Isaia 10:1 - Iaai Bible 1901 (New Caledonia)

¹ EKÖLÖ ge tavat adre me otilö hnanyibu ae ca wisa, me tavat adre me sihnalimen ûnyi ae hwali:

Isaia 10:1 ပူးပေါင်းရင်းမြစ်များ

I. Je Than 21:13

Ke a o thö li at, a li at Belial, me laba hnyi hnyimakan: ke haba li at Belial ödru me bi fuco e, jia Nabotha, hnyi hnyimakan tavat, me ha, ka habe, A hia but Nabotha bi gan ka Khong me than. Me ödrin e hom e ka hnyi hoton taun, me luâ e ge veto me e ame mokcu.

Salamo 58:2

Eke, Öbun e ânyâ ûnyi ae hwali eû hnyi hnyok; Öbun e tuluto hnyi hnyei ûokongûny anyin je hnyamöbun.

Esodo 23:3

ke u me ca he minya ka betenge ge at ae ba taʼ ûnyi, hnyi anyin ivinö.

Esodo 23:6

U ca he ka ohwalö hna owisa ka liamewaeny möu ae ba ta ûnyi, hnyi anyin ivinö.

Isaia 29:21

a tavat adre me bijoniny at hnyi hna ivino, me lau hnewe hobi kâu at ame nâ hnyi homagöule, me ohaûâ at ae wisa ke ba can.

Isaia 3:11

Ekölö ge at ae monu! ame he ka hu kong gan; anyin adre me he ka ham kâu hwaban li hnyamen.

Isaia 3:14

Ame he Iehova ka he me owisa ka wahingatiny lakeiny, me latuhödra; ka habe, Öbun e hia but an hia hnyei vine; ke eio hnyi umöbun je uma ta je ûnyi adre hûgûnâ ge tavat ae theduoc:

Isaia 5:11

Ekölö ge tavat adre me vesâkong hnyi hnyomakatu he ka hnu hoton grâg; ke adre me laba ke ne o but hnyi hnyinghet mʼ adre me monu ge waina!

Isaia 5:18

Ekölö gadra adre me lelö monu ge je toiny thoi, ke lelö hulo ge toiny kat:

Isaia 5:23

adre haiwisa at ae monu ge hwaban, me hok wisa unyin at ae wisa!

Isaia 5:8

Ekölö ge tavat adre me bi hanen ke uma ka ke uma, ke bi hanen ke utkânâ me ke utkânâ, ke ne o but ame ba dok hnân laba hnyin, mʼ öbun biju öbun e hake laba hnyi wanben hnyei!

Isaia 59:13

wale hnyi hnöhmun hna hanyâûâ me ivino Iehova, me hmetuhmetu ge Khonguhmun, me ha ûöveci me thu musi, me ûnykûme me ha ûnyi hnyi hnyok je hofuc ae thoi.

Isaia 59:4

E ba at ame hawâ hnyi hwakecin ae wisa, ke ba at ame ivino hnyi hnathu: adre me labageju ka ûnyi ae ba onyen, me ha thoi; kʼ adre me erkinâ ûokonguny, me hnokoâ but hulo.

Jeremia 22:13

Ekölö gan at ame op umen uma hnyi hwakecin ae ca wisa, me je hnyeuleny hnyi hwakecin ae ca ûcû: at ame kap huliwa ge tavat me ca bi hwaban bi, ke ame ca ham kâu troban;

Amosa 2:7

tavat adre me behnyekudra kânâ a e hon ban tavat ae theduoc, kʼ adre me wia gethen deny tavat ae menyik: kʼ ame he at me kamen unyin hlu a khaca, me okongoâ iök ae kap:

Mika 6:16

Ke adre me tuö je hnanyibu anyi Omeri, ke ta je ûnyi j hia a ânyâ ge lap anyi Ahaba, ke öbun e hnu hoton hnödra hna ûhnenamö: waleling me oge me öba wan gam, ke wia tavat adre me labâ e me me hnân jû; ke öbun e he ka hom tilâ hna haikongoâ lakeik.

