Isaia 10:2 - Iaai Bible 1901 (New Caledonia)

² he ka wia at ae theduoc hnyi hna owisa, me ohia wisa ûnyi ge lakeik adre me vec, mʼ adre me söh ta je safac, me hûgûnâ ta je ûnyi anyin tavat ae ba kamödra!

Isaia 10:2 ပူးပေါင်းရင်းမြစ်များ

Jobu 31:16

Oge ne hia but behânâ weny at ae the duoc, Me ohmakâ li emakan safac;

Salamo 94:6

Adre me hlingâ safac me atkanyua, Me hlingâ ta je nakahme.

Esodo 23:6

U ca he ka ohwalö hna owisa ka liamewaeny möu ae ba ta ûnyi, hnyi anyin ivinö.

Ta je Vejec 22:22

Ca söh at ae theduoc, can anyin e ame theduoc, Ke ca seda at ae vec hnyi homagöule:

Ta je Vejec 30:14

E hu dö ke hele vat je nyudra, ke je hele vat je wehûlûsinaidra, He ka an tavat ae theduoc hnyi hnyei, ke tavat ae ba ta unyi unyin tavat.

Isaia 1:17

nâ thö he ka ânyâ so; elâm dö hna owisa, betenge ge at adre ovecâ, owisa at ae ba kamen, ivino thö hobi kau safac.

Isaia 1:23

Tavat ûkhin fuc je tuhâm, ke lahanen tavat venöu; ödra hia thithö adre me hnyok ta je bwihlany, ka hnu hoton je hwaban: adre me ca owisa hobi kâu at a mokcu kamen, ke adre me ca oâ kodra hna ivino hobi kâu safac.

Isaia 29:21

a tavat adre me bijoniny at hnyi hna ivino, me lau hnewe hobi kâu at ame nâ hnyi homagöule, me ohaûâ at ae wisa ke ba can.

Isaia 3:14

Ame he Iehova ka he me owisa ka wahingatiny lakeiny, me latuhödra; ka habe, Öbun e hia but an hia hnyei vine; ke eio hnyi umöbun je uma ta je ûnyi adre hûgûnâ ge tavat ae theduoc:

Isaia 3:15

ke ieû gabun öbun e okongoâ lakeik, me omomono hnyimakan ta je theduoc? haingö Iehova tuhan sabaoth.

Isaia 32:6

Anyin ame he at ae monu ka ha hofuc ae monu, kʼ ame he hnyekon ka ânyâ hulo, wale he ka ânyâ hwakecin ae ca ûcû, me ha monu ga Iehova, me oba jeû ka at ae mekihnânem, me ohmö köiö belen at ae beic.

Isaia 5:23

adre haiwisa at ae monu ge hwaban, me hok wisa unyin at ae wisa!

Isaia 5:7

Anyin a hnyei vine i Iehova tuhan sabaoth lap anyi Isaraela, ke haba tavat Juda haleny uö ae so: ke e ame elâm hna owisa, ke wâ bi hna ovecâ; kʼ ame elâm hwakecin ae wisa, ke wâ bi hwan tenge bi.

Isaia 59:15

Eke, e hia but hnathu; ke haba at ame kec ge hulo, me e ame ka ânyâ e bi me hnân söh: ke Iehova ame wâ e, me ame kong kâu ae ba owisa.

Jeremia 7:6

öbun e ne ca ovecâ atkanyua, me at a mok kamen, me safac, me ca hingâlâ bi dra ae ba hnyikongon hnyi dok ang, me ca hnu hoton ke je khong, mʼ adre me okongu öbun:

Je tenge anyi Jeremi 3:35

Adre ne ohaûâ hna owisa at hnyi hnyi makan At ae Beönua,

Ezekiela 22:7

Ödrin e ca hia but oûnyihnathoâ je kamen me hinyen unyâm; ödrin e hia but seda atkanyua hnyi wanbâm: ödrin e hia but okongoâ at a mokcu kamen, me je safac unyâm.

Amosa 2:6

Walang hna ha hnö Iehova, ka habe, Can kun ta monuiny Isaraela, eke, can vak, me oge me ca he ka ohavâ hwaban e; anyin adre hia but ûco at ae so hwaban sileva, ke at ae theduoc hwaban li tangen hnyeûca:

Amosa 2:7

tavat adre me behnyekudra kânâ a e hon ban tavat ae theduoc, kʼ adre me wia gethen deny tavat ae menyik: kʼ ame he at me kamen unyin hlu a khaca, me okongoâ iök ae kap:

Amosa 5:19

Ke helâ me at ame kec ge liona, kʼ ame ûkhanö bi me bea; ke ame ne dit hnyin uma ke ame ka ip hnyamen hnyi hna up uma, me ame oloû but on.

Mika 3:1

KE haingök, ka habe, Öbun na long ju, je at hnathu anyi Jekob, me tavat owisa ka lap anyi Isaraela: hawa, ca hamöbun he ka khanʼ öbun hna owisa?

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Mataio 23:13

Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.