Ioane 9:4 - Iaai Bible 1901 (New Caledonia)

⁴ E ûcû köta he ka mâdrâ ta je huliwa anyin at a kunö nya e me tiga lany: ame he jem lit ke ca khana hmetu ke at he ka ânyâ ke huliwa.

Ioane 9:4 ပူးပေါင်းရင်းမြစ်များ

At Khet 9:10

Haba hna wâ hnen li hnyamâm he ka ânyâ, ânyâ thö hnen hwegiâm; anyin ae ba huliwa, me ûnykûme, me wâhmakhmeto, me metâ, hnyi erkemok, u me he ka hnyin.

Mataio 20:7

Haingödra kâu, ka habe, Anyin ae ba at ame hawʼ ohmun. Ke e ame ha kodra, ka habe, He thʼ öbun minya ka hnyi hna belökâ vine.

Mareko 3:3

Ke e ame ha ka at ae meleca hnyamen, ka habe, Todrö hnyi wanben.

Ioane 10:32

Ke Iesu ame thu ködra, ka habe, E se hia ta je huliwa ae so oge hia but omanenâ köbun ûnyi ge Kamök; can ie huliwa öbun e lûö nya gan?

Ioane 10:37

Oge ne ca mâdrâ ta je huliwa anyi Cica, ca köp nya öbun.

Ioane 12:35

Haba Iesu ame ha kodra, ka habe, E okhulit biju melam unyibun. He thö e me tiga e unyibun melam, wâ e nye o but köbun lit: haba at ame he hnyi lit, me ca khana dok e ame he ka hnyin.

Ioane 17:4

Oge me oganö u eang hmeledrany, ke oge hia but umo huliwa u je kunö nya he ka ânyâ.

Ioane 4:34

Haingö Iesu ködrin, ka habe, Walang ok, a oge me he ka mâdrâ weny at a kunö nya, me umo anyik huliwa.

Ioane 5:19

Haba Iesu ame thu me ha kodra, ka habe, E hnathu, e hnathu inya oge me ha köbun, ka habe, E ca khana Nokon he ka ânyâ huliwa a ka ûnyi gan, ke so bi e ame wâ hna mâdrâ hnen Kamen: anyin a haba ta je ûnyi e ame ânyâ, me ame ânyâ minya bi Nokon.

Ioane 5:36

Ke hu but gak hnân ohnatho ae beönua hu Ioane: anyin a haba ta je huliwa a ham könya Kamen he ka ânyâ, me wale ta je huliwa oge me ânyâ hnân ohnathu nya a ga kunö nya Kamen.

Ioane 7:33

Haba Iesu ame ha, ka habe, E ca beû biju ûök a ûlabaik eang unyibun, ke oge me he ka he but ka at a kunö nya.

Ta je huliwa 4:20

anyin ae ca khanʼ ohmu he ka ca ha ta je ûnyi ohmu me wâ me long.

Galatia 6:10

Anyin a wale, e ka hu ûen köta, e so ate me he ka mâdrâ huliwa ae so ka tavat hia thithö, ke ti ânyâ bi ka tavat a ödra hnyi lap anyin tavat labageju.

Efeso 5:16

ke oûnyihnathoâ ta je ûen, anyin ae kong ta je bong.

Kolose 4:5

E so öbun e he hnyi metâ unyidra eû hnyou, me oûnyihnathoâ ta je ûen,