Isaia 1:11 - Iaai Bible 1901 (New Caledonia)

¹¹ Haingö Iehova, ka habe, Hnân eû könya anyibun ta je hut ae se hia? oge unöngötö ge je hudiny leû a je mamoe baga, me pipikhenyainy je meno adre hat; ke oge me ca senyin ge dren ta je bolok, me lakon mamoe, me je got baga.

Isaia 1:11 ပူးပေါင်းရင်းမြစ်များ

Salamo 40:6

E ca wem hut adre me hlingâ me bwihlany; U je koû li hnyikönyök: U je ca hawâ hudiny leû me hudiny hulo.

Salamo 50:8

Oge me ca he ka nö u ge hnâm hna hi hut; Ke e bala bi hnyi hnyimakök ânyâm ta je hut adre le.

Salamo 51:16

Anyin ae ca wem hut; me inye he ka ham e: E ca senem köu je hudiny leû.

Ta je Vejec 15:8

Hmiö Iehova hut anyin tavat ae kong; Ke e ame senyin ge hic hijin at ae wisa.

Ta je Vejec 21:27

Ûnyi ae ikiki hut anyin at ae kong: Ke beönua monuiny, e ka hom e me ûnykûmenen ae kong.

Ta je Vejec 21:3

He ka ânyâ ûnyi ae ûcû me owisa, Me wale ûnyi ae so kö Iehova hon hut.

Isaia 58:2

Ke adre me elom nya hnyi je bong, kʼ adre me senyin he ka khanʼ ödra dek je gethen: helâ me hnyei ame ânyâ wisa, me ca hna degecâ je hna otilâ hnen Khongudrin, helâe adre me hnei nya ge hna owisa ae ûcû, adre me senyin he ka hakekeny ka Khong.

Isaia 66:3

Haba at ame hlingâ bolok, me ame helâ me at ame hlingâ at; haba at ame hudo nokon mamoe, me ame helâ me at ame thu nyin kuli; haba at ame hudo bwihlany, me ame helâ me at ame hudo dren buaka; haba at ame leû libanu, me ame helâ me at ame hahnahicâ hnatheat: eke, adre hia but ûca dedra bi je gethen, ke ame senyin je hanudrin hnyi anyidra bi ta je ûnyi ae ikiki.

Jeremia 6:20

Hnân eû könya libanu adre me oâ ûheny Sheba, me ûö ae hnebwia ûnyi hnyi hnyei ae sâkâu? oge me ca kap soâ je hudiny anyibun leû, ke oge me ca senyinâ anyibun ta je hut.

Jeremia 7:21

Walang hna ha hnö Iehova tuhan sabaoth Khongu Isaraela, ka habe, Tha hom dʼöbun je hudiny leû me anyibun ta je hut, ke an dʼ öbun ta je utiö.

Hosea 6:6

Anyin ae wek ibetengiö, ke ca but bi; ke beonuâ he ka wâhmakhmetoâ Khong hon je hudiny leû.

Hosea 8:13

Ke haba je bwihlany adre me hudo könya, adre me hudo utiö me an e; ke ame ca he Iehova ka kop ödra: e ame he walang ang ka ûnykûme anyidra hulo, me bi hwaban hwakecidra ae kong; adre me he ka hmetu Aigupito ai.

Amosa 4:5

me hudo thö hudiny ole adre me levenâ, me thu bongon je hut ae betenge me haimemenâ: anyin a wale webun, lakon Isaraela, haingen Than Iehova.

Amosa 5:21

Iny höcö me hûkotiâ anyibun je bong bijeû, ke oge me ca he ka senyin hnyi anyibun je ûkhacaköu ae ûnyi hnathu.

Amosa 5:22

Eke, öbun e ne hudo könya anyibun je hudiny leû me hudiny han, me oge me ca he bi nya ka kap: ke oge me ca he ka wâ anyibun je hudiny ûsoköu a halebun je meno ae pipikhenya.

Mika 6:7

Hawa, ame he Iehova ka senyin ge je thauzan mamoe baga, ke je ten thauzan wagewe wakaco? hawa, oge me he ka ham nokuk a bân, me hwaban hnok hna hanyâûâ, a wan unyik, me hwaban hulöiny hanuk bi?

Hagai 2:14

Haba Hagai ame thu me ha, ka habe, Helâe tavat ang, ke helâe hnyei ang hnyi hnyimakök haingö Iehova; ke helâe ta je huliwa hia anyin je hnyamödra; ke haba ûnyi adre me hudo eling me e bo kong ut.

Zakaria 7:5

Ha thö ka aten hia hnyei, me ka tavat bihut, ka habe, Haba hnyi je ûen öbun e ânyâ ca han me tenge thungaû hnyi tehi a faiviny me tehi a seveniny, hnyi je huna a sevente, hawa, öbun e ânyâ ca han könya?

Malaki 1:10

Nakainy ame ne hu ke at unyibun he ka hlöng je hwanuma, mʼ öbun e ca he ka vâc baûâ meic hon anyik taben hut! Haingö Iehova tuhan sabaoth, ka habe, Oge me ca senyin köbun, ke oge me ca he ka kap hnobun hna hudo.

Numera 7:45

ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû;

Mataio 22:4

Me e ame kunâ hmetu ke je lathnyaba me ha, ka habe, Ha thö ka tavat adre hia but hawâ, ka habe, Wâ bi, oge hia but penapena anyik bijeû: kʼ adre hia but hlingâ halek je bolok ke halek je meno ae pipikhenya, kʼ adre hia but penapena ta je ûnyi hia: ai öbun ka hnyi bijeûiny faipoipo.

Mataio 9:13

Ke he thʼ öbun ka nâ bongon ang, ka habe, Wek a ibetengiö, ke ca hut bi: anyin oge me ca o he ka hawâ tavat ae wisa ke so bi tavat ae kong.

I. Samuela 15:22

Haba Samuela ame ha, ka habe, Hawa, e hu senyin kö Iehova ge je hudiny leû me je hut, helâ me hna löng hoton hofuc ho Iehova? Wâ bi, e beönua hna löng hon hut, me beönua, hna hnu hoton, hon pipikhenyainy je mamoe baga.