca khana bi anyidra sileva me gol he ka omeli ödra hnyi bonginy hmonyin anyi Iehova; ke adre me he ka thong degecâ hnyei hia ge meicin anyin ciâ: anyin a e ame he ka bi obiny, eke, obiny ae mweimwei ka tavat hia adre me laba hnyi hnyei.

Luka 19:44

me othahoni u me kânâ, u me je lakom unyâm; ke ame ca he ka hnen ke veto hon ke veto hnyi wanbâm; anyin ae ca khanö u ûen adre me senʼ u hnyin.

Deuteronomi 28:49

Ke ame he Iehova ka oâ köu vat, a hnyei ûnyi hnyi dok ae sâkâû ûheny hnyi can hmeledrany, helâ me ugâiny aeto; hnyei ae ca khanö u he ka löng hwan;

I. Peteru 2:12

e so e ûcû hwakecibun hnyi hnyimakan Aten ta je hnyei; mʼ adre me ca he ka haikongu öbun helâ me tavat ae kong hwakecidra, e so adre me he ka ogânâ Khong hnyi bonginy senâ, at ka he ka wâ anyibun ta je huliwa ae so.