Ioane 9:2 - Iaai Bible 1901 (New Caledonia)

² Ke haba laten ödrin e hnö e, ka habe, Rabi, ie at a anyin hulö mʼ adre me hnokoâ wadröu eang, hawa, a ka ûnyi gan, ame ne kamen me hinyen?

Ioane 9:2 ပူးပေါင်းရင်းမြစ်များ

Esodo 20:5

u ca he ka khudrung ju ködra me bi athnyabaidra: anyin a inya Iehova Khongom, Khong ame ciâ, at ame bi hwaban monu anyin je kamen ka ta je mâtrân ke ne o but dö a kuniny me dö a vakiny adre me hûkötiö nya;

Mataio 16:14

Haingödrin, ka habe, Haingen keihen, Ioane Bapataiso; ke haingen keihen, Elia: ke haingen keihen Jeremia, ame ne ke at hnyi ta je perofeta.

Mataio 23:7

me he ka nom ködrin hnyi ta je hna ûcû, me he ka haiʼ ödrin, ka habe, Rabi.

Mataio 23:8

Ke haba öbun, ca he ka hawʼ öbun, ka habe, Kabi: anyin a khaca thibi at ûne köbun, ke öbun ka liamekeiny hia.

Luka 13:2

Ke e ame thu me ha ködrin, ka habe, Öbun e ûnykûme la, ae beönua monu anyin at Galilaia e hon at Galelaia hia, anyin ame o kodra ta je ûnyi e?

Ioane 4:31

Kʼ ödra tiga bec, me ame ûjengö e laten, ka habe, Kabi, ö u mē han dö.

Ioane 9:1

E AME he, kʼ ame wâ ke at a wadröu hwân hnyi hna knokoâ e.

Ioane 9:34

Ödra adre me thu kâu, ka habe, Adre me hnöku u hnyi hulö ae gan, ke u me he bi ka nʼ ohmun? me adre me obâ but e.

Ta je huliwa 28:4

Ke haba je wanaithila adre me wâ on ame him hnyi hnyamen, me adre me ûhaköuâ, ka habe, At ûhlingö at eang, wale a möt ut ûheny eû hnyi köiö, ke a ca hna e hnen Wisa he ka hnyi möt.