Isaia 1:4 - Iaai Bible 1901 (New Caledonia)

⁴ Ekölö gam hnyei ae kong hwakecin, tavat ae hmak ut ge hulo, mâtrâniny tavat adre ânyâ monu, je lakon adre he hwali: adre hia but hna degeci Iehova, me hûkotiâ Kapi Isaraela, adre me atkanyua but me hmetu hmetu but.

Isaia 1:4 ပူးပေါင်းရင်းမြစ်များ

Genese 13:13

Ke e kong at Sodoma, ke beönua anyidra monu hnyi hnyimakö Iehova.

II. Je Than 21:22

ke e ame hna degeci Iehova Khongon lakamen, me ca vheno bi gethen de Iehova.

II. Man Ûlabainy Je Than. 12:1

KE adre hia but ohmâ dokhon dokhu Reoboama kʼ ame hwege but, me e ame hna degecâ hnanyibu anyi Jehova tha e me Isaraela hia.

II. Man Ûlabainy Je Than. 27:2

Ke e ame ânyâ wisa hnyi hnyimakö Iehova helâ me hna ânyâ hia hnö Uzia a kamen; ke e ame ca hnyi dit ka hnyi uma umö Iehova. Ke haba tavat ödrin e tiga ânyâ monu.

Nehemia 1:7

Ohmun e hia but ânyâ hwakecin ae kong hmonyin köu, me ca tuö je hnanyibu, me je hna hûna, me je hna owisa, waleji u je hûnakö Mose a athnyabaem.

Salamo 58:3

Adre me oatkanyua tavat ae kong hwân ge hna hnokoâ: Adre me he hwali hwân eû hnyi hnyok, me ha je thoi.

Salamo 71:22

Khonguk lö, oge me he ka oganö u ge; nabeli, Wale ânyâm hnathu: At ae Kap anyi Isaraela lö Oge me he ka khumöng olungi u ge kitara.

Salamo 78:40

Ke ti se hia hnödra hna ûkhin fuc mâu hnyi hnyebuba, Me ojâtâ hnyekon hnyi hnyot!

Salamo 78:41

Ke adre me hmetuhmetu me cubec Khong, Me haiûhnyûkongoâ At ae Kap anyi Isaraela.

Salamo 78:57

Ke adre me hmetuhmetu me iyâwâ helâ me lakamödra: Adre me saû but helâ me cafana ame onua.

Salamo 78:8

Mʼ adre me ca he ka tha ûcû me lakamödra, Waleji dö ae ûjöng me ûkhin fuc; Wale tavat adre me ca penapena ta je hnyekudra, Ke ca hnathu ta je hanudra ka Khong.

Salamo 89:18

Anyin a e unyi Iehova becihmun Ke tuhöhmun unyin At ae Kap anyi Isaraela.

Esodo 32:7

Ke Iehova ame ha kö Mose, ka habe, He thö, utut; anyin ae kong ut ânyâm tavat, waleji u je hom ûnyi hnyi hnyei Aigupito:

Isaia 1:23

Tavat ûkhin fuc je tuhâm, ke lahanen tavat venöu; ödra hia thithö adre me hnyok ta je bwihlany, ka hnu hoton je hwaban: adre me ca owisa hobi kâu at a mokcu kamen, ke adre me ca oâ kodra hna ivino hobi kâu safac.

Isaia 1:28

Ke ame he ka tha hnaûhango tavat hanyâûâ me tavat ae kong, kʼ ame he ka hia but tavat adre me hna degeci Iehova.

Isaia 10:6

Oge me he ka kunâ e ka tavat a adre ca ot, ke oge me he ka hûna kâu hnyei ae hmönyik ka hnyin, he ka hûgûnâ ta je omjeû, me söh ta je ûnyi, me uti ödra helâ me hmudra hnyi je gethen.

Isaia 12:6

At ame laba hnyi Ziona lö, hongot dö goranyai me kuku: anyin ae gan hmâ Kabi Isaraela eû hnyi wanbâm.

