Isaia 1:15 - Iaai Bible 1901 (New Caledonia)

¹⁵ Ke öbun ka he ka hinöbeny, me oge me he ka ikhâlâ li emakök gabun: eke, öbun ka he ka osehia hic, me oge me ca he ka long: a unöngöt je hnyamöbun ge dra.

Isaia 1:15 ပူးပေါင်းရင်းမြစ်များ

I. Je Than 8:22

Haba Solomona ame tot cicö taben hut anyi Iehova hnyi hnyimakan ûkhacaköu hia anyin Isaraela, me hai goranyai li hnyamen:

I. Je Than 8:54

Ka um do Solomona hijöta je hic eling me sumat kö Iehova, me e ame todrö ûheny hnyi taben hut anyi Iehova, ûheny hnyi hna cibouca me hna hai li hnyamen hnyi drany ai.

Ezera 9:5

Ke hnyi ûen adre me hudo hnyi sahac, me oge me todrö ûhek hnyi anyik hmak, kʼ ame khekhe but ûkhaûik me anyik ûkot; me oge me cibouca, me hai li hnyamok kö Iehova Khonguk;

Jobu 27:20

Ame o but kâu je Öbubuny helâ me köiö; Ke höu ame venâu e hnyi hnyinghet.

Jobu 35:13

E hnathu ame ca he Khong ka long hofuc baû, Kʼ ame ca he Ataekhanahia ka oûnyihnatho e,

Salamo 134:2

Hai thö hnyamöbun ka hnyi dok ae kap, Me haisoi Iehova.

Salamo 55:1

KHONG lö, long ju ka hijik hic; Ke ca he bi ka ikhâlö u iny ka sumat.

Salamo 66:18

Oge ne ûnykûme hulo eû hnyi hnyekuk, Ame ca he Than ka ling nya:

Esodo 9:29

Ke Mose ame ha kâu, ka habe, Iny ka he ûhek ang hnyi taun oge me he ka hai li hnyamok kö Iehova; kʼ ame he ka hia hendreng, kʼ ame he ka ba hmetu we ae wahma: me me khanö u, ka habe, anyi Iehova hmeledrany.

Ta je Vejec 1:28

Me adre me he ka tenge könya, ke oge me ca he bi nya ka thu; Adre me he ka elölöm nya, kʼ adre me ca he ka o nya:

Ta je Vejec 6:17

Bi gan, me bohmen at ame thoi, Me li hnyam ame hingâlâ dra ae ba hnyikongon;

Isaia 4:4

e ka hia but Than hneû ikikiny wahluiny Ziona, me kot degecâ dren Jerusalema ûnyi hnyi wanben e hnen homenâiny owisa, me homenâiny kahwa.

Isaia 45:15

E hnathu u Khong ame ikhölö, Khongu Isaraela, at ûhomeli.

Isaia 58:4

Wâ bi, öbun e ânyâ ca han mʼ öbun e he ka iwatretra me ivino, me ûkhulup ge hnyam adre vhec a hulo: kʼ öbun e ca ânyâ ca han hnyi bong ang mʼ adre me long ethö ifucibun.

Isaia 58:7

Hawa, ca e bi minya, he ka khenâ âm je jeû ka at ae mekihnânem, ke u me he ka hom tavat ae theduoc adre me obâ but ka hnyi hnyabam? ke u ka wâ at ame he thu mʼ u me he ka okhavâ e; ke u me ca he bi ka lubaduöng ge je liamekeiny möu.

Isaia 64:7

Ke ba at ame hawâ iâm, me ka bwebwelâ e bi me me he ka kot u: anyin a u je hia but ikhâlâ hnyimâkâm gahmun, ke u je oauʼ öhmun hnen je hwakecin ae monu öhmun e ânyâ.

Isaia 8:17

Ke oge me he ka halubahing Iehova, at ame ikhâlâ hnyimakan ge lap anyi Jekob, ke oge me he ka elâm e.

Jeremia 11:11

Anyin a wale walang hna ha hnö Iehova, ka habe, Wâ bi, oge me he ka oâ kodra ûnyi ae kong ae ca khanʼ ödra bi he ka kec gan; ke adre me he ka tenge könya, ke oge me ca he ka ling ödra.

Jeremia 14:12

Ödra ka he ka ânyâ ca han, oge me ca he ka löng ûtengiödra; ke ödra ka ha ke hudo je hudiny leû me bwihlany, me oge me ca he ka kop ödra: ke oge me he ka ohiʼ ödra ge hele vat, me hmiâ, me mok ae cap.

Jeremia 4:31

Anyin oge hia but long hwatenge helâ me momo ame vec hnyekon, helâ me vec anyin momo ame o nokon a bân, ûtengien hluiny Ziona, at ame momokhon, me inâ but li hnyamen, haingen, ka habe, Ekölö gak walang ang! anyin ae sënyin dut hnyekuk hnyi hnyimakan tavat ûhlingö.

Ezekiela 11:6

Öbun e hia but osehia je hanibun hnyi taun ang, kʼ öbun e hia but öunöngötö je getheniny ge je hanibun.

Ezekiela 14:3

Nokon at lö, haba tavat ang me adre hia but odilâ anyidrin je idola ka hnyi je hnyekudra, me ip hnyi hnyimakodra anyidra hulo, at ame othöâ: hawa, e ûcû bi ödra he ka hnei nya?

Ezekiela 39:23

Me ame he ka manen ka ta je hnyei a gʼ adre hwenbâ lap anyi Isaraela can anyidra hulo; can adre me ânyâ hwakecin ae kong könya, me oge me ikhâlâ hnyimakök gadra: me oge me hnʼ ödra ka hnyi hnyamen je iwahnaihmiony mödra, mʼ adre me ta hia but ge hele vat.

Hosea 5:6

Adre me he ka he me elom Iehova me haledra je hnahat mamoe me kau; ke adre me ca he bi ka wâ e: e ame ka he me digic ödra.

Mika 3:4

Me adre me he ka tenge kö Iehova, ke e ame ca he ka thu kodra; eke, e ame he ka ikhâlâ hnyimakan gadra hnyi ûen eling, hoton ûkonginy anyidra ta je huliwa.

Zakaria 7:13

Ke e ame hongot, kʼ adre me ca long bi; helâe, adre me he ka hongot ke oge me ca he bi nya ka long, haingö Iehova tuhan sabaoth;

Mataio 23:13

Ekölö gabun hnyat sihnalimen me ta je Faresaio, hnyat thoi hnyok! anyin Öbun e hlöng dokhon drany ka at: anyin öbun e ca didro ka hnyin, ke öbun e thawâ minya tavat adre me labö didro.

Mataio 6:7

Ke öbun ka he ka hic ca labö ha thiju ke hofuc a khaca, helâ me hna ânyâ hnen Aten ke je hnyei: anyin adre me ûnykûme a gʼ adre me he ka ling ödra ûnyi ge hnödra hna osehia ha.

Ioane 9:31

E khanʼ ota but, a gʼ ame ca he Khong ka long tavat ae monu: ke a ne ke at ame outen Khong me mâdrâ weny, me e ame he bi ka long kâu.

I. Timoteo 2:8

Anyin a wale inya oge me wek e me he obaga ka hic hnyi ta je dok hia, me ogöranyâ je hnyam ae ba hnyikongon, me ca û, me ca iwatretra.