Isaia 10:22 - Iaai Bible 1901 (New Caledonia)

²² Anyin a eja ke ne a ne helâ me öny eû hnyi köiö lakem Isaraela, ame he ka hmetu thibi koluidra: adre me ip hmâ he ka ohia, ke wale ame badedö but hwakecin ae wisa.

Isaia 10:22 ပူးပေါင်းရင်းမြစ်များ

Genese 18:25

Ö u ca he ka ânyâ helâe, wale he ka tha omoko tavat ae wisa me tavat ae kong, me me tha ûcû at ae wisa me at ae kong. Ö u ca he ka helâe: hawa ame ca he at owisa hmeledrany hia ka ânyâ wisa?

I. Je Than 4:20

Ke e se hia at Juda me Isaraela, helâ me önyin köiö ûseiny, adre me han me ic me senyin.

II. Je Than 19:31

Anyin ame he ka he ûheny Jerusalema je kolon, me ûheny hnyi bucen Ziona je hnyat adre me he ka möt: adre me he ka ânyâ e hnen we Iehova ae gan hmâ.

Isaia 37:31

Ke haba je kolon lap anyi Juda, tavat ae möt, adre me he ka kû hmetu eû, me wa goranyai

Isaia 46:3

Ling nya ju lap anyi Jekob, me je kolon hia lap anyi Isaraela, tavat adre me hom tilʼ ödra ûnyi hnyi hna hnokoâ, tavat adre me kap tilʼ ödra ûnyi hnyi hnyok:

Isaia 48:19

ke helâ me öny ta je mâtrânâm, ke haba wan hnyekom me helâ me ûseiny je waöny: adre me ca he ka subâ degecâ me ohia ien hnyi hnyimakök.

Isaia 59:20

Ke ame he at ûhomeli! ka o hnyi Ziona, me kodra tavat adre me hmetu ûnyi hnyi hulo anyi Jekob, haingö Iehova.

Isaia 6:11

Me oge me ha, ka habe, Than lö, ke ne o but kehö î Ke haingen, ka habe, Ke ne o but ame ba but wan je taun, ke ba at ame labā, ke ba but at hnyi je uma; ke ba but wan hnyei,

Isaia 6:13

Ke ame ne tiga hu ke keihen a libenyitainy biju hnyin e, adre me he ka han metoâ e: helâ me man ela me iwajo, wale ame tiga e bi onyen, ödra ka hia but öûo; helâe ame he ka wan ae kap onyen.

Isaia 60:22

Ame he ka wan thauzan bi, tavat ae wakhalet, ke ame he ka hnyei ae hwege bi, hnyei ae ûhnyûkong: oge me he, inya Iehova, ka ologotâ e hnyi ûen e.

Isaia 65:8

Walang hna ha hnö Iehova, ke habe, Adre me wâ waina ae teb ûnyi hnyi thi vine, ke haingen ke at, ka habe, Ca degec e, anyin ae hu hnahic hnyin: helâe oge me he ka ânyâ, can ta je athnyabaik, mʼ oge me ca he ka tha ohiʼ ödra hia.

Isaia 8:8

ke e ame he ka di bala Juda ai; me bahihingölö me vheno e, me khibi ke ne o but hnyi nyin; me ame he ka unöngötö ûlauen em hnyei, Emanuela.

Jeremia 3:14

Öbun na hmetu ju, öbun tavat labö kolu, haingö Iehova; anyin a iny helâ me âiân köbun: ke oge me he ka hum öbun, ûsa khaca ûnyi hnyi taun, ke ûsa lo ûnyi hnyi lap, me hum öbun Ziona ai:

Jeremia 44:28

Ke haba tavat adre me kec mot ge hele vat, me adre me he ka hmetu ûnyi hnyi hnyei Aigupito ka hnyi hnyei Juda, a ödra wakhalet thiju; ke ame he ka khana je köluiny at Juda hia tavat adre me be ka hnyi hnyei Aigupito he ka më labā, a ho ia hofuc ame he ka ton, ame ne hok, ame ne hodra.

Daniela 9:27

Ke e ame he ka ohmâ ûhihinyköu ka tavat ae se hia hnyi wik a khaca; ke haba hnyi hafiny wik, me e ame he ka bi obiny hut ke bwihlany; ke ame he ka o at ame öba wan, kʼ ame he ka tabâ labenyin ta je ûnyi ae ikiki; ke adre me he ka hingâlâ hmönyin hon at ame öba wan, ke ne o but ame bekhot ûnyi adre ohmâ.

Hosea 1:10

Ke so bi haba numerainy lakon Isaraela, me ame he ka ûcû me ûnyin köiö, wale ae ca khana bi ke at he ka tuluto me aû numerainy; ke haba hnyi dok wale adre me ha kodra, ka habe, Ca lakeik ut öbun, me adre me he bi ka ha kodra, ka habe, Öbun lakon Khong ae mot.

Ta je huliwa 17:31

anyin a e ame hia but thu bong he ka ûhnei me owisa hmeledrany hnen at e ame hia but otilâ; ke e ame ohnathoâ e ka tavat hia hnyi hnen hna omelö hmetu thö e ûnyi hnyi hna mok.

Roma 2:5

ke can hnyekom ae nâk ke ca ietra, me u me ûkhöûnâ tang hmonyin hnân hobi köu bi hnyi bonginy hmonyin, ke hobi kâu ûen adre me omanenâ hwaban ae wisa ge Khong;

Hna Omanenâ 20:8

me ame he ka o but ka omonoâ ta je hnyei wale hnyi vak ta ke keihen hmeledrany, wale Gog me Magog, he ka ûkhacaköu ödra ka hnyi vat: ke helâ me önyin köiö ûseidra.