Isaia 10:20 - Iaai Bible 1901 (New Caledonia)

²⁰ Hnyi bong eling ame ca he hmetu bi ka he je kolon hnyi Isaraela, me tavat adre kec möt hnyi lap anyi Jekob ka labageju ka at a kuc ödra: ke adre me he ka labageju, hnyi hnathu kö Iehova, wale Kabi Isaraela.

Isaia 10:20 ပူးပေါင်းရင်းမြစ်များ

II. Je Than 16:7

Haba Ahaza ame kunâ je ûthumetu kö Tigelathi-pilesera than Asuria, me ha, ka habe, Inya ang athnyabaem me nokom: aiö u, me omeli nya ûnyi hnyi hnyamen than Suria, me ûnyi hnyi hnyamen than Isaraela, hnyat adre me tot könya.

II. Je Than 19:31

Anyin ame he ka he ûheny Jerusalema je kolon, me ûheny hnyi bucen Ziona je hnyat adre me he ka möt: adre me he ka ânyâ e hnen we Iehova ae gan hmâ.

II. Man Ûlabainy Je Than. 14:11

Haba Asa ame tenge kö Iehova Khongon me ha, ka habe, Iehova lö, e ba at ke u thibi he ka hadruâ, wanben at ae hwege, me at ae ba maniny: Iehova lö, Khonguhmun, hadruʼ ohmun; anyin ohmun e labageju köu, ke ûnyi hnyi iâm ohmun e hia but o ka tavat ang ae se. Iehova lö, u thibi Khonguhmun; e so e ca he at ka hwege hom.

II. Man Ûlabainy Je Than. 28:16

Ke haba hnyi ûen eling Ahaza than ame ûkhûnöng ka je than Asuria he ka hadruâ e.

II. Man Ûlabainy Je Than. 28:20

Ke ame o but kâu Tigelathe-pilesera than Asuria, me ovecâ e, me ca hadruâ e bi.

Ezera 9:14

hawa ohmun e ne he ka he hmetu ka hanyâûâ ânyâm je hnanyibu, me ûhamtamomo me tavat adre me ânyâ je ûnyi ae ikiki eling? hawa, u me ca he ka hmönyâm kohmun ke ne o but adre me ohiʼ ohmun, me ba ju kolon, me at ae möt?

Isaia 1:9

Haba Iehova tuhan sabaoth, a ne ca hia but bi kolon ae ûhnyûkong thibi köta, me ate me he ka helâ me Sodoma, me ate me he ka ûcû me Gomora.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 11:16

Kʼ ame he ka hu hna cit gethen anyin kolon lakeiny, a kolon ûnyi Asuria; helâji ka Isaraela hnyi bong e ame he ûheny hnyi hnyei Aigupito.

Isaia 37:4

Ame ne he ka long ut la Iehova Khongom hofuc ho Rabesake, waleji a kuni hnen than Asuria a tuhan he ka haikongoâ Khong ae möt, ke e ame he ka thawâ hofuc ame long Iehova Khongom: anyin a wale hic dö hobi kâu ta je kolon.

Isaia 46:3

Ling nya ju lap anyi Jekob, me je kolon hia lap anyi Isaraela, tavat adre me hom tilʼ ödra ûnyi hnyi hna hnokoâ, tavat adre me kap tilʼ ödra ûnyi hnyi hnyok:

Isaia 50:10

Ia gabun ame outö Iehova, at ame löng ifucin athnyabainy? haba at ame he hnyi menekholom ke ba melam gan, e so e ame labageju ka iö Iehova, me fat ka Khongon.

Isaia 6:13

Ke ame ne tiga hu ke keihen a libenyitainy biju hnyin e, adre me he ka han metoâ e: helâ me man ela me iwajo, wale ame tiga e bi onyen, ödra ka hia but öûo; helâe ame he ka wan ae kap onyen.

Jeremia 3:23

E hnathu, e ûnyi baû ûhadruo ûnyi hnyi je hut, wale imonumonuny hon je bucen: e hnathu, e unyi Iehova Khonguta ûhomeli anyi Isaraela.

Jeremia 44:14

me me! ca he ka kec mot ke at, a kolon at Juda adre me he Aigupito ai he ka labā, me hmetu ka hnyi hnyei Juda wale adre me weny he ka hmetu ka hnyin me laba: anyin adre me ca he bi ka hmetu, ke so thibi hnyat adre me kec mot.

Hosea 14:3

Ame ca he Asuria ka omeli ohmun; ohmun e ca he ka tabâ je hors: ke ohmun e ca he hmetu bi ka ha ke je huliwa anyin je hnyamöhmun, ka habe, Obun je konguhmun: anyin ame wâ unyâm betenge ge tavat a mokcu kamödra.

Hosea 5:13

Ke a wâ but Eferaima anyin mok ke a wâ but Juda hnân aat, me haba Eferaima ame he Asuria ai, kʼ ame ûkhûnöng kö Jareba than; ke ca khana bi he ka omeli u, me ometo hnobun aat.

Mika 5:3

Anyin a wale e ame he ka hnʼ ödra, ke ne o but ûen ame he ka hnokoâ hnen momo ame vec hnyekon: me ame he ka hmetu je kolon a je liamekeiny më ka lakon Isaraela.

Zefania 3:13

Ke ame ca he je kolon! hnyi Isaraela ka ânyâ hulö me ha thoi; kʼ adre me ca he ka wâ hnyi je hnyimödra bohmen ae iyawö; anyin adre me he ka han me mokut, ke ba at ame he ka ooti ödra.