Isaia 1:6 - Iaai Bible 1901 (New Caledonia)

⁶ Hwân hnyi hnyeûca ke ne o but hnyi ban, e ba dok ae so hnyin; ke je aat, me je khibi, me je dok ae han: adre ca hia but ometo, me lan, me omenyikâ ge wakaco.

Isaia 1:6 ပူးပေါင်းရင်းမြစ်များ

II. Samuela 14:25

Ke ba at ae lung gan hmâ helâ me Abasoloma hnyi anyin hmanenang hnyi Isaraela hia: e ba hnyikongon hwân hnyi li hnyeûcan ke ne o but hnyi ban.

Jobu 5:18

Anyin a e at ame ovecâ me lan minya; E at ame bi aat me ometo minya ge li hnyamen.

Salamo 77:2

Oge me elâm Khong hnyi bonginy anyik vec: Oge me inâ hnyamok hnyi lit, me ca menâ bi; E höcö hanuk he ka kap ûnyi hnân otubwelâ.

Isaia 30:26

Ke ame he melaminy tehi ka helâ me melaminy seûno, kʼ ame he ka oseven melaminy seûno, helâ me melaminy je bong a seven, hnyi bong ame he Iehova ka lan aat ge lakeiny, me ometo aat a je hna dʼ ödra.

Jeremia 17:9

Haba hnyekon at, me wale at ae ti iyawo hon ta je ûnyi hia thithö, ke ti kong e: ie at ame he ka wâhmakhmeto e?

Jeremia 30:12

Anyin a walang hna ha hnö Iehova, ka habe, E ba eny ge ânyâm vec, ke gan hmâ hnâm aat.

Jeremia 30:15

Ieû gam u me tenge can hna kuc u? e ca hnân e eny ânyâm vec: oge ânyâ e köu can ae se hia je hwakecâm ae kong, ke ti se hia ânyâm je hulo.

Jeremia 33:6

Wâ bi, oge me he ka hom kâe ûnyi hnân ometo me eny, ke oge me he ka ometu ödra; ke oge me he ka omanenâ gânâ kodra hnahic me hnathu.

Jeremia 6:14

Ke adre hia but ometo ûhnyûkongoâ je aat hnân lakeik me ha, ka habe, E hnahic ut, e hnahic ut: ke ba bi hnahic.

Jeremia 6:7

E ame hingâlâ hwakecin ae kong helâ me pupua ame hingölö hnyin köiö: adre me löng hnyin e ûokonguny me hna söh; e bala bi hnyi hnyimakök mok me je aat.

Nahuma 3:19

E ba hnân okatebo hnâm hmouca; ke kong ut hnâm aat: ke haba tavat adre me long ge bongom, me adre me khöûkhöû hnyam gam; anyin â ie at ame ca hia but labö cap kâu ânyâm hulö?

Malaki 4:2

Ke haba öbun tavat öbun e outen iök, me ame he ka o köbun seûnöiny hwakecin ae wisa, me ûnyi hnân ometo hnyi li labenyin; ke öbun e he ka he but me ututut helâ me nokon kau ûheny hnyi haginy.

Mataio 9:12

Ke a long ut Iesu, me e ame ha ködrin, ka habe, E ca ûnyi hnathu at ae tren bubuny ka tavat ae hwege, ke so bi ka tavat a ödra mok.

Luka 10:34

me hakekeny kâu, me lan hnân je aat, me hû ge wakaco me waina; ke e ame ip e hon haleny meno, me hom e ka hnyi omtabaga, me ûâ e.