Isaia 1:17 - Iaai Bible 1901 (New Caledonia)

¹⁷ nâ thö he ka ânyâ so; elâm dö hna owisa, betenge ge at adre ovecâ, owisa at ae ba kamen, ivino thö hobi kau safac.

Isaia 1:17 ပူးပေါင်းရင်းမြစ်များ

Salamo 34:14

Hota ju hulo, ke mâdrâ so; Elâm hnahic, ke hnu hoton.

Esodo 22:21

U me ca he ka okongoâ atkanyua, me ovecâ: anyin a öbun je atkanyua hnyi hnyei Aigupito.

Ta je Vejec 15:25

Ame he Iehova ka oc degecâ uma umen at ae bi gan: Ke e ame he ka otethmâ hnyigöulen safac.

Ta je Vejec 21:3

He ka ânyâ ûnyi ae ûcû me owisa, Me wale ûnyi ae so kö Iehova hon hut.

Ta je Vejec 31:9

Fuc dö, owisa wia ju, Ivinoâ thö hobi kâu at ae vec me theduoc.

Isaia 1:23

Tavat ûkhin fuc je tuhâm, ke lahanen tavat venöu; ödra hia thithö adre me hnyok ta je bwihlany, ka hnu hoton je hwaban: adre me ca owisa hobi kâu at a mokcu kamen, ke adre me ca oâ kodra hna ivino hobi kâu safac.

Isaia 10:2

he ka wia at ae theduoc hnyi hna owisa, me ohia wisa ûnyi ge lakeik adre me vec, mʼ adre me söh ta je safac, me hûgûnâ ta je ûnyi anyin tavat ae ba kamödra!

Isaia 56:1

WALANG hna ha hnö Iehova, ka habe, Vheno thö ûnyi ae ûcû, ke ânyâ thö ûnyi ae wisa: anyin ae hakekeny jut he ka o anyik ûhomeli, me he ka omanenâ anyik wisa.

Isaia 58:6

Hawa, ca walang bi ca han oge me wek? a gʼ adre me he ka hna baûâ at adre me ca monoâ, ke thang je toiny ûnyi hnân ûhûkâlâköuâ, ke hna baûâ tavat adre me oveci ödra, ke, thamuâ je hna ûhûkâlâköuâ hia thithö.

Jeremia 21:12

Lap anyi Davita lö, walang hna ha hnö Iehova, ka habe, Ânyâ thö ûnyi ae wisa hnyi hnyomakatu, ke omelo thö at adre söh ûnyi hnyi hnyamen at ûöveci, wâ e nye gâ but anyik hmonyin helâ me meic ame ubâhlâ, ke ba at ama ume, can ûkongon anyibun ta je huliwa.

Jeremia 22:3

Walang hna ha hnö Iehova, ka habe, Anyâ thö wisa me ûnyi ae ûcû, ke omelo thö at adre söh ûnyi hnyi hnyamen at ûöveci: ca he ka ânyâ monu, me ûokonguny ka atkanyua, me nakahme, me safac, ke ca hingâlâ dra ae ba hnyikongon hnyi dok ang.

Jeremia 35:15

Ke oge biâ but minya kunâ köbun je athnyabaik hia a je perofeta, me vesâkong me ûkhûnöng me ha, ka habe, Ve hmetu ju öbun walang ang ûnyi hnyi debun je gethen ae kong, me ânyâwia thö je hwakecibun, ke ca hnu hoton ke je khong he ka bi athnyabaidrin, me öbun e he ka laba hnyi hnyei waleji oge ham köbun me lakamöbun: ke so bi, öbun e ca tevehlöng me ling nya.

Ezekiela 18:31

Degec ut gabun anyibun ta je hulo hia waleji öbun e ânyâ; ke ânyâ thö hobi köbun hnyok a teb ûnyi me hanu a teb ûnyi: ke anyin a ieû öbun e he ka mok lap anyi Isaraela?

Ezekiela 22:7

Ödrin e ca hia but oûnyihnathoâ je kamen me hinyen unyâm; ödrin e hia but seda atkanyua hnyi wanbâm: ödrin e hia but okongoâ at a mokcu kamen, me je safac unyâm.

Ezekiela 45:9

Walang hna ha hnen Than Iehova, ka habe, Je than Isaraela lö, soju; degec ut öbun ûokonguny, ke sei, me anyâ thö ûnyi ae ûcû me ûnyi ae wisa; ohia ju hnobun hna musi hwege hon lakeik, haingen Than Iehova.

Daniela 4:27

Anyin a wale, than lö, e na so ju köu bok hofuc, ke soju monu gam, me ânyâ wisa, ke soju hwakecâm ae kong, ke betenge ju ge tavat ae theduoc; mʼ adre me ne he ka obeûâ hnâm hnahic.

Mika 6:8

At lö, e ame hia but omanenâ köu ûnyi ae so ke ie ke ûnyi ame we Iehova gam, ke so bi he ka ânyâ wisa, me hnyokâ ibetengiö, me tha he me Khongom ke hnyok ae hnyikânâ?

Zefania 2:3

Elöm Iehova thʼ öbun hia tavat ae ilemuk hnyi hnyei, tavat adre ânyâ hnen hna owisa; elâm dö hwakecin ae wisa, elâm dö menyik: adre me ne he ka ikhölʼ öbun hnyi bonginy hmonyin anyi Iehova.

Zakaria 8:16

Walang ûnyi öbun e he ka ânyâ. Ûhaköuâ thö hnathu; owisa hnatho thö me hnahic hnyi je homa-göulebun:

Deuteronomi 14:29

kʼ ame he ka hnyi han unyâm at Levi, anyin ae ba hwajekhon me iny unyâm, me atkanyua, me nakahme, me safac, a tavat hnyi je hnyabam me me sekudrin; me me he Iehova Khongom ka ohnahici u hnyi ta je huliwa anyin hnyamâm u me ânyâ.

Iakobo 1:27

Walang hwakecin hmi ae kalaöt me ba hnyikongon hnyi hnyimakan Khong a Kamen, ka habe, he ka senâ je nakahme me je safac hnyi anyidra vec, me hamen he ka tuö e, me me ca hu hnyikongon hnen hmeledrany.