Isaia 1:7 - Iaai Bible 1901 (New Caledonia)

⁷ A ba but wan ibun hnyei; a hia but thong anyibun je taun ge meic; ke haba könöbun kânâ, me ame an e hnen ta je atkanyua hnyi hnyimaköbun, me ba wan, helâke adre hagutâ degecâ hnen je atkanyua.

Isaia 1:7 ပူးပေါင်းရင်းမြစ်များ

II. Man Ûlabainy Je Than. 28:5

Anyin a wale haba Iehova Khongon ame hna e ka hnyi hnyamen than Suria; mʼ adre me kot e, me hom hwenbâ je hnyat ae se hia a lakeiny, me hum ödrin Damaseko ai. Ke adre me hna e minya ka hnyi hnyamen than Isaraela, at a kot e, me gan hmâ hna hlingâ.

Salamo 107:34

Me kânâ ae wa me me hnyebubainy sâlt, Can hulo anyin tavat adre me labâ e.

Salamo 107:39

Ke hnyi ke ûen adre me owakhaletâ me ohnyikönʼ ödra hmetu, Can hna okongoâ, me vec, me tenge.

Salamo 109:11

E so ame hûgûnâ anyin ta je ûnyi hia hnen at ame bihihwakecin; Ke so ame he je atkanyua ka venâu hnen hna huliwan.

Isaia 1:8

Ke adre hna degecâ wahluiny Ziona, helâ me uma hwaelu hnyi hnyei vine, ke helâ me uma tue hnyi hnyin ta sa kokuma, ke helâ me taun adre thelöng ut.

Isaia 3:8

Anyin ame hangâ but Jerusalema, ke Juda ame ü: anyin ae iwahnaihmiony me Iehova je bohmödra me anyidra je huliwa, he ka ohinyâ li emakan ae hmanenang.

Isaia 34:9

Ke ame he ka wia je wageweiny me me tar, ke adre me he ka wia sesâiny me me teio, ke ame he kânâiny ka tar ame hiâ.

Isaia 49:19

Ke haba je dok unyâm ae ba hnyin wan, ke je dok ae ba hnyin tavat, ke em adre hia but okongoâ, me e hnathu, ame he ka hnek em walang ang ge tavat adre me he ka labā, ke adre me he ka ûsâkâû ödra waleji adre me ohiö a

Isaia 5:17

Ke ame he lakon mamoe ka han hnyi hna alin ödra ka hnyin, kʼ ame he ta je atkanyua ka han ta je hnyei iny tavat ae pipikhenya adre me hna degecâ.

Isaia 5:9

Ame ha Iehova hnyi li hnyikönyök, ka habe, E hnathu ame he ka ba onyen ta je uma ae se, je uma ae gan me hmanenang, ke ba at ame he ka labā.

Isaia 6:11

Me oge me ha, ka habe, Than lö, ke ne o but kehö î Ke haingen, ka habe, Ke ne o but ame ba but wan je taun, ke ba at ame labā, ke ba but at hnyi je uma; ke ba but wan hnyei,

Isaia 60:15

Anyin a adre hia but digic u me hûkötiö u, waleling me me ca he ke at unyâm, awe, oge me he bi nya ka wiö u hnân hnyei ae mec nyiele balua, ke hnân senyin hnyi ta je dö ae se hia.

Isaia 62:8

A hia but Iehova khemanyin ge hnyamen a metân, me benyin ae hwege, ka habe, E hnathu oge me ca he hmetu ka hna ânyâm hwit hnân an je iwahnaihmiony möu; ke ame ca he je atkanyua ka ijem ânyâm waina waleji u je huliwan:

Isaia 64:10

A hnyot ut ânyâm je taun ae kap, a hnyot ut Ziona, e ba but wan hnyi Jerusalema.

Isaia 9:18

Anyin a haba hwakecin ae kong ame han helâ me meic; ke ame an je iwadekong me watetaföcö: eke, e ame möt hnyi je nedronginy hnyot, ke adre me sâ khekhenyi goranyai hainy e.