Isaia 14:20

U me ca he, ka ûkhacaköu mödra hnyi erkemok, anyin a u je okongoâ em hnyei, me hlingâ lakem; adre me ca he bi ka ha nyiele balua mâtrâniny tavat ae kong.

Isaia 29:19

Ke ame he tavat ae ilemuk ka ogânâ anyidra senyin ga Iehova, kʼ ame he tavat ae theduoc ka hobâ ge Kabi Isaraela.

Isaia 3:8

Anyin ame hangâ but Jerusalema, ke Juda ame ü: anyin ae iwahnaihmiony me Iehova je bohmödra me anyidra je huliwa, he ka ohinyâ li emakan ae hmanenang.

Isaia 30:1

EKÖLÖ ge tavat adre me ûkhin fuc, ame ha Iehova, tavat adre me elâm bongon, ke ca ûnyi bi gak; adre me tube hnen ûnyi hnân tube, ke ca ûnyi bi ge hanuk, mʼ adre me he ka bi hanen hulo ka hulo:

Isaia 30:15

Anyin a walang hna ha hnen Than Iehova, Kabi Isaraela, ka habe, Adre me he ka omeli öbun, öbun ka hmetu me menâ; ke haba tang hwegiöbun, me ame he ka e bi hnyi labawia me labageju: ke so bi e ca webun.

Isaia 30:9

Anyin a ödra tavat ûkhin fuc, tavat thoi, tavat höcö long hnanyibu anyi Iehova:

Isaia 31:2

Ke so bi e metâ, ke e at ame oâ ûnyi ae kong, ke ame ca he ka ohmeto hwan je hofuc: ke e ame he ka tot metâ ka lap anyin tavat ae kong, me ka singiny tavat adre me ânyâ monu.

Isaia 37:23

U je haikongoâ me bi gan kö ia? u je hongot goranyai kö ia ge hwâm hofuc me bi gan ge li emâkâm? wale ka Kabi Isaraela.

Isaia 41:14

Ca ot bi u Jekob a waahnyöng, ke öbun tavat Isaraela; haingö Iehova, ka habe, Oge me he ka hadruo u; ke haba at ûhomeli u, me Kabi Isaraela.

Isaia 41:16

U me he ka ulic ödra, kʼ ame he ang ka tûâ degeci ödra, kʼ ame he hou ka ovesei ödra: ke u me he ka senyini Iehova, ke u me he ka hobâ Kabi Isaraela.

Isaia 41:20

mʼ adre me he ka wâ me khanʼ ödra, me ûnykûme, me tha wâ ûnykûme a ga ânyâ hnen benyi Iehova, ke a op e hnen Kabi Isaraela.

Isaia 5:19

tavat adre me ha, ka habe, E so e ame logot, e so e ame mweimweiâ anyin huliwa, mʼ öhmun e he ka wâ e; ke ohakekenyâ thö, me o but musi anyin Kabiny Isaraela ûse me khanʼ öhmun dö!

Isaia 5:24

Anyin a wale, helâ me bâhlân meic ame an thatûnyi, ke helâ me önying ae meleca ame ta hnyikânâi hnyi meic, helâe ame he ka bobot anyidra iwân, kʼ ame he ka sâ göranyai anyidra je vongon helâ me sesâiny kânâ: anyin adre me hna degecâ hnanyibu anyi Iehova tuhan sabaoth, me hûkotiâ hofuc hwan Kapi Isaraela.

Isaia 57:17

Can hulöiny anyin behnyekon oge me hmönyik me kot e, oge me ikhölö me hmönyik: ke e ame hanyâûâ tilâ hnyi je deny hnyekon.

Isaia 58:2

Ke adre me elom nya hnyi je bong, kʼ adre me senyin he ka khanʼ ödra dek je gethen: helâ me hnyei ame ânyâ wisa, me ca hna degecâ je hna otilâ hnen Khongudrin, helâe adre me hnei nya ge hna owisa ae ûcû, adre me senyin he ka hakekeny ka Khong.

