Isaia 10:14 - Iaai Bible 1901 (New Caledonia)

¹⁴ ke hnen hnyamok hna wâ ta je omjeûiny je hnyei helâ me hâûen meno; ke helâ me at ame hlo je wakunyin meno adre de degec, helâe oge hia but hlo ta je hnyei hia: ke ba at ame bwebwet abenyin, me memang, me cûk.

Isaia 10:14 ပူးပေါင်းရင်းမြစ်များ

II. Man Ûlabainy Je Than. 32:13

Hawa, e ca khanʼ öbun waleji ge hnok me lakamök hna ânyâ ka aten je hnyei? Hawa, e khana je khongon tavat aten je hnyei he ka omelö je atödrin gak?

Jobu 31:25

Oge ne senyin can ae gan hmâ tang omjehek, Ke can oge hia but hom gânâ ge li hnyamok;

Ta je Vejec 18:12

Ame bân ka bi gan hnyekon at, ke biliny bi he ka hia, Ke ame bân hnyok ae hnyikânâ, ke biliny bi hna ogânâ.

Isaia 14:6

waleji ame kot tavat ge wathethöt kʼ ame ca menâ bi nang, waleji ame muso hmönyinâ ta je hnyei, ge hna seda ae ca hnân thawâ bi.

Isaia 37:25

Oge hia but khû an, ke haba li hnyeûcak ame ohmö je wageweiny hia Aigupito.

Isaia 5:8

Ekölö ge tavat adre me bi hanen ke uma ka ke uma, ke bi hanen ke utkânâ me ke utkânâ, ke ne o but ame ba dok hnân laba hnyin, mʼ öbun biju öbun e hake laba hnyi wanben hnyei!

Jeremia 49:16

Ame iyawo u bi hnen hnyekom ge hnâm hna ootâ, u at ame laba hnyi je khekheiny kic, me je dok ae göranyin bucen: eja ke ne u je ne ip haûâm? ethö helâ me aeto, oge me he ka höi u ûheny e, haingö Iehova.

Ezekiela 35:13

Ke öbun e hia but bi gan könya ge je hnyimöbun, me osehia hobun je hofuc könya: oge me long ut.

Obadia 1:4

Eja ke ne u je ne ölö bi goranyai helâ me aeto, ke eja ke ne u je ne ip hâûâm unyin je okhû, oge me he bi nya ka ohnyikânâi u ûheny e, haingo Iehova.

Nahuma 2:9

Söh thö sileva, söh thö gol: ke ca hnân bi aû je omjeû, wale soiny ta je ûnyi ae hmanenang.