Isaia 1:10 - Iaai Bible 1901 (New Caledonia)

¹⁰ Öbun je taben hnyi Sodoma lö, long ju hofuc ho Iehova; at Gomora lö, tevehlong ju ka hnanyibu anyin Khonguta.

Isaia 1:10 ပူးပေါင်းရင်းမြစ်များ

Genese 13:13

Ke e kong at Sodoma, ke beönua anyidra monu hnyi hnyimakö Iehova.

Isaia 28:14

Anyin a wale long ju hofuc ho Iehova, öbun tavat hlumö at, tavat öbun e muso tavat eang a e hnyi Jerusalema:

Isaia 3:9

Ame omanenʼ ödra hnen ta je hnyimakodra; ke adre me omanenâ anyidra hulo helâ me Sodoma, adre ca ikhâlâ bi. Ekölö ge hanudrin! anyin adre me hia but bi hwaban hulo kodra bi.

Isaia 30:9

Anyin a ödra tavat ûkhin fuc, tavat thoi, tavat höcö long hnanyibu anyi Iehova:

Isaia 33:22

Anyin a Iehova at ame owisʼ öta, Iehova at ame ha anyita ge hnanyibu, Iehova tuhöta; e ame he ka omeli öta.

Isaia 8:20

Kec do ka hnyi hnanyibu me hna ohnatho! adre me ne ca fuc hoton hwan hofuc eling me ame he ka ba hnyomakatu hobi kodra.

Jeremia 23:14

Ke oge hia but wâ ûnyi ae ikiki unyin je perofeta hnyi Jerusalema; adre me bi ûnyi monu me vheno thoi, ke adre me ohwegiâ je hnyamen tavat ae kong, me me ca ve ödra hmetu hnyi anyidra hulo: ödra hia thithö adre me helâ me at Sodoma könya, ke haba tavat adre me labā e, ödra helâ me Gomora.

Jeremia 9:26

at Aigupito, me Juda, me Edoma, me je laku Amona, me Moaba, me tavat hia adre me giâ ke keihen leûnödra, tavat adre me laba hnyi hnyebuba: anyin adre ca peritomonâ je hnyei hia, ke adre ca peritomonâ lap anyi Isaraela hia eû hnyi je hnyekudra.

Ezekiela 13:2

Nokon at lö, perofeta thö ûcon ta je perofetainy Isaraela a tavat adre me perofeta, ke ha kodra tavat adre me perofeta ûnyi eû hnyi je hnyekudra bi, ka habe, Long ju öbun hofuc ho Iehova;

Ezekiela 16:35

Anyin a wale, momo hnyi gethen lö, long je hofuc ho Iehova:

Ezekiela 16:46

Ke haba tuhâm Samaria, e me je lakon adre me laba hnyi ke keihen a men: ke haba kem a wakeiat at ame laba hnyi ke keihen a metâm, jia Sodoma me lakon wahlu.

Ezekiela 16:49

Wâ bi, walang hulo anyi Sodoma a liamekeiny möu; haba eû hnyin e me lakon wahlu, bi gan, me gan hmâ jeû, me laba monu me sot; ke e ame ca hadruâ je hna ovecâ me tavat theduoc.

Amosa 3:1

JE lakon Isaraela lö, long ju hofuc ang wale a ha Iehova ûcûbun, ûcon lap hia oge hom ûheny hnyi hnyei Aigupito, ame ha, ka habe,

Amosa 3:8

A um dö kuku liona, ie at ame ca be ka outen? a hia but Iehova fuc, ie at ame ca he bi ka perofeta?

Amosa 9:7

Lakon Isaraela lö, hawa öbun ûcû me at Aithiop könya? haingo Iehova. Hawa, oge me ca su at Isaraela ûhedra hnyi hnyei Aigupito, ke at Filisti ûhedra hnyi Kafetori, ke at Suria ûhedra hnyi Kira?

Mika 3:1

KE haingök, ka habe, Öbun na long ju, je at hnathu anyi Jekob, me tavat owisa ka lap anyi Isaraela: hawa, ca hamöbun he ka khanʼ öbun hna owisa?

Roma 9:29

Helâ me hna ha ehac ga Isaia, ka habe, A ne ca hna but ke kolon gata hnen Than tuhan sabaoth, Me ate me ne he ka helâ me Sodoma, me wiʼ öta e me ûcû me Gomora.

Deuteronomi 32:32

Anyin a haba anyidra vine, me ûnyi hnyi vineiny Sodoma, Me ûnyi hnyi ta hnyeiny Gomora: Wan vine anyin ûö hnân mekiny je wan anyidra vine, Ke hiny anyidra je thi vine.

Hna Omanenâ 11:8

Ke haba li unyidru ame mokut hnyi getheniny taun ae gan, haba ien hoton hanu, me Sodoma, me Aigupito, waleji adre osatauroâ hnyin Tuhödru.