Isaia 10:24 - Iaai Bible 1901 (New Caledonia)

²⁴ Anyin a wale, walang hna ha hnen Than, Iehova tuhan sabaoth, ka habe, Lakeik lö, tavat adre me laba hnyi Ziona, ca outen bi öbun at Asuria: eja ke ne a ne kuc u ge osö, me nang anyin uci köu helâji me hnyi Aigupito.

Isaia 10:24 ပူးပေါင်းရင်းမြစ်များ

II. Je Than 19:6

Ke haba Isaia ame ha ködrin, ka habe, Öbun e he ka ha helâng ka tuhöbun, ka habe, Walang hna ha hnö Iehova, ka habe, Ca he bi ka outen je hofuc u je long waleji hnen lathnyabainy, than Asuria hna haikongu nya.

Esodo 14:9

Kʼ ame hnu odra hnen at Aigupito, je hos hia me je kariota anyi Farao, me tavat adre me tabâ haleny je hos, me anyin vat, me homtilʼ odra adre me hunuma hnyi köiö cicö Baalazefona, hakekeny Pihahiroth.

Esodo 5:14

Ke adre kot je homakan huliwa a je lakon Isaraela, wale hnen je tuhan huliwa anyi Farao hna otilâ hudra, me hnei odra, ka habe, Ieû gabun öbun e ca oumo ta je veto kânâ a hûdröbun et, me enyi, helâ me ehac?

Isaia 10:5

Ekölö ge at Asuria, osöiny anyik hmönyin, ke utöhmu hnyi hnyamen anyik wathethot!

Isaia 12:2

Wâ bi Khong thibi melik; ke oge me he ka labagejon, me ca he ka ot: anyin a haba Than Iehova, me wale tang hwegiök, me hwanyik khumöng: me e bi ang anyik ûhomeli.

Isaia 12:6

At ame laba hnyi Ziona lö, hongot dö goranyai me kuku: anyin ae gan hmâ Kabi Isaraela eû hnyi wanbâm.

Isaia 14:29

Filisiti hia lö, ca senyin bi can adre thu uci waleji ame kuc u: anyin ame he ka o but vaipa ûnyi hnyi iwân anyin on, ke haba mâtrân e me on ame hiâ me gâ.

Isaia 27:7

Hawa, e ame kot e bi helâji me hnen hna kot tavat adre me kot e? ke hawa, adre me hlingâ e bi helâ me hnen hna hlingâ tavat adre hlingâ e?

Isaia 30:19

Anyin ame he tavat ka laba hnyi Ziona wale Jerusalema: u me ca he ka tenge hmetu; ke e ame he ka betenge gam hnyi hnâm hna hongot; ke ka long, me ame be ka thu köu.

Isaia 30:32

Ko haba je hna hna hia ge uci at a i hanymen, wale ame he Iehova ka ip hon, ame he ka tha e me je bwinybet me kitara: ke e ame he ka vat mē ge je vat ae hwege.

Isaia 35:4

Ha thö kodra tavat ae sēnyin hnyok, ka habe, Hwege thö, ca ot bi: wâ bi, ame he ka o Khongubun tha e me hwaban, ame he Khong ka bi hwaban; e ame he ka o me omeli öbun.

Isaia 37:22

awe, walang hofuc ho Iehova ame ha gan, ka habe, A hûkötiö u me hlumö u hnen hlu wale hlu Ziona; ke ame nyinyikâ ban gam hnen hlu Jerusalema.

Isaia 37:6

Ke ame ha Isaia ködrin, ka habe, Öbun e he ka ha helâng ka tuhöbun, ka habe, Walang hofuc ho Iehova, ka habe, Ca he ka outen hofuc u je long, waleji hnen athnyabainy than Asuria hna haikongu nya.

Isaia 4:3

Ke adre me he ka ha, me kap kolon hnyi Ziona, me at ame laba biju hnyi Jerusalema, wale tavat hia thithö adre tha sihnalimen me tavat ae möt hnyi Jerusalema:

Isaia 46:13

oge me hakekenyâ anyik wisa, e ame ca he ka ûsâkâûö, ke ame ca he ka bec ûhomeli ûnyi gak; ke oge me he ka ip hnyi Ziona ûhomeli hobi kö Isaraela hmanenangik.

Isaia 51:13

ke u me hnying Iehova bi At a up u, at ame ulolo drany kʼ ame bi taben hmeledrany; ke u me labö outen hnyi ta je bong hia can wathethot anyin at ûöveci, hnyi ûen e ame penapena he ka ohia? ke e but ua hmonyin anyin at ûöveci?

Isaia 61:3

he ka ip hobi kâu tavat adra tenge hnyi Ziona, he ka ham kodra ûnye vekiny hwaban hnabadröu, me wakacoiny senyin hwaban hlöuhlöu, me ûkhaûen ogânâ, hwaban hnyok ae hmak; mʼ adre me he ka hwenyi iödra me je ûöiny wisa, a tä Iehova, mʼ adre me he ka ogânâ e.

Isaia 7:4

me ha kâu, ka habe, Wâ ju, me mē laba ju; ca ot bi, ke ca sēnyin bi hnyekom, can li hnyiban uto eang ae hai, ke can hmonyin anyi Rezina, me Suria, me nöku Remalia.

Isaia 9:4

Anyin a u je hia but thu anyin ûnyi hnân ûhûkâlâköuâ ae hmak, me uciny abenyin, me osö anyin at ame okongoâ e, helâke hnyi bong bongon Midiana.

Mika 5:5

Kʼ ame he at ang me hnân ûsoköu köta: e ka o but at Asuria ka hnyi ita hnyei, kʼ ame uto je umen latuhöta, waleling ate me he ka otilâ kâu hnyat tuö mamoe a ödrin seven, ke eit ta taben tavat.