Isaia 1:21 - Iaai Bible 1901 (New Caledonia)

²¹ Ekölö, momo hnyi gethen dut taun hnathu! waleji ae unöngöt ge wisa! ame laba ehac hnyi hwakecin ae wisa, ke walang ang bi tavat ûhlingö.

Isaia 1:21 ပူးပေါင်းရင်းမြစ်များ

II. Samuela 8:15

Ke Davita ame muso Isaraela hia; ke Davita ame ûhnö me ânyâ wisa ka lakeiny hia.

II. Man Ûlabainy Je Than. 19:9

Me e ame ha wia ködrin, ka habe, Öbun e he ka ânyâ helâe me outö Iehova hnyi hnathu me hnyok ae wisa.

Nehemia 11:1

KE haba je thaniny tavat, me, ödrin e laba hnyi Jerusalema: me haba kolon tavat, me, ödrin e ugleköbâ, he ka hom khaca ûnyi hnyi je libenyitainy tavat he ka laba hnyi Jerusalema, taun ae kap, kʼ ame hnen bi je hnyat a nain hnyi ke je taun.

Salamo 46:4

E hu wagewe, kʼ ame osenyinâ taun anyin Khong ge je wadutö a ûnyi gan, Wale dok ae kap a hnen je uma mano umen Beönua.

Salamo 48:1

E GAN hmâ Iehova, a hnân ti ogânâ, Hnyi taun anyin Khonguta, a anyin bucen ae kap.

Salamo 48:8

Helâji me hnöta hna long, me helâe hnöta hna wâ Hnyi taun anyi Iehova tuhan sabaoth, hnyi taun anyin Khonguta: Ame he Khong ka otethmâ e nyiele balua [Sela.

Isaia 1:22

E kânâ but ânyâm sileva, kʼ adre me ûhaniken ânyâm waina me köiö.

Isaia 26:10

Eja ke ne adre ne betenge ge at ae kong, me ame ca he ka nâ wisa; kʼ ame he ka ânyâ hwakecin ae hwali hnyi hnyei ae wisa, kʼ ame ca he bi ka wâ hmâ hmanenangi Iehova.

Isaia 48:2

Anyin a adre me ka hawʼ ödra a hanen taun ae kap, ke adre me ka laba kece ka Khongu Isaraela; Iehova tuhan sabaoth ien.

Isaia 5:7

Anyin a hnyei vine i Iehova tuhan sabaoth lap anyi Isaraela, ke haba tavat Juda haleny uö ae so: ke e ame elâm hna owisa, ke wâ bi hna ovecâ; kʼ ame elâm hwakecin ae wisa, ke wâ bi hwan tenge bi.

Isaia 59:14

Ke adre me ohmetu hna owisa, ke ame tot sâkâû hwakecin ae wisa: anyin a kolu but hnathu eû hnyi gethen, ke ca khana hwakecin ae fofâ he ka didrö.

Isaia 59:15

Eke, e hia but hnathu; ke haba at ame kec ge hulo, me e ame ka ânyâ e bi me hnân söh: ke Iehova ame wâ e, me ame kong kâu ae ba owisa.

Isaia 59:3

Anyin ae kong ut je hnyamöbun ge dra, me je banyöbun hnen hulo; ame ha thoi hnen je esongodibun, ke ame fuc monu je bohmöbun.

Jeremia 3:1

HAINGODRA, ka habe, A ne ke at ame degec âiân, ke ame he gan me ame âiân ke baga bi, hawa, e ame be ka hmetu ka momo? Ame ca he ka ti kong hnyei eling? Ke u je hia but bi ûnyi monu me tavat ae se hia; ke so bi, hmetu ju könya, haingö Iehova.

Hosea 11:12

Eferaima ame wadrö nya ge thoi, me lap anyi Isaraela ge tang iyawo: ke haba Juda e ame tiga tha musi me Khong, ke ame hnathu ka At ae Kap.

Hosea 2:5

Anyin a hiny-ödrin ame bi ûnyi monu: momo a hnöku ödrin ame ânyâ ûnyi hnân hmehma; anyin a haingen, ka habe, Oge me he ka hnu hoton lawek, tavat adre me ha ök, me belik köiö, me leûnen mamoe,, me lino, me wakaco, me belik.

Habakuka 1:4

Anyin a wale adre me oûnyibâûâ hnanyibu, ke ame ca he but hna owisa bala ka hwâdâ; anyin a tavat ae kong adre me igigilo tavat ae wisa; anyin a wale ame he but hna owisa ae hwali.

Zakaria 8:3

Walang hna ha hnö Iehova, ka habe, Oge me laba hmetu hnyi Ziona, ke oge me he ka laba hnyi wanben Jerusalema: ke adre me he ka hwenyi ien Jerusalema, me Taun ae hnathu; kʼ adre me he ka hwenyi ien bucen anyi Iehova tuhan sabaoth, ka habe, Bucen ae kap.

Luka 13:34

Jerusalema, Jerusalema lö, at ame hlingâ ta je perofeta, me lû ödrin adre kunʼ ödrin kâu! e se hia wek he ka ûkhacaköuâ lakom, helâ me hinyen denakhoto ame tube lakon ge li labenyin, mʼ öbun höcö bi öbun!

Ta je huliwa 7:52

Ewa perofeta a ca ovecâ hnen lakamöbun? ke ödrin e hlingâ minya tavat a hodra ka omanenâ a gʼ ame he ka o At ae Wisa; wale öbun e alecuâ me hlingâ walang ang;

Heberu 12:22

ke so bi, öbun e o but ka hnyi bucen Ziona, ke ka hnyi taun anyin Khong ae möt, wale Jerusalemainy drany, ke ka ta je angela a ca hnân aû,

Hna Omanenâ 11:2

Ke haba hnyeule hoton uma kap, hnen ju, ca ke ka tuluto; anyin adre hia but ham e ka ta je hnyei: ke adre me he ka uto taun ae kap hnyi ta je tehi a fâte tu.

Hna Omanenâ 11:8

Ke haba li unyidru ame mokut hnyi getheniny taun ae gan, haba ien hoton hanu, me Sodoma, me Aigupito, waleji adre osatauroâ hnyin Tuhödru.

Hna Omanenâ 17:1

KE ame o thö ke at hnyin je angela a seven hnyat ae hu gadrin je kaia a seven, kʼ ame ha könya, ka habe, Aiö u, oge me he ka omanenâ köu hna bi hwaban ka momo hnyi gethen, at ae nua, kʼ ame laba hon je köiö ae se hia;