Isaia 65:11

Ke haba öbun tavat öbun e hna degeci Iehova, me hnying anyik bucen ae kap, me penapena laulau kö Gada, me öunöngötâ hudiny ic hobi kö Meni;

Isaia 65:3

tavat adre me ohmönyini nya hnyi hnyimakök hnyi ta je bong, adre me bi hut hnyi ta hnyei, kʼ adre me leû uto ae bo so hon je veto kânâ;

Isaia 9:17

Anyin a wale ame ca he Than ka senyin ge je hidröu unyidra ke e ame ca he ka betenge ge tavat ae ba kamödra, me je safac: anyin a ödra hia thithö adre me ca ot, ke tavat bi ae kong, me je hnyem hia ame hwen monu. Hnyi ta je ûnyi e hia, ame ca hwio anyin hmonyin, ke ame lau bala bi hnyamen.

Jeremia 15:6

Haingö Iehova, ka habe, U je hia but hna degeci nya, ke u je hmetuhmetu: anyin a wale oge hia but hai hnyamok gam, me ohiö u; oge sënyin dut ge ietra.

Jeremia 2:13

Anyin a lo li monu a ânyâ lakeik; a gʼ adre hia but hna degeci nya köiöiny möt ame pupua, me thö hobi kodra bi je an, a je an ae hmouca, ame ca hom behânâ köiö.

Jeremia 2:17

Hawa, u je ca ânyâ hobi köu bi, hnyi hnâm hna digic Iehova a Khongom, waleji hnyi ûen e ame su u eû hnyi gethen?

Jeremia 2:19

Ame he ka thao u hnen bi ânyâm hulo, ke ame he ka û u hnen bi hnâm je hna kolu: anyin a wale khanö u thö me wâ ûnyi ae hiny me kong, wale ge hnâm hna digic Iehova a Khongom, ke u je outö nya, haingen Than Iehova tuhan sabaoth.

Jeremia 2:31

Do lö, wâ ju hofuc ho Iehova. Hawa, oge hia but helâ me hnyebuba ka at Isaraela? ame ne hnyei ae khömet? anyin a ieû ame ha lakeik, ka habe, Ohmun e monu, ohmun e ca he hmetu köu?

Jeremia 2:33

U je ti theibi u bi he ka ûköcö! anyin a wale u je nâ je momo ae kong ge je hwakecâm.

Jeremia 2:5

Walang hna ha hnö Iehova, ka habe, Ieû ke ûnyi ae ca wisa a wa lakamöbun unyik, mʼ adre me oûsâkâû ödra mönya, me hnu hoton unyi ae ba onyen, me bibi hop?

Jeremia 32:32

can ta je hulo hia anyin lakon Isaraela, me lakon Juda, waleji adre me mâdrâ he ka ohmönyini nya, ödra, me latuhödra, me anyidra je taben, me anyidra tavat bihut, me anyidra je perofeta, me at Juda, me aten Jerusalema.

Jeremia 50:29

Hawâ ûkhacaköuâ thö ka Babulona tavat hlic fana, tavat hia adre me hlöu cafana; hunuma ju igigilo e; ca hna ke at ka kec mot: ham dö kâu helâ me anyin huliwa; ânyâ hia thö kâu helâ hiaji me hnen hna ânyâ: anyin a e ame hia but hwege hnyimakan kö Iehova, Kabi Isaraela.

Jeremia 51:5

Anyin a ca degec Isaraela me Juda hnen Khongon, a Iehova tuhan sabaoth; eja ke ne a ne unöngöt idra hnyei ge hulo ka Kabi Isaraela.

Jeremia 7:19

Hawa, adre me ohmönyini nya? haingö Iehova; ke ca ödra bi, me ame hmehma ta je hnyimakodra?

Jeremia 7:26

ke so bi adre me ca ling nya bi, me tevehlöng, ke adre me ohwegiâ je nyidra: me ânyâ hwakecin ae kong hmonyin hon je lakamödra.

Ezekiela 14:5

mʼ oge me he ka noc lap anyi Isaraela eû hnyi hnyekudra bi, anyin a ödra ûsâkâûö mönya hia ge anyidra je idola.

