Ioane 8:6 - Iaai Bible 1901 (New Caledonia)

⁶ Adre me ha e he ka cubec e, me me hu ûnyi hnân bi fuco e. Ke Iesu ame nom but me set kânâ ge banyen.

Ioane 8:6 ပူးပေါင်းရင်းမြစ်များ

Genese 49:9

Haba Juda me nokon liona; U me he, nökuk, ûhem hnyi hanem: Kʼ ame mokut me iâû helâ me liona, Helâ me liona momo; ia ame he ka bwebwelâ e?

Salamo 39:1

HAINGÖK, Oge me he bi nya ka tuö dek je gethen, Mʼ oge me ca he ka monu ge bolimök: Oge me he ka tuö hnyimök ge ûnyi hnân ohnyibö, E ka tiga laba hnyi hnyimakök tavat ae kong.

Ta je Vejec 26:17

Haba at ame he, kʼ ame saû he ka hnyi hanen ivino anyin ke at, E ûcû me at ame kât li hnyikonyen kuli.

At Khet 3:7

ûen kia, me ûen tibet; ûen laba hnyibû, me ûen fuc;

Jeremia 17:13

Iehova gejon Isaraela lö, adre me he ka hmehma ödra hia adre me hna degeci u; ke haba tavat adre me digic nya, me adre me he ka sihnalimen hnyi kânâ, anyin adre me hna degecâ köiöiny mot ame pupua, wale a Iehova.

Daniela 5:5

Haba hnyi awa eling ame o but je banyen at, me sihnalimen cico taben lamepa hnyi hna up uma hnyi uma umen than: ke a wâ but than hanen hnyam at a sihnalimen.

Amosa 5:10

Kʼ adre me hûkotiâ at ame û thao hnyi homagoule, me ikikiâ at ame ha wisa.

Amosa 5:13

Anyin a wale, ame he at wâ wia ka laba hnyibu hnyi ûen eling; anyin a ûen e ae kong bi.

Numera 14:22

ke can anyin a olibenyita cubic nya hnen tavat hia eang adre me wâ hmanenangik me anyik je ûöman, waleji oge ânyâ hnyi Aigupito, me hnyi hnyebuba, kʼ adre ca löng hok hofuc;

Mataio 10:16

Wâ bi, inya oge me kunʼ öbun helâ me ta je mamoe hnyi wanben ta je luko: anyin a wale metâ but öbun helâ me ta je on, me menyik helâ me ta je biny.

Mataio 15:23

Ke ba hofuc e ame thu. Me ame o thö laten me sumâtâ e, ka habe, Obâ but momo; anyin a e ame hongot hotutin.

Mataio 16:1

ME ame o but ta je Faresaio me Sadukaio, me adre me cubec e me sumâtâ he ka omanenâ ke haten ûnyi hnyi drany.

Mataio 19:3

Ke ame o thö kâu ta je Faresaio he ka cubec e, haingödrin ka habe, Hawa, e ûcû ka at he ka degec âiân can ta je ûnyi hia?

Mataio 22:18

Ke haba Iesu ame wâ hwakecidrin ae kong, me e ame ba, ka habe, Hnyat thoi, ieû gabun öbun e cubic nya?

Mataio 22:35

Ke haba ke at gadrin a at ûnö hnanyibu ame hnö he ka cubec e, hai; ngen ka habe,

Mataio 26:63

Ke baba Iesu ame laba hnyibû, Me haba at bihut ae nua ame ha kâu, ka habe, Inya oge me hûna hwegiâ köu ge Khong ae möt, mʼ u me he ka ha kohmun, ka habe, U thibi Keriso a Nokon Khong, hawa?

Mareko 10:2

Ke ame o but kâu ta je Faresaio, me hnö e, ka habe, Hawa e ûcû ka at he ka degec âiân? adre me cubec e.

Mareko 12:15

Ohmun e he ka ham, ohmun e ca he ka ham, hawa? Ke e ame wâhmakhmeto anyidrin iyawö, me e ame ha ködrin, ka habe, Ieû gabun öbun e cubic nya? Hö jem denari mʼ inye wâ thö.

Mareko 3:2

Me adre me tuö e, hawa, ame ne he ka osoâ e hnyi bong sabath; mʼ adre me he ka bi fuco e.

Mareko 8:11

Ke ame o but ta je Faresaio me hwân he ka hnö e, adre me elâm gan haten ûnyi hnyi drany he ka cubec e.

Luka 10:25

Ke wâ bi ame todrö ke at ûnö hnanyibu, me cubec e, ka habe, At Ûne lö, ieû hanymök oge me he ka ânyâ e me hu the könya möt ame ca ba balua?

Luka 11:16

Ke haba keihen adre me cubec e, me elâm gan ke haten ûnyi hnyi drany.

Ioane 8:2

Ke hnyi hnyomakatu kong e ame o hmetu ka hnyi uma kap, me ame he but kâu tavat hia; ke e ame laba ju me nʼ ödra.

I. Korinito 10:9

Ke ca he minya öta ka cubec Than, helâ me keihen gadra adre me cubec, me adre me mokcu ge ta je on.