Isaia 10:27 - Iaai Bible 1901 (New Caledonia)

²⁷ Ke hnyi bong eling adre me he ka hom honen hok ûnyi hnyi hon bajebenyâm, me anyin bi hna ûhûkâlâköuâ ûnyi hnyi hon nyem, ke adre me he ka ohia hna ûhûkâlâköuâ, can wakaco hnân hû.

Isaia 10:27 ပူးပေါင်းရင်းမြစ်များ

II. Samuela 1:21

E, öbun je bucen hnyi Gileboa, E so ame ca ta hubun dân hau me we, ke ba je utkânâ hnân hut: Anyin adre degecâ eling becin at ae hwege me me kong ut, Bec anyi Saulo, helâke adre ca hû ge wakaco.

Salamo 105:15

Haingen, ka habe, Ca he ka kâlâ hnok ta je hna hû, Ke ca okongo anyik ta je perofeta.

Salamo 132:10

Ca wia degecâ bi hnyimakan at u je hû. Can athnyabaem a Davita.

Salamo 2:6

Ke so bi oge hia but otilâ anyik than Hon Ziona, anyik bucen ae kap.

Salamo 20:6

E khanö nya walang ang a Iehova ame omelo at waleji e ame hû; E ame he ka long kâu ûnyi hnyi anyin drany ae kap Ge hnyamen a metân ae hwege he ka omelo at.

Salamo 45:7

U je hia but hnyok ka hwakecin ae wisa, me ikiki ge hwakecin ae kong: Anyin a wale Khong a Khongom ame hia but hû u Ge wakacoiny senyin hon je lahanâm bi.

Salamo 81:6

Oge me uny jut hok ûnyi hnyi li abenyin: Adre thang li hnyamen ûnyi hnyi tang.

Salamo 84:9

Khong a becihmun lö, bwele but, Me wâ hnyimakan at u je hû.

Isaia 14:25

Ke oge me he ka oamâmâ at Asuria hnyi ik hnyei, me uto e hmelen li cak hon anyik je bucen: me ame he ka hia hna ûhûkâlâköuâ ûnyi gadra, me honen hok ûnyi hnyi hon je bajebenyidra.

Isaia 30:23

Me e ame he ka ham we hobi kâu hatungâm ta je hatong, wale u me he ka tā hnyi kânâ; me jeû minya a troban kânâ, kʼ ame he ka pipikhenya me se hia: ke hnyi bong eling ame he halem ta je meno ka han tot hnyi je hnyei ae gan.

Isaia 37:35

Anyin a oge me he ka tuö taun ang me omelo e gak bi, me ga Davita athnyabaik.

Isaia 52:2

Jijingö u but ûnyi hnyi sesâ; Jerusalema lö, todrö, laba thö: thang ut hna ca nyem hluiny Ziona at a bâ.

Isaia 55:2

Ieû gabun öbun e ham mone hwaban ûnyi a ca jeû? ke anyibun huliwa hwaban ûnyi ame ca osekunâ? long wia ju könya, ke an ju ûnyi ae so, ke ame he je hnyekubun ka senyinâ ûnyi ae pipikhenya.

Isaia 9:4

Anyin a u je hia but thu anyin ûnyi hnân ûhûkâlâköuâ ae hmak, me uciny abenyin, me osö anyin at ame okongoâ e, helâke hnyi bong bongon Midiana.

Jeremia 30:8

Ke hnyi bong eling haingö Iehova tuhan sabaoth, oge me he ka thamuâ hna ûhûkâlàköuâ ûnyi hnyi hon nyem, me thu omomono je hna cö u; ke ame ca he hmetu ta je atkanyua ka thaluâ e:

Ezekiela 30:18

Ke ame he ka olidrâ lany hnyi Tapanesi, iny ka he ka thamuâ eling je hna ûhûkâlâköuâ anyin Aigupito, ke ame he ka o obiny hmanenanginy maniny man; ke haba e, me adre me he ka tube e hnen ûlâ; kʼ ame he lakon wahlu ka bâ.

Levitiko 7:35

Wale hwajekhon Arona, me hwajekhon lakon, ûnyi hnyi je hut a an ge meic ko Iehova, hwân hnyi bong e ame otilʼ ödrin ka hnyi hanymen bi hut kö Iehova;

Luka 4:18

E but huk Hanon Than, Anyin a e ame hia but hû nya he ka khetâ ûthumetu ae so ka ta je theduoc: E ame hia but kunö nya he ka haimemenâ hna hna ka ta je hwenbâ, Ke hna bwele ka je wadröu, Ke he ka thang hnyat adre aat dö

Ioane 1:41

E ame bân ka elâm liamekeiny mē a Simona me ha kâu, ka habe, Ohmun e wâ but Mesia, (bongon, Keriso).

Ta je huliwa 4:27

E hnathu adre hia but ûkhacaköu hnyi taun ang Heroda me Ponetio Pilate me Aten ke je hnyei me at Isaraela, je ûcon Atâm ae kap a Iesu at u je hû,

I. Ioane 2:20

Ke so bi adre me hû öbun ûnyi ge At ae Kap, ke manen köbun ta je ûnyi hia thithö.

I. Ioane 2:27

Ke haba öbun, me ame tethmâ unyibun hna osûâ waleji öbun e kap ûnyi gan, ke ca ûnyi hnathu köbun ame he ke at ka nʼ öbun; ke haba hnen hna osûâ ame nʼ öbun hnyi ta je ûnyi hia, ke e hnathu e, kʼ ame ca thoi bi, ke helâe, e ame nʼ öbun, ke so öbun e tethmâ hnyin.