Isaia 1:2 - Iaai Bible 1901 (New Caledonia)

² Drany lö, long ju, ke hmeledrany lö, tevehling ju, anyin a Iehova ame hia but fuc me ha, ka habe, Oge hia but hat me tuö je wanakat, ke ödra bi adre me ûkhin fuc mönya.

Isaia 1:2 ပူးပေါင်းရင်းမြစ်များ

II. Je Than 21:22

ke e ame hna degeci Iehova Khongon lakamen, me ca vheno bi gethen de Iehova.

Salamo 49:1

TA je hnyei hia thithö lö, long ju ang; Tevehlöng ju öbun hia thithö je aten hmeledrany:

Salamo 50:4

E ame he ka hongot ka drany ethö, Me hmeledrany, me me he ka owisa lakeiny:

Isaia 30:1

EKÖLÖ ge tavat adre me ûkhin fuc, ame ha Iehova, tavat adre me elâm bongon, ke ca ûnyi bi gak; adre me tube hnen ûnyi hnân tube, ke ca ûnyi bi ge hanuk, mʼ adre me he ka bi hanen hulo ka hulo:

Isaia 30:9

Anyin a ödra tavat ûkhin fuc, tavat thoi, tavat höcö long hnanyibu anyi Iehova:

Isaia 31:6

Lakon Isaraela lö, hmetu ju öbun kâu, waleji öbun e ti hna degecâ.

Isaia 34:1

ÖBUN ta je hnyei lö, hakekeny dö he ka long; ke öbun tavat, tevehlöng ju: e so ame he hnyei me unöngötiny ka long, me hmeledrany minya me ta je ûnyi hia ame kû hnyin.

Isaia 63:16

Anyin a u kamöhmun, eja ke ne a ne ca ö ʼhmun Aberahama, ke ca khanö Isaraela öhmun: Iehova lö, u thibi kamöhmun; at a ûcû öhmun hwân nyiele, wale iâm.

Isaia 65:2

Oge hia but lau li hnyamok hnyi je bong hia ka tavat adre me ca ûling, waleji adre me vheno gethen ae ca so hoton je ûnykûmenödra bi;

Jeremia 13:15

Long ju öbun, ke tevehlöng ju: ca hnyok bi gan: anyin a hia but ha Iehova.

Jeremia 22:29

Hmeledrany, hmeledrany, hmeledrany lö, löng ju hofuc ho Iehova.

Jeremia 3:22

Hmetu ju öbun tavat öbun e labö kolu, oge me he ka ometo hnobun je hna kolu. Wâ ju, öhmun e o but köu; anyin a u Iehova Khonguhmun.

Jeremia 31:9

Adre me he ka o me tenge tot, ke oge me he ka lili ödra ge khöû: oge me he ka hum ödra ka hnyi je wagewe, hnyi gethen ae wisa, wale adre me ca he ka haû hnyin: anyin a inya ang kâmâm Isaraela, ke haba Eferaima, me, nokuk a bân.

Jeremia 6:19

Hmeledrany lö, löng ju: wâ bi, oge me he ka hom ûnyi ae kong ka tavat ang, wale troban je ûnykûmenödra, anyin adre me ca hia but löng hok hofuc; ke haba anyik hnanyibu adre hia but hna degecâ e.

Ezekiela 24:3

Ke ha thö ûhöûcû ka lap ûkhin fuc, me ha kodra, ka habe, Walang hna ha hnen Than Iehova, ka habe, Ip ju öt hon meic, ip ju, ke hingölö köiö but minya ka hnyin:

Ezekiela 36:4

anyin a wale, öbun je buceniny Isaraela lö, long ju hofuc hwan Than Iehova, ka habe, walang hna ha hnen Than Iehova ka ta je bucen me ta je hut me je deny köiö, me je hnyigöulen bucen, me je hnyebuba ae ba aten, me je taun adre me hna degecâ, wale a hnân söh me oû hnen kolon ta je hnyei igigilo:

Amosa 3:1

JE lakon Isaraela lö, long ju hofuc ang wale a ha Iehova ûcûbun, ûcon lap hia oge hom ûheny hnyi hnyei Aigupito, ame ha, ka habe,

Mika 1:1

WALANG hofuc ame o ko Mika at Moresa hnyi ûö Jotham, me Ahaza, me Hezekia, a je than Juda, wale e ame wâ ge Samaria me Jerusalema.

Mika 1:2

Öbun ta je hnyei hia lö, long ju; hmeledrany lo, ke ta je ûnyi hia hnyin e, tevehlöng ju: ke so ame he Than Iehova ka ohnathoâ ûcûbun, wale Than hnyi umen uma ae kap.

Mika 3:8

Ke hnathu a iny unöngötö ge man ûnyi ge hanu Iehova, ke ûnyi ge hna owisa, ke tang hwege he ka omanenâ kö Jekob hnen hna hanyâûâ, me kö Isaraela anyin hulo bi.

Malaki 1:6

Haba nokon, me ame ogânâ kamen, ke athnyaba ame ogânâ tuhan: awe, a ne kamen bi nya, me ewa hna oganö nya? ke oge ne than, me ewa eang hna outö nya? haingö Iehova tuhan sabaoth köbun tavat bihut, tavat öbun e hûkötiâ iök. Ke haingöbun, ka habe, Ohmun e hawa ka hûkötiâ iâm?

Ta je huliwa 4:20

anyin ae ca khanʼ ohmu he ka ca ha ta je ûnyi ohmu me wâ me long.

Deuteronomi 1:31

me hnyi hnyebuba, waleji u je wâ a gʼ ame kop u tilö u Iehova Khongom, helâ me at ame delûâ nokon, hnyi je gethen hia öbun e he hnyin ke ne o but öbun e o but eang.

Deuteronomi 30:19

Inya oge me hawâ drany me hmeledrany hnyi bong ang he ka ohnatho köbun, a oge hia but ip hnyi hnyimâkâm möt me mok, ke hnahic me hnaûhangö: anyin a wale ûca thö möt mʼ u me möt a u me je mâtrânâm:

Deuteronomi 32:1

DRANY lö, tevehlöng ju, ke oge me he ka fuc; Ke so hmeledrany ame löng ifucin hnyimök;

Deuteronomi 4:26

awe, oge me hawâ drany me hmeledrany he ka ohnathoâ gabun hnyi bong ang, a gʼ adre me he ka ie ohiʼ öbun ûnyi hnyi hnyei wale öbun e hanyâûâ Joridano he ka hu gabun; kʼ ame ca he ka se hia bongubun je bong hnyin, kʼ adre me he ka ti ohiʼ öbun.