Isaia 1:9 - Iaai Bible 1901 (New Caledonia)

⁹ Haba Iehova tuhan sabaoth, a ne ca hia but bi kolon ae ûhnyûkong thibi köta, me ate me he ka helâ me Sodoma, me ate me he ka ûcû me Gomora.

Isaia 1:9 ပူးပေါင်းရင်းမြစ်များ

Genese 18:26

Ke Iehova ame ha, ka habe, Oge ne wâ e Sodoma fifte tavat ae wisa hnyin taun, me oge me he ka betenge ka hnyei hia ûnyi gadrin.

Genese 18:32

Ke e ame ha, ka habe, E na ca he Than ka hmönyin, mʼ iny okhaca biju fuc: hawa a ne hu tavat a libenyita? Me haingen, Oge me ca he ka ohia e can tavat a libenyita.

Genese 19:24

Ke Iehova ame ota we hon Sodoma me Gomora a teio me meic ûnyi hnyi drany ga Iehova;

I. Je Than 19:18

Ke so bi oge me he ka hna biju gak hnyi Isaraela seven thauzan tavat adre me ca cibouca kö Baala, me je hnyem hia adre ca ûcimhnyimak më.

II. Je Than 19:4

Ame ne he Iehova Khongom ka long la je hofuc hia ho Rabesake, wale a kunâ than Asuria a tuhan he ka haikongoâ Khong ae möt, ke e ame he ka thawâ je hofuc a long Iehova Khongom: anyin a wale hic dö hobi kâu je kolon.

Isaia 1:8

Ke adre hna degecâ wahluiny Ziona, helâ me uma hwaelu hnyi hnyei vine, ke helâ me uma tue hnyi hnyin ta sa kokuma, ke helâ me taun adre thelöng ut.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 11:16

Kʼ ame he ka hu hna cit gethen anyin kolon lakeiny, a kolon ûnyi Asuria; helâji ka Isaraela hnyi bong e ame he ûheny hnyi hnyei Aigupito.

Isaia 17:6

Ke so bi ame he ka hu kolon hnyin e hnân hlo, helâke hna jijingâ ûö elaio, ame ne lo ame ne kun thibi ta wan hnyi obiny vheiny ae gorany, ame ne vak ame ne thabûng hnyi je vheiny ûo ae wa so wale hnyi je baten, ame ha Iehova Khongu Isaraela.

Isaia 24:13

Anyin ame he ka helâe bi hnyi hmeledrany unyin je hnyei, helâ me hna jijingâ ûö elaio, ke helâ me je wan vine adre me hlo, ödra ka hia but tau je wan.

Isaia 24:6

Anyin a wale ame an hnyei hnen hnaûhango, ke adre wâ joniny tavat adre me labā e; anyin a wale adre me thong degecâ tavat adre me labā hnyei, ke ödra wakhalet biju je kolon.

Isaia 37:4

Ame ne he ka long ut la Iehova Khongom hofuc ho Rabesake, waleji a kuni hnen than Asuria a tuhan he ka haikongoâ Khong ae möt, ke e ame he ka thawâ hofuc ame long Iehova Khongom: anyin a wale hic dö hobi kâu ta je kolon.

Isaia 46:3

Ling nya ju lap anyi Jekob, me je kolon hia lap anyi Isaraela, tavat adre me hom tilʼ ödra ûnyi hnyi hna hnokoâ, tavat adre me kap tilʼ ödra ûnyi hnyi hnyok:

Isaia 6:13

Ke ame ne tiga hu ke keihen a libenyitainy biju hnyin e, adre me he ka han metoâ e: helâ me man ela me iwajo, wale ame tiga e bi onyen, ödra ka hia but öûo; helâe ame he ka wan ae kap onyen.

Isaia 65:8

Walang hna ha hnö Iehova, ke habe, Adre me wâ waina ae teb ûnyi hnyi thi vine, ke haingen ke at, ka habe, Ca degec e, anyin ae hu hnahic hnyin: helâe oge me he ka ânyâ, can ta je athnyabaik, mʼ oge me ca he ka tha ohiʼ ödra hia.

Jeremia 23:14

Ke oge hia but wâ ûnyi ae ikiki unyin je perofeta hnyi Jerusalema; adre me bi ûnyi monu me vheno thoi, ke adre me ohwegiâ je hnyamen tavat ae kong, me me ca ve ödra hmetu hnyi anyidra hulo: ödra hia thithö adre me helâ me at Sodoma könya, ke haba tavat adre me labā e, ödra helâ me Gomora.

