Isaia 10:16 - Iaai Bible 1901 (New Caledonia)

¹⁶ Anyin a wale ame he Than, Than tuhan sabaoth, ka kunâ delâ ka anyin ta je pipikhenya; ke eû hnyi hmelen anyin hmanenang adre me he ka vâc hna hiâ helâ me hna hlâiny meic.

Isaia 10:16 ပူးပေါင်းရင်းမြစ်များ

II. Man Ûlabainy Je Than. 32:21

Ke haba Iehova ame kunâ angela, he ka subâ degecâ tavat ae hwege, me je homakan, me je taben, hnyi hna hunuma anyin than Asuria. Me e ame hmehma me hmetu ka hnyi iny hnyei. Ke e ame o but ka hnyin uma umen khongon, me haba li hing lakon ödru me hlingâ e ge hele vat.

Salamo 106:15

Me e ame ham hnödra hna sumâtâ; Ke so bi e ame kunâ delâ ka ta je hanudra.

Salamo 78:31

Me ame kû thö hmönyin anyin Khong kodra, Me hlingâ ta je pipikhenya unyidra, Me kot degecâ wahidröu hnyi Isaraela,

Isaia 10:18

Ke e ame he ka an hmanenanginy anyin hnyot, me iny hnyei ame wa wan, wale hanu me unyin: kʼ ame he ka helâke at kât boûdila ame ta ke mok.

Isaia 17:4

Ke haba hnyi bong eling me adre me ke ka ohalelöûâ hmanenangi Jekob, kʼ ame he ka delâ unyin ae pipikhenya.

Isaia 26:11

Iehova lö, e gorany hnyamân, kʼ adre me ca wâ bi: ke so bi adre me he ka wâ wem ae gan hmâ ka tavat, mʼ adre me be ka hmehma bi; eke, ame he meic ka an ta je iwahnaihmiony möu.

Isaia 31:9

Ke ame he ka hia hnen hna kic gan can e ame ti ot bi, kʼ ame he anyin je taben ka outen boûdila, ame ha Iehova, at a anyin bi meic hnyi Ziona, ke at a anyin bi inyâ ji hnyi Jerusalema.

Isaia 37:29

Can hnâm hna hmonyin könya, ke ame o but ka hnyi li hnyikönyök hnâm hna bi gan könya, me oge me he bi nya ka inâ anyik otru hnyi hnyingoiâm, me anyik fao hnyi li esongodâm, ke oge me he ka ohmetu u hnyi gethen u je o hnyin.

Isaia 37:36

Me ame he but angela anyi Iehova me kot hna hunuma anyin at Asuria, a wan haded ke eite faiv thauzan: ke hnyi ûen adre me vesâ hnyi hnyomakatu, me wâ bi, adre mok hia ju.

Isaia 5:17

Ke ame he lakon mamoe ka han hnyi hna alin ödra ka hnyin, kʼ ame he ta je atkanyua ka han ta je hnyei iny tavat ae pipikhenya adre me hna degecâ.

Isaia 8:7

anyin a wale, wâ bi, ame he Than ka oâ kodra je köiö ûnyi hnyi Wagewe, wale ae hwege me gan, than Asuria me anyin hmanenang hia: ke e ame he ka o hnyi deny je gethen hia, me bahihingölö hon je baten;

Isaia 9:4

Anyin a u je hia but thu anyin ûnyi hnân ûhûkâlâköuâ ae hmak, me uciny abenyin, me osö anyin at ame okongoâ e, helâke hnyi bong bongon Midiana.

Isaia 9:5

Anyin a haba je omjehen vat hia anyin tavat penapena hnân vat, ke je ûkhaû adre me kina hnyin dra, me adre me he ka ip hnân thong, ke hnân hlogon meic.

Jeremia 21:14

Ke oge me he ka bi hwaban köbun, e ûcû me wan anybun ta je huliwa, haingö Iehova: ke oge me he ka hû meic hnyi je hnyeuten, ke e ame he ka an igigilo ehele.

Jeremia 48:14

Ieû gabun öbun e ha, ka habe, Ohmun tavat hwege, me tavat khenen vat?

Ezekiela 34:16

Oge me he ka elâm at ae hia, me ohmeto hna obâ me ce ujâ at ae hmetru jein, me ohwegiâ at ae sënyin, ke haba at ae pipikhenya ke at ae hwege, me oge me he ka ohia; kʼ oge me he ka ha ödra ge hna owisa.

Nahuma 1:12

Walang hna ha hnö Iehova, ka habe, Eja ke ne ödrin e ne bekhöt me se hia, helâe minya adre me he ka subâ degeci ödrin, ke e ame he ka hia. Oge hia but oveci u, ke oge me ca he hmetu ka oveci u.

Zefania 2:13

Ke e ame he ka hai hnyamen ka hnyi ke keihen ka hnyi hwadro, me ohia Asuria; ke e ame he ka öba wan Nineve, me me hwahwacit helâ me hnyebuba.

Zakaria 7:4

Me ame o but hofuc ho Iehova tuhan sabaoth könya, me ha, ka habe,

Ta je huliwa 12:23

Me ame ie kot e angela anyin Than, anyin a e ame ca ogânâ Khong: me ame an e ge ahnyöng, me me mokcu.