Isaia 10:17 - Iaai Bible 1901 (New Caledonia)

¹⁷ Ke haba melaminy Isaraela ame he ka hnân meic, ke haba anyin Kap hnân bâhlân: ke ame he ka thong me an anyin je iwatetaföcö me iwadekong hnyi bong a khaca.

Isaia 10:17 ပူးပေါင်းရင်းမြစ်များ

Salamo 18:8

Ame sâ hai ûnyi hnyi li hnyingöiny, Ke meic ame han ûnyi hnyi hnyimen: Kʼ ame möt dö gan ta je walep.

Salamo 21:9

U me he ka oûcû ödra me ûgimön hnyi bonginy ânyâm hmonyin. Ame he Iehova ka utʼ ödra hnyi anyin hmonyin, Ke adre me he ka aû but ge meic.

Salamo 27:1

IEHOVA melamik me at ame omeli nya; oge ma outö ia? Iehova tang hwegien anyik möt; ia oge ma outen?

Salamo 50:3

Ame he ka o but Khonguta, kʼ ame ca he ka laba hnyibû: Ame he meic ka han hnyi hnyimakan, Ame he ka igigilo e weneû ae gan hma.

Salamo 84:11

Anyin a Iehova Khong seûno me bec: Ame he Iehova ka ham betenge me hmanenang: E ame ca he ka behânâ ke ûnyi ae so ge tavat adre me vheno wisa.

Salamo 97:3

Ame he but meic hnyi hnyimakan, Me thong degecâ igigilo ta je iwahnaihmiony mē.

Isaia 26:11

Iehova lö, e gorany hnyamân, kʼ adre me ca wâ bi: ke so bi adre me he ka wâ wem ae gan hmâ ka tavat, mʼ adre me be ka hmehma bi; eke, ame he meic ka an ta je iwahnaihmiony möu.

Isaia 27:4

E ba wathethot unyik; e na tot metâ könya je iwadekong me watetaföcö hnyi vat! oge me he ka he kodra, oge me he ka tha thong degeci ödra.

Isaia 27:7

Hawa, e ame kot e bi helâji me hnen hna kot tavat adre me kot e? ke hawa, adre me hlingâ e bi helâ me hnen hna hlingâ tavat adre hlingâ e?

Isaia 30:33

Anyin adre hia but penapena Tofet kâû adrem; eke, adre hia but penapena e hobi kâu than; e ame hia but ânyâ e ae dit me lau: haba hna khon e, wale meic me uto ae se hia, ke ame vâc e ge homenö Iehova, helâ me wagewe teio.

Isaia 31:1

EKÖLÖ gadra tavat adre me he Aigupito ai, he ka hok ûhadruo, me labageju ka ta je hors; me labageju ka ta je kariota, anyin ae se hia: me labageju ka tavat tabö hors, anyin a ödra ti hwege; ke adre me ca bwela ka Kabi Isaraela, me ca elom Iehova!

Isaia 31:9

Ke ame he ka hia hnen hna kic gan can e ame ti ot bi, kʼ ame he anyin je taben ka outen boûdila, ame ha Iehova, at a anyin bi meic hnyi Ziona, ke at a anyin bi inyâ ji hnyi Jerusalema.

Isaia 33:12

Ke ame he ta je hnyei ka helâ me hna inyâ veto: ke helâ me je ûö ae ûdedö adre thong.

Isaia 33:14

Ame ot hnyi Ziona tavat ae kong; kʼ ame o but öbubuny ka tavat adre me ca ot bi. Ie at gata ae khana he ka laba hnyi meic ame han? ie at gata ae khana he ka laba hnyi bâhlân meic nyiele balua?

Isaia 37:23

U je haikongoâ me bi gan kö ia? u je hongot goranyai kö ia ge hwâm hofuc me bi gan ge li emâkâm? wale ka Kabi Isaraela.

Isaia 37:36

Me ame he but angela anyi Iehova me kot hna hunuma anyin at Asuria, a wan haded ke eite faiv thauzan: ke hnyi ûen adre me vesâ hnyi hnyomakatu, me wâ bi, adre mok hia ju.

