Ioane 9:7 - Iaai Bible 1901 (New Caledonia)

⁷ me ha kâu, ka habe, He thö ka hneû hnyi an Siloama (walang bongon, Hna ûkhûnöng). Me e ame he but me hneû, me e ame o hmetu but a ga bwela but.

Ioane 9:7 ပူးပေါင်းရင်းမြစ်များ

Nehemia 3:15

Ke haba Saluma nöku Kole-hoz, at ame muso ke keihen hnyei a Mizepa, e ame op homagouleny köiö ame pupua; e ame op e, me tube, me otilâ hlinginy hwanumen, me je lâkiny, me je ohmâiny, me hak vetoiny an Siloa hnyi utkânâ iny than, ke ne o but wacûat gethen ka hnyi taun anyi Davita.

Salamo 146:8

Iehova ame obwela ta je wadröu; Iehova ame otilâ wisa tavat adre me iyâû: Iehova ame betenge ka tavat ae wisa;

Esodo 4:11

Ke haba Iehova ame ha kâu, ka habe, Ia op hnyimen at? ke ia op hum, me wijiji, me bwela, me wadröu? hawa ca inya bi Iehova?

Isaia 32:3

Ke ame ca he ka hadedak li emakan tavat adre me bwela, kʼ ame he ka tevehlöng li hnyikonyen tavat adre me long.

Isaia 35:5

Me ame he ka obwela je emakan tavat a ödra wadröu, me khong je hnyikonyen tavat ae wejiji.

Isaia 42:7

he ka obwela je ecmak ae wadröu, he ka hom but at adre me ca ûnyi hnyi uma ceat, ke tavat adre me laba hnyi menekholom ûnyi hnyi dok adre cö ʼdra hnyin.

Isaia 43:8

Hö jem tavat ae wadröu ke hu ecmak, ke tavat ae wejiji ke hu hnyiköny.

Isaia 8:6

Anyin a hnen tavat hna höciâ je köiöiny Siloa, ame omi di, me senyin bi kö Rezina me nöku Remalia;

Mataio 11:5

a bwele but ta je wadröu ame he thö ta je mat, a khabalaû but ta je lepera, ame long dö ta je wejiji, a möt hmetu thö tavat adre mokcu, ke adre me khetâ ûthumetu ae so ka ta je theduoc.

Luka 13:4

Ke hnyat minya a eitin ame kolu takû ödrin tap adre op hnyi Siloam, mʼ adre me mokcu, öbun e ûnykûme la, ae beönua anyidrin monu hon tavat hia adre me laba hnyi Jerusalema?

Luka 2:32

Wale melam hnân omelamâ Aten ta je hnyei, Ke hnân hmanenanginy lakem a Isaraela.

Ioane 10:36

öbun e ha gan, wale hnen Kamen hna okabâ, me kunâ ka hnyi hmeledrany, ka habe, U me bi gan; anyin oge me ha, ka habe, Inya ang Nokon Khong?

Ioane 11:37

Ke haingen keihen, ka habe, Hawa e ca khana at e, wale at a obwela li emakan at ae wadröu he ka thawâ me me ca he ka mok bi at ang?

Ioane 9:11

E ame thu, ka habe, Hnen at adre hwenyi ien Iesu hna mâdrâ kânâ, me kina hnyi li emakök, me ha könya, ka habe, He thö Siloama ai ha hneû: me oge me he but me hneû, me oge me bwela but.

Ioane 9:39

Haingö Iesu, ka habe, Oge o but eang hmeledrany he ka owisa, me me bwela but tavat adre me ca hnyi bwela; me me ca bwela bi tavat adre me bwela.

Ta je huliwa 26:18

me u me he ka obwela ta je emaködra mʼ adre me hwio ûnyi hnyi lit ka hnyi melam, me ûnyi hnyi musi anyi Satana ka Khong, mʼ adre me be ka hna degecâ but anyidra hulo, me tha hu jekhoû mödra adre okabâ hnen labageju könya.

Roma 8:3

Anyin a haba ûnyi ae pason ka hnanyibu, can ae sënyin ûnyi ge unyin, me haba Khong ame kunâ hing Nokon, helâ unyin ae kong, ke hnân hudiny hulo, me me ohnaûhangoâ hulo ûnyi hnyi unyin:

Galatia 4:4

ke ame o but ûen adre thu, me haba Khong ame kunâ Nokon, adre hnokoâ hnen momo, a hnokoâ hmelen hnanyibu,