Isaia 1:26 - Iaai Bible 1901 (New Caledonia)

²⁶ ke oge me he ka ham hmetu köu tavat owisa, helâji me ehac, me je at ûhnenamö helâ me hnyi hwân: hwaban e adre me he ka hwenyi iâm, Taun ae wisa, me taun ae hnathu.

Isaia 1:26 ပူးပေါင်းရင်းမြစ်များ

Isaia 1:21

Ekölö, momo hnyi gethen dut taun hnathu! waleji ae unöngöt ge wisa! ame laba ehac hnyi hwakecin ae wisa, ke walang ang bi tavat ûhlingö.

Isaia 2:3

Ke ame he ka o ta je hnyei ae se hia me ha, ka habe, Ai öbun me otin e ölö thö ka hnyi bucen anyi Iehova, ka hnyi uma umen Khongu Jekob; ke e ame he ka nʼ öta ge deny je gethen, ke ate me he ka vheno je gethen ûnyi gan: anyin ame he ka he but hnanyibu ûheny Ziona, me hofuc ho Iehova ûheny Jerusalema.

Isaia 33:5

Adre me oganö Iehova; anyin a e ame laba ethö: e ame hia but ounöngötâ Ziona ge hna owisa me hwakecin ae wisa.

Isaia 54:14

Adre me he ka otethmö u hnyi hwakecin ae wisa: me u me he ka laba sâkâu ge seda, anyin u me ca he ka ot; me laba sâkâû me öbubuny, anyin a e ame ca he bi ka o köu.

Isaia 60:14

Ke ame he lakon tavat adre me oveci u ka o me iyâû gam; ke ame he tavat hia adre me hûkötiö u ka nom ju ka hnyi li hnyeûcam; ke adre me he ka haiö u, a Taun anyi Iehova, Ziona anyin Kabi Isaraela.

Isaia 60:21

Ke ame he ka wisa hia ânyâm tavat, adre me he ka hu hnyei nyiele balua; a bâtân oge tä, huliwa anyin li hnyamok, mʼ adre me he ka oganö nya.

Jeremia 31:23

Walang hna ha hnö Iehova tuhan sabaoth, Khongu Isaraela, ka habe, Adre me he hmetu ka ha hofuc ang hnyi hnyei Juda, me je tauniny, iny ka he ka ohmetu ödra ûhedra hnyi hna bâ me ha, ka habe, Hnyaban hna owisa lö, me bucen ae kap, E so e he Iehova ka ohnahici u.

Jeremia 33:11

me adre me he bi ka long hwan senyin me hwan hobâ, me ifucin li at ödre tep faipoipo, me ifucin tavat adre me ha, ka habe, Oganö Iehova thö tuhan sabaoth, anyin ae so Iehova, anyin a nyiele balua anyin ibe-tengiö: me hwan tavat adre me hom hudiny ole ka hnyi uma umö Iehova. Anyin oge me he ka ohmeto tavat adre bâ helâ me hnyi can, haingö Iehova.

Jeremia 33:7

Ke oge me he ka ohmeto at Juda me Isaraela ûhedra hnyi hna hwenbâ, me, up ödra hmetu goranyai helâ me hnyi hwân.

Ezekiela 45:8

Ke haba kânâ ame he ka hnân iny bi hnyi Isaraela: ke adre me ca he hmetu je than unyik ka hom ûhnyûkongo lakeik; ke adre me he ka ham kânâ ka lap anyi Isaraela hoton anyidra ta je tribu.

Mika 4:8

Ke haba u tap tue anyin hnahat mamoe, hut anyin hluiny Ziona me ame he ka o köu; eke, ame he ka o musi a bân, wale dokhu dokhon hluiny Jerusalema.

Zefania 3:13

Ke ame ca he je kolon! hnyi Isaraela ka ânyâ hulö me ha thoi; kʼ adre me ca he ka wâ hnyi je hnyimödra bohmen ae iyawö; anyin adre me he ka han me mokut, ke ba at ame he ka ooti ödra.

Zefania 3:9

Me oge me he bi ka wia ka hnyi hnyei hwen ae wisa, mʼ adre me he hia ka hawâ iö Iehova, me bi athnyabainy ge hnyok a khaca.

Zakaria 8:3

Walang hna ha hnö Iehova, ka habe, Oge me laba hmetu hnyi Ziona, ke oge me he ka laba hnyi wanben Jerusalema: ke adre me he ka hwenyi ien Jerusalema, me Taun ae hnathu; kʼ adre me he ka hwenyi ien bucen anyi Iehova tuhan sabaoth, ka habe, Bucen ae kap.

Zakaria 8:8

ke oge me he ka hum ödra, mʼ adre me he ka laba hnyi wanben Jerusalema; ke adre me he ka lakeik, ke oge me he ka Khongudrin hnyi hnathu me hwakecin ae wisa.

Numera 12:3

Haba Mose, me wale at ae ti menyik hon tavat hia eang hmelen.

Numera 16:15

Me ame ubâhlâ hmönyin anyi Mose, me e ame ha kö Iehova, ka habe, U me ca he ka wâ anyidrin hut: ke ba haledrin asina oge hom, ke oge ca okongo ke at a khaca gadrin.

Hna Omanenâ 21:27

ke ame ca he ka hnyi dit kâe ke ûnyi ae kong, me at ame ânyâ ikiki me thoi: ke hake ödra thibi tavat adre sihnalimidrin hnyi tusi anyin Arenio a tusiny möt.