Isaia 47:14

Wâ bi adre me he ka helâ me thatûnyin hwit; kʼ ame he meic ka thong degeci ödra; kʼ adre me ca he ka omeli ödra ûnyi hnyi maniny bâhlân; kʼ ame ca helâ me walep hnân hlok, ke meic adre laba hnyi hnyimakan.

Isaia 60:19

Ame ca he hmetu seûno ka hnân melamâm hnyi lany; ke ame ca he ka omelami u ge melaminy tehi: kʼ ame he Iehova ka olanyi u nyiele balua, ke Khongom a mecâm.

Isaia 66:24

Ke adre me he ka he me wâ ta je unyin tavat adre mokcu, a tavat adre hia but ûkhiny fuc mönya: anyin ame ca he ka mok hnödra waahnyöng, kʼ ame ca he bi ka mok anyidra meic; ke ame he bi tavat hia thithö ka hûköti ödra.

Isaia 9:18

Anyin a haba hwakecin ae kong ame han helâ me meic; ke ame an je iwadekong me watetaföcö: eke, e ame möt hnyi je nedronginy hnyot, ke adre me sâ khekhenyi goranyai hainy e.

Jeremia 4:4

Peritomoni öbun dö kö Iehova, ke hom but ong unen hnyekubun, öbun tavat Juda me aten Jerusalema: wâ e nye gâ but anyik hmonyin helâ me meic, me hlâ, ke ba at ame he ka ume, can ûkongon anyibun ta je huliwa.

Jeremia 7:20

Anyin a wale, walang hna ha hnen Than Iehova, ka habe, Wâ bi, ame he ka hingölö, but anyik hmonyin me anyik wathethot hon dok ang; hnyi hon at me hon meno, me hon je ûöiny hnyot, me hon wan kânâ; ke ame he ka ubâhlâ, kʼ ame ca he bi ka mok.

Nahuma 1:10

Eja ke ne adre ne vhet helâ me ûö ae ûdedö, me ti khubet hnyi hnödra hna ic, adre me he ka thung ödra helâ me thatûnyin hwit ae mada.

Zefania 1:18

E ca khana bi anyidra sileva me gol he ka omeli ödra hnyi bonginy hmonyin anyi Iehova; ke adre me he ka thong degecâ hnyei hia ge meicin anyin ciâ: anyin a e ame he ka bi obiny, eke, obiny ae mweimwei ka tavat hia adre me laba hnyi hnyei.

Zakaria 12:6

Hnyi bong eling oge me he ka wia je taben Juda me me helâ me hlogon öt hnyi wanben uto, me helâ me okûnû hnyi je thi hwit; ke adre me he ka an tavat hia igigilo, hnyi ke keihen metâ me me: ke ame be hmetu Jerusalema ka labâ hnen, wale hnyi Jerusalema.

Numera 16:35

Ke ame o but meic ûnyi ga Iehova me le degeci ödrin a tu haded ke fifte, hnyat ödrin e hudo ûnyi ae bo so.

Mataio 3:12

e bi hnyi hnyamen anyin ut, ke e ame he ka ânyâwia hwit hnyi hnen hna huje hwit; ke e ame he ka ûkhöunâ anyin hwit ka hnyi omhani, ke e ame he ka thong thatûnyin hwit hnyi meic ame ca mok balua.

Deuteronomi 4:24

Anyin a meic ae han Iehova Khongom, Khong ame ciâ.

Heberu 12:29

anyin a haba Khonguta, me meic ame han hmonyin.

Hna Omanenâ 21:23

Ke ca ûnyi hnathu bi seûno me tehi he ka omelamâ taun; anyin ame omelamâ e honen hmanenanginy Khong, ke lamepainy Arenio.

Hna Omanenâ 22:5

Ke ame ca he hmetu ka lit; ke ca ûnyi hnathu bi kodra lamepa, me melaminy seûno; anyin a he Than a Khong ka melamidra: ke adre me he ka musi nyiele nyiele balua.