Isaia 1:31 - Iaai Bible 1901 (New Caledonia)

³¹ Ke ame he at hwege ka helâ me wakunenu, me anyin huliwa helâ me wahleûhleûiny meic; ke adre me he ka tha thong degeci ödru, ke ba at ame he ka ume.

Isaia 1:31 ပူးပေါင်းရင်းမြစ်များ

Isaia 24:6

Anyin a wale ame an hnyei hnen hnaûhango, ke adre wâ joniny tavat adre me labā e; anyin a wale adre me thong degecâ tavat adre me labā hnyei, ke ödra wakhalet biju je kolon.

Isaia 26:11

Iehova lö, e gorany hnyamân, kʼ adre me ca wâ bi: ke so bi adre me he ka wâ wem ae gan hmâ ka tavat, mʼ adre me be ka hmehma bi; eke, ame he meic ka an ta je iwahnaihmiony möu.

Isaia 27:4

E ba wathethot unyik; e na tot metâ könya je iwadekong me watetaföcö hnyi vat! oge me he ka he kodra, oge me he ka tha thong degeci ödra.

Isaia 33:11

Öbun e he ka erkinâ unen hwit, kʼ öbun e he ka hnokoâ taan thatûnyin hwit: haba homenöbun me meic hnân ön öbun bi.

Isaia 33:14

Ame ot hnyi Ziona tavat ae kong; kʼ ame o but öbubuny ka tavat adre me ca ot bi. Ie at gata ae khana he ka laba hnyi meic ame han? ie at gata ae khana he ka laba hnyi bâhlân meic nyiele balua?

Isaia 4:4

e ka hia but Than hneû ikikiny wahluiny Ziona, me kot degecâ dren Jerusalema ûnyi hnyi wanben e hnen homenâiny owisa, me homenâiny kahwa.

Isaia 43:17

at ame hom je kariota me je hors, me utbavat me tang hwege; adre me tha mokut ju, kʼ adre me ca he ka tot hmetu bi; e hiʼ ödra but, kʼ adre me mok ut helâ me wakunenu:

Isaia 5:24

Anyin a wale, helâ me bâhlân meic ame an thatûnyi, ke helâ me önying ae meleca ame ta hnyikânâi hnyi meic, helâe ame he ka bobot anyidra iwân, kʼ ame he ka sâ göranyai anyidra je vongon helâ me sesâiny kânâ: anyin adre me hna degecâ hnanyibu anyi Iehova tuhan sabaoth, me hûkotiâ hofuc hwan Kapi Isaraela.

Isaia 50:11

Wâ bi, öbun hia thithö tavat öbun e hu meic, öbun e igigili öbun bi ge je okûnû: vheno thö melaminy hlögubun meic me je okûnû öbun e vâc. Öbun e he ka hu ûnyi gak; wale öbun e he ka mokut hnyi hlöuhlöu.

Isaia 66:17

Haba tavat adre me okabi ödra bi me obosoi ödra bi, he ka he hnyi ta hnyei, hoton khaca hnyi wanben, adre an utioiny buaka, me ûnyi ae ikiki, me tep: awe, adre me he ka tha bi obiny kodra, haingö Iehova.

Isaia 66:24

Ke adre me he ka he me wâ ta je unyin tavat adre mokcu, a tavat adre hia but ûkhiny fuc mönya: anyin ame ca he ka mok hnödra waahnyöng, kʼ ame ca he bi ka mok anyidra meic; ke ame he bi tavat hia thithö ka hûköti ödra.

Isaia 9:19

Ame le degecâ hnyei ûnyi ge wathethot anyi Iehova: ke haba tavat, me helâ me uto hnân hiâ hnyi meic; ke ba at ame betenge ge liamekeiny mē.

Jeremia 21:12

Lap anyi Davita lö, walang hna ha hnö Iehova, ka habe, Ânyâ thö ûnyi ae wisa hnyi hnyomakatu, ke omelo thö at adre söh ûnyi hnyi hnyamen at ûöveci, wâ e nye gâ but anyik hmonyin helâ me meic ame ubâhlâ, ke ba at ama ume, can ûkongon anyibun ta je huliwa.

Ezekiela 32:21

Ame he ka fuc kâu tavat ae hwege a je taben hnyi wanben hedis, tha e me tavat adre me hadruâ e: adre me utut, adre me mokut, a gʼ adre ca peritomonâ, kʼ adre hlingâ ge hele vat.

Malaki 4:1

ANYIN a wâ bi ame he ka o bong, kʼ ame kahwa helâ me inyâji; ke haba tavat bi gan hia, me tavat hia adre me ânyâ hulö me adre me he ka helâ me thatûnyin hwit: ke haba bong ame he ka o, me ame he ka thong degeci ödra, haingö Iehova tuhan sabaoth me me ba wan me anginy gadra.

Mataio 3:10

Adre hia but walang ang ip giwa hnyi hwecin ta je ûö: haba ta je ûö hia ame ca wa so, me adre ma sö degecâ me khûâ ka hnyi meic.

Mataio 3:12

e bi hnyi hnyamen anyin ut, ke e ame he ka ânyâwia hwit hnyi hnen hna huje hwit; ke e ame he ka ûkhöunâ anyin hwit ka hnyi omhani, ke e ame he ka thong thatûnyin hwit hnyi meic ame ca mok balua.

Hna Omanenâ 19:20

Me adre me kât meno ae hiny; me perofeta thoi minya waleji at ame ânyâ ta je haten hnyi hnyimakan, hnân omono tavat adre me kap haten meno, mʼ ödra minya adre me khudrung ka at ae we e: ke adre me khûʼ ödru meli ödru ka hnyi nem a meic ame hiâ ge teio:

Hna Omanenâ 20:10

Ke adre me khûö diabolo at ame omonu ödra ka hnyi nem a meic me teio, waleji a hnen minya meno me perofeta thoi; ke adre me he ka oveci ödra hnyi lany me lit nyiele nyiele balua.

Owisa 15:14

Ke e ame o ka hnyi Lehi, me haba at Filisiti ödrin e iouny mē me kuku kâu: ke ame utut ka hnyi hon hanu Iehova, ke haba li tö hnyi li benyin me helâ me wakunenu adre le ge meic, ke ame ok ut hna ca hnyi li benyin.