Isaia 1:13 - Iaai Bible 1901 (New Caledonia)

¹³ Ca hom hmetu bi je hut ae ûnyi baû; ke ikiki könya je uto ae bo so; ke haba je tehi ae manen, me je sabath, me hna hawâ je ûkhacaköu, E ca khanö nya he ka hota hulo me ûkhacaköu ae ûnyi hnathu.

Isaia 1:13 ပူးပေါင်းရင်းမြစ်များ

II. Je Than 4:23

Me haingen, ka habe, Anyin a ieû u me he kâu hnyi bong ang? ke ca teb ûnyi tehi me sabath ang. Me haingen momo, ka habe, ame he ka so.

I. Man Ûlabainy Je Than. 23:31

me he ka hudo kö Iehova ta je hut hia, hnyi je sabath, me je tehi ae teb ûnyi, me hnyi je bijeû adre thu, hoton ûseiny helâe thibut hna owisa gadrin hnyi hnyimakö Iehova bala:

Salamo 78:40

Ke ti se hia hnödra hna ûkhin fuc mâu hnyi hnyebuba, Me ojâtâ hnyekon hnyi hnyot!

Esodo 12:16

Ke haba hnyi bong a bân ame he ka hu unyibun ûkhaeaköu ae kap, ke hnyi bong a seveniny minya ame he ka hu ûkhaeaköu ae kap unyibun; e ba huliwa adre me he ka ânyâ hnyi je bong eling, ke so thibi jeû an at, wale thibi ûnyi öbun e he ka ânyâ.

Ta je Vejec 21:27

Ûnyi ae ikiki hut anyin at ae kong: Ke beönua monuiny, e ka hom e me ûnykûmenen ae kong.

Ta je Vejec 7:14

E bi unyik je hudiny ole; Oge hia but thamuâ anyik ta je khöbi hnyi bong ang.

Isaia 66:23

Ke hwân hnyi ke imaneniny tehi, ke ne o but hnyi ke imaneniny ke tehi, ke hwân hnyi ke sabath, ke ne o but hnyi ke sabath, ame he ka o tavat hia he ka khudrung hnyi hnyimakök, haingö Iehova.

Isaia 66:3

Haba at ame hlingâ bolok, me ame helâ me at ame hlingâ at; haba at ame hudo nokon mamoe, me ame helâ me at ame thu nyin kuli; haba at ame hudo bwihlany, me ame helâ me at ame hudo dren buaka; haba at ame leû libanu, me ame helâ me at ame hahnahicâ hnatheat: eke, adre hia but ûca dedra bi je gethen, ke ame senyin je hanudrin hnyi anyidra bi ta je ûnyi ae ikiki.

Je tenge anyi Jeremi 2:6

Ke e ame hia but hûgûnâ hwegiâ umen uma menâ, helâke uma menâ bi hnyi ta hnyei; E ame hia but ohia dok adre me ûkhacaköu hnyin: Haba Iehova ame ohnyingâ hnyi Ziona ûkhacaköu ae ûnyi hnathu, me sabath, Kʼ ame hûkotiâ than me at bihut hnyi anyin hmonyin ae gan.

Ezekiela 20:39

Ke haba öbun, lap anyi Isaraela lö, walang hna ha hnen Than Iehova, ka habe, Ve he thʼ öbun ka bi hluiny anyibun je idola, ke hwaban e öbun e ne ca ling nya; ke so bi, öbun e ca he hmetu bi ka okongoâ iök ae kap ge anyibun ta je bwihlany me anyibun je idola.

Hosea 2:11

Ke oge me he ka bi obiny anyin senyin hia, je bijeû, me je tehi a tebûnyi, me je sabath, me anyin je ûkhacaköu hia adre thu.

Joela 1:14

Thu bongon ju he ka ca han, hawâ thö ûkhacaköu ae ûnyi hnathu; ûkhacaköu â thö wahingat me aten hnyei hia ka hnyi uma umo Iehova Khongubun, ke tenge thʼ öbun kö Iehova.

Joela 2:15

Tûâ thö trutru hnyi Ziona, thu bongon ju ânyâ ca han, hawâ ûkhacaköuâ thö ae ûnyi hnathu:

Levitiko 26:31

Ke oge me be ka obâ aten anyibun je taun, me ohia je dok a kabibun, ke oge me ca he ka hnulâ bunen anyibun je ûnyi ae bo so.

Malaki 1:10

Nakainy ame ne hu ke at unyibun he ka hlöng je hwanuma, mʼ öbun e ca he ka vâc baûâ meic hon anyik taben hut! Haingö Iehova tuhan sabaoth, ka habe, Oge me ca senyin köbun, ke oge me ca he ka kap hnobun hna hudo.

Numera 10:2

U me he ka tibet li trutru sileva; u me be ka huliwan ge hama: ke wale li ûnyi hnân hawâ ûkhacaköu, me hnân he je bunyen.

Mataio 15:9

E ûnyi baû hnödra hna khudrung könya Kʼ adre me nâ bi ta je hna ûne a hûna hnen at.

Luka 11:42

Ekölö gabun ta je Faresaio! anyin a öbun e ham je ke keihen a libenyitainy minet, me ru, me ta je ûö ae ometu, ke öbun e hna biju hna owisa, ke hnyok ka Khong: e ûcû öbun e ânyâ ta je ûnyi eling, ke ca hna but ta je ûnyi ang.

I. Korinito 11:17

Ke oge me ca haisoi öbun hnyi ûnyi eang oge me he ka hûna, a öbun e ca ûkhacaköu hobi kâu so, ke hobi kâu bi monu.

Efeso 4:30

Ke ca he öbun ka ovecâ Hanon Khong ae Kap, wale at a bi hatöbun ke ne o but hnyi bonginy ûhomeli.

Filipi 1:15

Ke haba keihen me adre me khetâ Keriso ûnyi hnyi ihunyi nköu me iwatretra; ke haba keihen, me ûnyi hnyi hnyok ae so: