Ioane 9:16 - Iaai Bible 1901 (New Caledonia)

¹⁶ Me ame ha keihen ta je Faresaio, ka habe, Ca ûnyi ge Khong at ang, anyin a e ame ca okabâ sabath. Ke haingen keihen, ka habe, A hawa at ae monu ka khana ka ânyâ ta je ûöman helâe? Me adre me khekhe lo but.

Ioane 9:16 ပူးပေါင်းရင်းမြစ်များ

Mataio 12:10

ke wâ bi, eling ke at ae meleca hnyamen. Me ödrin e hnö e me ha, ka habe, Hawa, e kap he ka ûhomeli hnyi sabath? mʼ Ödrin e he ka bifuco e.

Mataio 12:2

Haba ta je Faresio adre me wâ, me adre me ha, ka habe, Wâ bi haba lâtâm ödrin e ânyâ ûnyi ae ca ûcû he ka ânyâ hnyi sabath.

Luka 13:14

Ke ame hmonyin at ame muso sunago, anyin a Iesu ame osoâ hnyi bong sabath, me haingen ka tavat ae se hia, ka habe, E hu siks ta bong hnân huliwa hnyin: me so Öbun e he but jem hnyi je bong eling mʼ adre me omeli öbun, ke ca hnyi bong sabath bi.

Ioane 10:19

Ke ame khekhe lo hmetu but at Juda can ta je hofuc eling.

Ioane 14:11

Labageju nya ju a inya eû hnyi hnyin Kamen, ke Kamen eû hnyi hnyik: a ne ca kap e, labageju nya ju can ta je huliwa.

Ioane 15:24

Oge ne ca mâdrâ unyidra ta je huliwa ae tiga ca mâdrâ ge at, ame ne ba anyidra monu: ke walang ang adre hia but wâ me hûkötiö Cica me inya minya.

Ioane 2:11

Wale ûöman a ânyâ Iesu a bân hnyi Kana hnyi Galilaia, me omanenâ anyin hmanenang; haba laten ödrin e labageju kâu.

Ioane 3:2

ame he kâu hnyi hnyinghet me ha kâu ka habe, Rabi, e khanʼ ohmun dut a u at ûne ame o ûnyi ge Khong: anyin ae ba at ae khana he ka ânyâ ke ûöman u je ânyâ, a ne hia unyin Khong.

Ioane 5:10

Me ame ha at Juda ka at adre omelö, ka habe, Sabath ang, e ca ûcû köu he ka vadren hna mokut.

Ioane 5:36

Ke hu but gak hnân ohnatho ae beönua hu Ioane: anyin a haba ta je huliwa a ham könya Kamen he ka ânyâ, me wale ta je huliwa oge me ânyâ hnân ohnathu nya a ga kunö nya Kamen.

Ioane 6:52

Me ame iwatretra at Juda, ka habe, Ama hawa ka khana at ang ka ham köta unyin hnân han?

Ioane 7:12

Ke gan hmâ hna ûlidro gan ge tavat ae se hia: haingen keihen, ka habe, E at ae so; haingen keihen, Ohe, e ame omono tavat ae se hia.

Ioane 7:23

Adre ne peritomonâ ke at hnyi sabath, kʼ adre me ca he ka hanyâûâ hnanyibu anyi Mose; hawa öbun e hmönyibun könya, anyin a oge me ti osoâ at hnyi sabath?

Ioane 7:43

Me ame khekhe lo but tavat gan.

Ioane 9:24

Me adre me olo hawâ at ae wadröu, me ha kâu, ka habe, Ogânâ Khong, anyin a ohmun e wâ but ae monu at ang.

Ta je huliwa 14:4

Ke ame khekhe lo but tavat ae se hia hnyi taun; ame tha hien keihen me at Juda, kʼ ame tha hien me je aposetolo keihen.