Ezekiela 16:33

Adre me ham je bwihlany ka je momo hia hnyi gethen: ke u bi, u me ham ânyâm je bwihlany ka je lawem hia, me bi hwaban kodra, mʼ adre me o köu hnyi je ke keihen hia hnyi hnâm je hna bi ûnyi monu.

Ezekiela 16:45

U hlu nokon hinyâm, at ame hûkotiâ âiân me lakon; ke u hanen je liamekeiny möu, tavat adre me hûkotiâ laöiödrin me je lakudrin: haba hinyöbun, me momo Heth, ke at Amora kamöbun.

Daniela 9:11

Eke, a hia but hanyâûâ ânyâm je hnanyibu hnen at Isaraela hia, kʼ adre me saû but, kʼ adre me ca long ifucâm: anyin a wale, adre hia but hingâlâ huhmun hnaûhango, ke hna khemanyin waleji adre me sihnalimen hnyi hnanyibu anyi Mose athnyabainy Khong; anyin a öhmun e hia but ânyâ hulo kâu.

Zefania 1:6

ke tavat adre me hmetu unyi Iehova; ke tavat adre me ca elöm Iehova, me ca hnö e.

Numera 32:14

Ke wâ bi, öbun e o biju hwaban lakamöbun, a hanen tavat ae kong, he ka ogânâ hmönyin ae gan anyi Iehova kö Isaraela.

Mataio 11:28

Ai öbun könya tavat hia thithö öbun e huliwa, me öbun tavat hije ûnyi ae hmak, me oge me he bi nya ka omenʼ öbun.

Mataio 23:33

Öbun je on lö, ke lakon je vaipa, öbun e he ka kâmâu ka kec ge hnaûhangöiny gena?

Mataio 3:7

Ke hnyi ûen e ame wâ ta je Faresaio me ta je Sadukaio ae se hia adre me o but ka hnyi anyin bapataiso, me e ame ha kodra, ka habe, Je lakon on lö, ia koû köbun mʼ öbun e he ka kec ge hmonyin ame he ka o?

Roma 8:7

anyin a iwahnaihmiony me Khong he ka hnyok ka unyin; anyin ame ca long bi hoton hnanyibu anyin Khong, anyin ae ca khana bi:

I. Korinito 10:22

Hawa, ate me cubic Than he ka ciâ? hawa, öta hwege hon e?

Deuteronomi 29:25

Ke adre me he ka thu, ka habe, Can adre degecâ ûhihinyköu anyi Iehova Khongon lakamödra waleji e ame ânyâ mödra, hnyi ûen e ame hum ödra ûheny hnyi hnyei Aigupito;

Deuteronomi 31:16

Ke haba Iehova ame ha kö Mose, ka habe, Wâ bi u me he ka mokut unyin lakâmâm; kʼ ame he tavat ang ka köûö me bi ûnyi monu me ke je khongon hnyei adre me he ka hnyin he ka tha laba mödra, kʼ adre me he ka hna degeci nya, me oûnyibâûâ hnok hna ûhihinyköu mödra.

Deuteronomi 32:19

Iehova ame wâ me höci ödra, Can hna ohmönyinâ e ge lakon baga me hlu.

Deuteronomi 32:5

Adre hia but iyawâ, ödra ca lakon, ke wale hnyikongudrin; Dö ae hwen höcö, ke hwali hwakecidru.

Kolose 1:24

Ke walang ang inya oge me senyinâ anyik je vec hobi köbun, ke oge me obekhötâ hnyi unyik hounyin je vec anyin Keriso hobi kâu unyin e, wale a ekalesia;

Hna Omanenâ 18:5

anyin a o but hnyi drany anyin ta je hulo, ke Khong ame ûnykûme anyin ta je monu.

Owisa 10:10

Haba lakon Isaraela ödrin e tenge kö Iehova, me ha, ka habe, Ohmun e hia but ânyâ hulö köu, wale ohmun e hna degecâ Khonguhmun, me bi athnyaba bi ka je Baala.