Habakuka 2:12

Ekölö ge at ame otilâ ke taun ge dra, me ohmâ taun hnyi hwakecin ae kong!

Habakuka 2:15

Ekölö ge at ame habelen waeny, ame bihanen ânyâm hmonyin kâu, ke ame omono e, mʼ u me ke ka ö ʼdrin ae ba ûkhaû!

Habakuka 2:19

Ekölö ge at ame ha ka uto, ka habe, Hmak dö: me ka veto ame ca fuc, ka habe, Todrö! Hawa, ame he ka ûnö ûnyi ang? Wâ bi adre tube e ge gol me sileva, ke ba hmonyin homenâ eû hnyin e.

Habakuka 2:6

Hawa, ame ca he tavat ang hia ka ha ûböûcû gan, me vejec hnân ûhiö kâu, me ha, ka habe, Ekölö ge at ame ca osehia ta je ûnyi a ca anyin bi! ke ne o but kehö? ke at minya ame osehia ta je haten hna hok gufa!

Habakuka 2:9

Ekölö ge at ame hûgûnâ troban ae hwali hobi kâu anyin lap, me me ip ethö görany hâûen, me me möt ûnyi ge hnyamen ûkongon!

Mataio 11:21

Ekölö gam Korazin! ekölö gam Bethesaida! anyin adre ne ânyâ hnyi Turo me Sidona ta je huliwa ae man adre ânyâ unyibun, adre me ne hia but ietra me ecmano ae gan nân me hnabadröu.

Mataio 23:23

Ekölö gabun hnyat sihnalimen me ta je Faresaio hnyat thoi hnyok! anyin a öbun e ham ke hanen a libenyitainy minet, me aneto, me komina, ke öbun e hia but hna biju ta je ûnyi ae gan hnyi hnanyibu, wale hna owisa, me ibetengiö, me labageju: e ûcû öbun e ânyâ ta je ûnyi e, ke ca hna bi ta je ûnyi eang.

Mataio 23:27

Ekölö gabun hnyat sihnalimen me ta je Faresaio, hnyat thoi hnyok! anyin a öbun ûcû me ta je erkemok adre me ohawâ, ke so hmonyin at ka wâ hoton, ke haba eû hnyin, me unöngöt ge je jeien komok, me ikiki hia.

Mataio 23:29

Ekölö gabun hnyat sihnalimen me ta je Faresaio, hnyat thoi hnyok! anyin a öbun e up veten je erkemok hon ta je perofeta, me omecâ je erkemok hon tavat ae wisa,

Mataio 26:24

Ame he but ka he Nokon at helâ me hna sihnalimen gan: ke ekölö ge at a alecuâ Nokon at a deny! adre ne ca hnokoâ at eling, ame ne so bi kâu.

Luka 11:52

Ekölö gabun hnyat ûnö hnanyibu! anyin a öbun e hia but hom kiiny metâ: kʼ öbun e ca dit bi ka hnyin, ke öbun e thawâ minya tavat adre me ke ka didro.

Ioane 19:6

Ke a wâ but e hnen je taben tavat bihut me tavat tue, me adre me ha hwegiâ, ka habe, Osatauroâ thö, osatauroâ thö. Haingö Pilato kodra, ka habe, Hom bi thʼ öbun me osatauroâ: anyin oge me ca wâ ke monu gan.

Ioane 9:22

Ame ha kamen me hinyen helâe anyin a ödru outen at Juda; anyin ame ûhaköuâ at Juda he ka obâ ûnyi hnyi sunago at ame he ka ha, ka habe, E Keriso.

Juda 1:11

E köiö gadra! anyin adre me vheno gethen de Kaina, me patrutrua ka hnyi monu anyi Balaama hnân hwaban, me mok hnyi ivinö anyi Kora.