Isaia 1:18 - Iaai Bible 1901 (New Caledonia)

¹⁸ Haingö Iehova, ka habe, Ai öbun walang ang, ate me he ka tha ûsabö: eja ke ne a ne helâ me dra vec anyibun ta je hulo, me ame he ka hau bi helâ me kiona; ke ame ne dra helâ me dila, me ame he ka helâ me leûnen mamoe.

Isaia 1:18 ပူးပေါင်းရင်းမြစ်များ

Jobu 9:33

Ke ba at he ka owisa köhmu, Me ip li hnyamen huhmu.

Salamo 51:7

U me he ka ânyâwiö nya ge hisop, me inye he ka kalaöt ut: Ösûö nya ju, me inye he ka hau but hon kiona.

Salamo 51:9

Ikhâlâ ju hnyimâkâm ge anyik ta je hulo, Ke kot degecâ but anyik ta je monu hia thithö.

Isaia 1:23

Tavat ûkhin fuc je tuhâm, ke lahanen tavat venöu; ödra hia thithö adre me hnyok ta je bwihlany, ka hnu hoton je hwaban: adre me ca owisa hobi kâu at a mokcu kamen, ke adre me ca oâ kodra hna ivino hobi kâu safac.

Isaia 3:13

Ame todrö Iehova he ka! ivino, e ame tot he ka owisa ta je hnyei.

Isaia 41:1

TA je bomene lö, laba hnyibû ju hnyi hnyimakök; ke ame he ta je hnyei ka ohâtâ tang hwegeiödra: he but jem ödra, mʼ adre me fuc dö: ate me he ka ûkhacaköu me ûhnei.

Isaia 41:21

Ho jem hnobun hna ivino, ame ha Iehova; omanenâ thö hobun ta je hofuc ae hwege, ame ha Tuhö Jekob.

Isaia 44:22

Oge hia but kot degecâ hnâm ta je hna hanyâûâ helâ me ûlâ ae khot, me ânyâm ta je hulo helâ me ûlâ: hmetu ju könya, anyin a oge hia but ûcû u.

Isaia 50:8

E hakekeny jut at ame haiwisö nya; ie at ame he ka ivino mönya? otu me he ka tha todrö: ie at ama tot könya? e so e ame he jem könya.

Isaia 55:7

e so ame he at ae kong ka degec hwakecin, ke so ame he at ae monu ka degec ta je ûnykûmenen: ke so e ame hmetu kö Iehova me me he ka betenge gan; ke so e ame hmetn ka Khonguta, anyin a e ame he ka ti kot degecâ hia.

Jeremia 2:5

Walang hna ha hnö Iehova, ka habe, Ieû ke ûnyi ae ca wisa a wa lakamöbun unyik, mʼ adre me oûsâkâû ödra mönya, me hnu hoton unyi ae ba onyen, me bibi hop?

Ezekiela 18:27

Ke haba khaca, e ka hmetu at ae kong ûnyi hnyi anyin hulo waleji e ame ânyâ, kʼ ame ânyâ ûnyi ae ûcû me wisa, me ame he ka omelo hanon.

Ezekiela 33:16

Adre me ca he ka ha kâu ke monu hnyi ta je monu e ame hia but ânyâ; e ame hia but ânyâ ûnyi ae ûcû me wisa; e ame he ka möt.

Mika 6:2

Long ju öbun je bucen lö, ivino anyi Iehova, me öbun je taben a tethmâiny hmeledrany: anyin ae hu ivino anyi Iehova me lakeiny, ke e ame he ka ûhnei me Isaraela.

Ta je huliwa 17:2

ke haba Paulo ame didro kodra, helâ me hwakecin, ke kun ta sabath e ame ûhnenamö mödra je hna sihnalimen,

Ta je huliwa 18:4

Ke e ame ûne hnyi sunago hnyi ta je sabath, kʼ ame ohmehmela at Juda, me at Heleni.

Ta je huliwa 24:25

Ke e ame tiga ha bongon hwakecin ae wisa ke hnyok, ke bong owisa hnyi obiny, me haba Filiki ame öbubuny, me ha, ka habe, Me he thö walang ang; ke e ka hu ûen ae ûcû me oge me he ka hawo u hmetu.

Roma 5:20

Ke ame o but minya hnanyibu, me ame se hia but monu; ke haba dok ame gan monu hnyin, me wale gan hmâ but ibetengiö baû:

Hna Omanenâ 7:14

Ke haingök kâu, ka habe, Than lö, e khanö u. Me e ame ha könya, ka habe, Ödra ang adre me he but ûnyi hnyi vec ae gan hmâ, ke adre me hneû anyidra je ûkhaû, me ohaûâ hnyi dren Arenio.

I. Samuela 12:7

Anyin a wale todrʼ öbun walang ang, me inye he ka nʼ öbun hnyi hnyimakö Iehova hnyi ta je hwakecin hia thithö ae wisa anyi Iehova, wale e ame ânyâ köbun, me ta je lakamöbun.