Jeremia 42:2

me ha kö Jeremia perofeta, ka habe, Ö u kap ju hnöhmun hna khöû köu, ke u me he ka hic hobi kohmun kö Iehova a Khongom, ohmun je kolon ang; anyin a je wan biju ohmun ae wakhalet thibi, ke se hia ehac, ohmun manen köu:

Jeremia 50:20

Hnyi je bong eling me hnyi ûen e, haingö Iehova, adre me he ka elâm hulo anyin Isaraela, ke ba but: me je hulo anyin Juda, ke adre me ca be ka wâ: anyin oge me he ka thang je monu anyin tavat oge me hna me linân kolon.

Je tenge anyi Jeremi 3:22

Iehova ame betenge, waleling me ca hiʼ ota, anyin ame ca um bi anyin ibetengiö.

Je tenge anyi Jeremi 4:6

Anyin ae gan hmâ hulo anyin hluiny ik hnyei hon hulo anyin Sodoma, Waleji adre ohia helâ me thuthubademak, ke ba hnyam ame hinöbenyn ka hnyin.

Ezekiela 14:22

Ke wâ bi, ame he ka hu kolon hnyin e, a tavat adre me he ka hom but, a je lakon obaga me wahlu: wâ bi, adre me he ka he köbun, ke öbun e he ka wâ ta je hwakecidra me anyidra ta je huliwa: mʼ adre me he ka otubweli öbun ûnyi ge okongon waleji oge me oâ ka Jerusalema, me ta je ûnyi hia oge me oâ ka hnyin.

Ezekiela 6:8

Ke so bi oge me he ka bi kolon, me me hu tavat unyibun adre me he ka kec möt ge hele vat hnyi je hnyei, öbun ka vese ka hnyi je hnyei.

Joela 2:32

Ke ame he ka e bi, a haba at ame he ka hawâ iö Iehova me e ame he ka mot: anyin ame he ka hu tavat kec mot hnyi bucen Ziona me Jerusalema, helâji me hna ha hnö Iehova, ke unyin je kolon, hnyat a hawʼ ödra ga Iehova.

Amosa 4:11

Oge hia but ohia keihen gabun helâ me hnen Khong hna ohia Sodoma me Gomora, ke öbun ûcû me uthmeic adre oc ûnyi hnyi meic: ke so bi öbun e ca hmetu könya, haingo Iehova.

Habakuka 3:2

Iehova lö, oge hia but long ûthumetu gam, me oge me ot: Iehova lö, ohâtâ thö ânyâm huliwa hnyi wanben ta je huna, Omanenâ thö hnyi wanben ta je huna: Ke ûnykûme ju ibetengiö hnyi ûen wathethot.

Zefania 2:9

Anyin a wale, haingö Iehova tuhan sabaoth, Khongu Isaraela, ka habe, Kia inya inya a gʼ ame he Moaba ka ûcû me Sodoma, kʼ ame he lakon Amona ka ûcû me Gomora, a iny jut vhat, ke thopiny sâlt, ke ba wan nyiele balua: kʼ ame he je kolon lakeik ka sei ödra, ke ame he je kolon hnyi ik hnyei ka hwöhwabödra.

Mataio 7:14

Ke hnek homa-göule ke ûhnyûkong gethen ka hnyi möt, ke wakhalet thibi tavat adre me wâ e.

Roma 9:27

Ke haba Isaia ame hâiâ at Isaraela, ka habe, A ne helâ me önyin köiö ûseiny at Isaraela, me adre me he ka omelö kolon:

Roma 9:29

Helâ me hna ha ehac ga Isaia, ka habe, A ne ca hna but ke kolon gata hnen Than tuhan sabaoth, Me ate me ne he ka helâ me Sodoma, me wiʼ öta e me ûcû me Gomora.

Deuteronomi 29:23

me haba hnyei hia me teio, me alase, me ame hiâ, kʼ adre ca belökâ, kʼ ame ca wa, ke ba hnaonying ame kû hnyin, helâ me hna ohia Sodoma, me Gomora, me Adema, me Zeboim, waleji Iehova ame ohia ge anyin hmönyin me anyin û:

II. Peteru 2:6

ke ame ohnaûhangoâ li taun Sodoma me Gomora, me ohia, me wia me hnabadröu, me e ame ip hnân haten ka tavat adre me he hmetu ka ânyâ hwakecin ae kong;

Hna Omanenâ 11:8

Ke haba li unyidru ame mokut hnyi getheniny taun ae gan, haba ien hoton hanu, me Sodoma, me Aigupito, waleji adre osatauroâ hnyin Tuhödru.