Isaia 10:26 - Iaai Bible 1901 (New Caledonia)

²⁶ Ke ame he Iehova tuhan sabaoth ka oâ kâu osö, helâ me hna kot at Midiana hnyi kic Oreba; kʼ ame he anyin uci ka e hon köiö, ke e ame he ka hai goranyai e helâ me hnyi Aigupito.

Isaia 10:26 ပူးပေါင်းရင်းမြစ်များ

II. Je Than 19:35

Ke haba hnyi lit eling ame he but angela anyi Iehova me kot tavat a wan haded ke eite faiv thauzan hnyi hna hunuma anyin at Asuria: ke ame vesâ tavat hnyi hnyomakatu, me wâ bi, ödrin je komok a mokcu hia.

Salamo 35:23

Bwebwet dö, ke todrö he ka owiso nya, Hnyi hnok hna ivino, Khonguk me Tuhok.

Salamo 83:11

Öûco ju ta je tuhödra me Oreba me Zeeba; Eke, öûco ju je tuhödra hia me Zeba me Zalemuna:

Esodo 14:16

Ke hai thö ânyâm uci, me inâ but hnyamâm hon köiö, me me khekhe lo but: kʼ ame he lakon Isaraela ka he wanben köiö hnyi dok ae mada.

Isaia 10:24

Anyin a wale, walang hna ha hnen Than, Iehova tuhan sabaoth, ka habe, Lakeik lö, tavat adre me laba hnyi Ziona, ca outen bi öbun at Asuria: eja ke ne a ne kuc u ge osö, me nang anyin uci köu helâji me hnyi Aigupito.

Isaia 11:16

Kʼ ame he ka hu hna cit gethen anyin kolon lakeiny, a kolon ûnyi Asuria; helâji ka Isaraela hnyi bong e ame he ûheny hnyi hnyei Aigupito.

Isaia 30:30

Ke ame he Iehova ka olöngâ ifucin ae hmanenang, me omanenâ ûköluiny hnyamen, tha e me anyin hmonyin ae gan, me bâhlân meic ame han, tha e me hna oamamâ, me weneû, me we wahma.

Isaia 30:31

Anyin adre me he ka thö oamamâ Asuria hnen ho Iehova, e ame he ka kot ge osö.

Isaia 30:32

Ko haba je hna hna hia ge uci at a i hanymen, wale ame he Iehova ka ip hon, ame he ka tha e me je bwinybet me kitara: ke e ame he ka vat mē ge je vat ae hwege.

Isaia 9:3

U je hia but osehia hnyei, ke u je ogânâ senyin: kʼ adre me senyin hnyi hnyimâkâm helâ me senyin hnyi menu, ke helâ me hna senyin ge tavat adre me khenâ je hna söh.

Isaia 9:4

Anyin a u je hia but thu anyin ûnyi hnân ûhûkâlâköuâ ae hmak, me uciny abenyin, me osö anyin at ame okongoâ e, helâke hnyi bong bongon Midiana.

Hna Omanenâ 11:18

Ke ame hmonyin ta je hnyei ke ame o but ânyâm hmonyin, ke ûen he ka ûhnö tavat adre mokcu, me he ka ham hwaban ka lathnyabaem a ta je perofeta, me wakap, me tavat adre me okabâ iâm, tavat ae ûhnyûkong me tavat ae gan; me he ka ohnaûhangöi ödra adre me ohnaûhangoâ hmeledrany.

Hna Omanenâ 19:15

Ke ame o but ûnyi hnyi hnyimen hele vat ae so hwan, me me he ka kot kâu ta je hnyei: ke e ame he ka musi ödra ge osö fao: ke e ame ututo hnyi hna hlic vineiny tang hmonyin ae gan anyin Khong Ataekhanahia.

Owisa 7:25

Ke adre me kât li tuhan at Midiana jia Oreba me Zeba; me adre me hlingö Oreba hnyi hon kic Oreba, ke adre me hlingö Zeba hnyi hna hlec vine anyi Zeba, me hnu at Midiana: ke ödrin e hom li bö Oreba me Zeba ko Gideona hoton Joridano.