Ioane 9:29 - Iaai Bible 1901 (New Caledonia)

²⁹ E khanʼ ohmun a Khong ame fuc kö Mose, ke haba at e, me ca khanʼ ohmun e at ua.

Ioane 9:29 ပူးပေါင်းရင်းမြစ်များ

I. Je Than 22:27

me ha, ka habe, Walang hna ha hnen than, ka habe, Ip dö at ang hnyi uma ceat, me han ge aretoiny vec me köien vec, ke ne o but oge me o me hnahic.

II. Je Than 9:11

Ke haba Jehu ame he ka lathnyabainy tuhan: ke haingen ke at kâu, ka habe, Hawa, e so? anyin a ieû ame o köu at e ae monu? Me haingen ködrin, ka habe, E khanʼ öbun dut at, me hwan hofuc.

Salamo 103:7

E ame omanenâ deny ta je gethen kö Mose, Me anyin ta je huliwa ka lakon Isaraela.

Salamo 105:26

E ame kunö Mose a athnyabainy, Me Arona wale hnen hna ûca.

Salamo 106:16

Ke adre me ciâ ga Mose hnyi hna hunuma, Me Arona at ae kap anyi Jehova.

Salamo 22:6

Iny biget thibi, ke ea at bi; Wale hna haikongoâ hnen tavat, ke hna hmiân hnen tavat.

Malaki 4:4

Ûnykûme thʼ öbun hnanyibu anyi Mose athnyabaik, waleji oge me hûna kâu hnyi Horeba hobi kâu at Isaraela hia, wale je hna otilâ, me hna owisa.

Numera 16:28

Ke Mose ame ha, ka habe, Walang haten mʼ öbun e he ka wâhmakhmeto a gʼ ame kunö nya Iehova he ka ânyâ ta je huliwa hia eang; anyin a ca ûnyi gak.

Mataio 12:24

Haba at Faresaio adre me long me adre me ha, ka habe, At ang ame ca obâ ta je demoni ke so bi ûnyi ga Belezebuba a tuhan ta je demoni.

Mataio 26:61

me ha, ka habe, Haingen at ang, ka habe, E khanö nya he ka kia uma umen Khong me otilâ hmetu hnyi kun ta bong.

Luka 23:2

Ke adre me hwân he ka bi fuco e, ka habe, Ohmun e wâ but at ang ame omono ita hnyei, kʼ ame thawâ he ka fat kö Kaisara, kʼ ame ha, a e thibi Keriso a ke than bi.

Ioane 1:17

Anyin adre ham hnanyibu a deny Mose; ke ibetengiö bâu me hnathu a deny Iesu Keriso.

Ioane 7:27

Ke haba at ang, me khanʼ ota dok a mwi hnyin: ke e ka o but Keriso, e ba at ame he ka wâhmakhmetoâ dok a mwi hnyin.

Ioane 7:28

Me haba Iesu ame fuc hwege hnyi hnyin uma kap me nö ʼdra me ha, ka habe, E khanʼ öbun dut inya, ke khanʼ öbun minya but dok oge mwi hnyin; oge ca o ka ûnyi gak, ke e hnathu e at a kunö nya, wale at ae ca khanʼ öbun.

Ioane 8:14

Iesu ame thu me ha ködra, ka habe, A ne inya oge me ohnathu nya bi, e hnathu hnok hna ohnatho; anyin ae khanö nya dok oge mwi hnyin, me dok oge me he ka hnyin.

Ioane 9:16

Me ame ha keihen ta je Faresaio, ka habe, Ca ûnyi ge Khong at ang, anyin a e ame ca okabâ sabath. Ke haingen keihen, ka habe, A hawa at ae monu ka khana ka ânyâ ta je ûöman helâe? Me adre me khekhe lo but.

Ioane 9:24

Me adre me olo hawâ at ae wadröu, me ha kâu, ka habe, Ogânâ Khong, anyin a ohmun e wâ but ae monu at ang.

Ioane 9:30

Haba wadröu ame thu kodra, ka habe, Hap wale ju ang ûnyi hnân lâiâ, a öbun e ca wâ dok a mwi hnyin, ke a hia but obwela li emakök.

Ta je huliwa 22:22

Ke adre me long e ke ne o but hnyi uthofuc e: me adre me ha goranyai, ka habe, Ohia but e ûnyi eang hmeledrany; anyin ae ca so e ame he ka möt.

Ta je huliwa 26:22

Ke e hu gak ûhadruo ûnyi ge Khong, wale me inye tethmâ ke ne o but hnyi bong ang, oge me ohnathoâ ka tavat ae ûhnyûkong me tavat ae gan, ke oge me ca ha ke ûnyi ke so bi hnen je perofeta me Mose hna ha ame be ka o;

Ta je huliwa 7:35

Wale Mose at ame hmiʼ ödra me ha kâu, ka habe, Ia otilö u he ka musi me owisa? wale Khong ame kunâ hnân at musi me at ûhomeli ge hnyamen angela wale a manen kâu hnyi ong ûö.

Deuteronomi 34:10

Ke ba ke perofeta bala helâ me Mose ame o hmetu hnyi Isaraela, wale hnö Iehova hna iohnyimak mē;

Heberu 1:1

HABA Khong, at ame ha adrem ka lakamöta a deny ta je perofeta hnyi je hofuc ae ve bongon, ke je deny ae ve bongon,

Heberu 1:2

me ame ha köta hnyi je bong ang a biliny a deny Nokon, at e ame wia me atö, me me he ka hu gan ta je unyi hia thithö, kʼ ame op ta je dö hia ûnyi gan;