Isaia 9:5

Anyin a haba je omjehen vat hia anyin tavat penapena hnân vat, ke je ûkhaû adre me kina hnyin dra, me adre me he ka ip hnân thong, ke hnân hlogon meic.

Jeremia 2:15

Ame hia but kuku je nak liona, me fuc hwege goranyai: ke adre hia but öba wan iny hnyei; adre me thong anyin je taun, me ba at ame labā e.

Jeremia 4:7

Ame he but liona ûheny hnyi umen ūhnyot, at ame okongoâ je hnyei; e ame he hnyi deny gethen, e ame he ûheny hnyi hnen; he ka obâ aten em hnyei, me öba wan ânyâm je taun, me ba but aten.

Jeremia 44:6

Anyin a wale oge me hingâlâ anyik wathethot me anyik hmonyin, ke ame ubâhlâ hnyi je tauniny Juda, me je gethen hnyi Jerusalema, ke ame ba wan gadra, ke hnyot dö helâ me hnyi bong ang.

Jeremia 6:8

Jerusalema lö, kap ju hna ûnö, wâ e nye hwio hnyekuk gam; wâ oge nye he ka öba wânâm, me u me hnyei adre me ca labā.

Jeremia 7:34

Ke oge me he ka obuhlumo hnyi je tauniny Juda, me je gethen minya hnyi Jerusalema, hwan senyin, me hwan hobâ, me hwan li at ödre tep faipoipo: anyin ame he ka ba aten hnyei.

Je tenge anyi Jeremi 5:2

Adre hom ihmun hobi kâu ta je atkanyua, Me umöhmun je uma hobi kâu aten ke je hnyei bi.

Ezekiela 25:4

anyin a wale, wâ bi, oge me he ka hnö u ka tavat e jimeio me hnân idra, kʼ adre me he ka hunuma hnyi wanbâm, me bi hnyabadra unyâm; kʼ adre me he ka an âm jeû, me ijem belâm debai.

Ezekiela 30:12

Ke oge me he ka ohmö je wagewe, me ûco hnyei ka hnyi hnyamen tavat ae kong; ke oge me he ka oba wan hnyei, me ta je ûnyi hia hnyin ge hnyamen je atkanyua: inya Iehova at ame ha.

Hosea 7:9

A hia but ohia hwegien hnen je atkanyua, ke ca khana bi: eke, ûsa khaca but tehûen, ke ca khana bi.

Hosea 8:7

Anyin adre me belökâ ang, me adre me he ka meno hou: ke ba gan hwit ame kû, ke ba falawa hnyi boviny: ke a ne hu, me ame he bi je atkanyua ka utâ e.

Levitiko 26:33

Ke oge me he ka ovesei öbun ka hnyi ta je hnyei, me oc hele vat he ka hnu öbun: ke ame he ka ba kolon ibun hnyei, kʼ ame he ka hnyot je hnyababun.

Levitiko 26:34

Haba hnyi ûen eling ame he kânâ ka senyinâ je sabathiny hnyi je ûen itremacat hia, ke öbun dut hnyi hnyei iny je iwahnaihmiony möbun; wale ame he kânâ ka menâ me senyinâ je sabathiny.

Mika 5:11

ke oge me he ka subâ degecâ je taun hnyi em hnyei, me hagutâ ânyâm je hnabâ hia:

Mika 6:13

Anyin a wale oge hia but kuc u me takû u ge aat ae gan hmâ; ke oge hia but öba wan gam can ânyâm ta je hulo.

Deuteronomi 28:33

Haba wan kânâm kânâ, me ânyâm ta je huliwa hia, me ame he hnyei kanyua he ka han hia thibut; kʼ adre me he thibi ka okongu u, me hlic u balua:

Deuteronomi 28:43

Ame he atkanyua unyâm ka labö kû tot me me nua hom; ke u me he ka hnyikânâ tot hmönyin.

Deuteronomi 29:23

me haba hnyei hia me teio, me alase, me ame hiâ, kʼ adre ca belökâ, kʼ ame ca wa, ke ba hnaonying ame kû hnyin, helâ me hna ohia Sodoma, me Gomora, me Adema, me Zeboim, waleji Iehova ame ohia ge anyin hmönyin me anyin û: