Isaia 10:21 - Iaai Bible 1901 (New Caledonia)

²¹ Ame he ka hmetu ke kolon, wale kolon unyi Jekob, ka Khong ae man.

Isaia 10:21 ပူးပေါင်းရင်းမြစ်များ

Ezera 1:4

Ke haba kolon tavat hia hnyi je hnyaba hia ödrin e laba hnyin, me so e he tavat aten je hnyabadrin he ka hadruʼ ödrin ge sileva, me gol, me omjeû, me omeno, me ta je bwihlany minya ae betenge hobi kâu uma umen Khong wale hnyi Jerusalema.

Isaia 19:22

Ke ame he bala bi Iehova ka kot Aigupito, me osoâ bi; ke adre me he ka hmetu kö Iehova, me e ame he ka ling ödra, me osoi ödra.

Isaia 37:31

Ke haba je kolon lap anyi Juda, tavat ae möt, adre me he ka kû hmetu eû, me wa goranyai

Isaia 46:3

Ling nya ju lap anyi Jekob, me je kolon hia lap anyi Isaraela, tavat adre me hom tilʼ ödra ûnyi hnyi hna hnokoâ, tavat adre me kap tilʼ ödra ûnyi hnyi hnyok:

Isaia 55:7

e so ame he at ae kong ka degec hwakecin, ke so ame he at ae monu ka degec ta je ûnykûmenen: ke so e ame hmetu kö Iehova me me he ka betenge gan; ke so e ame hmetn ka Khonguta, anyin a e ame he ka ti kot degecâ hia.

Isaia 59:20

Ke ame he at ûhomeli! ka o hnyi Ziona, me kodra tavat adre me hmetu ûnyi hnyi hulo anyi Jekob, haingö Iehova.

Isaia 7:3

Me haba Iehova ame ha kö Isaia ka habe, He thö walang ang ka ûkhanö me Ahaza, u me Sear-jasub a nokom, hnyi obiny gethen deny köiöiny an ethö, hnyi gethen wanben utkânâ anyin at hnû khaû;

Isaia 9:13

Ke so bi ame ca hwio tavat kâu at ame kuc ödra, ke haba khaca adre me ca elom Iehova tuhan sabaoth.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Jeremia 50:20

Hnyi je bong eling me hnyi ûen e, haingö Iehova, adre me he ka elâm hulo anyin Isaraela, ke ba but: me je hulo anyin Juda, ke adre me ca be ka wâ: anyin oge me he ka thang je monu anyin tavat oge me hna me linân kolon.

Hosea 14:1

ISARAELA lö, hmetu ju kö Iehova Khongom; anyin a u je ta but ge ânyâm hulo.

Hosea 6:1

A I öbun, ate me he hmetu kö Iehova; anyin a e ame hia but oloû kia, me e ame he ka ometo; e ame hia but kot, kʼ ame he bi ka lan.

Hosea 7:10

Ke ame ohnatho hnen bi gan anyin Isaraela hnyi hnyimakan: ke so bi adre me ca hmetu bi kö Iehova Khongudrin, me elâm e, hnyi je ûnyi hia eling.

Hosea 7:16

Adre me hmetu ke ca kâu bi ethö gorany; ödrin ûcû me cafana ae iyawo; kʼ ame he anyidra je taben ka ta ge hele vat can ae hwege ifucidra: wale hnân hlumʼ ödra hnyi hnyei Aigupito.

Ta je huliwa 26:20

ke oge me bök ka haimemenâ ködra hnyi Damaseko me Jerusalema, me hnyi hnyei Juda hia, me Aten minya ta je hnyei, mʼ adre me he ka ietra me hwio ka Khong, me ânyâ je hwakecin ae ûcû me ietra.