Ioane 8:58 - Iaai Bible 1901 (New Caledonia)

⁵⁸ Haingö Iesu kodra, ka habe, E hnathu, e hnathu, inya oge me ha köbun, ka habe, Iny at kâû adrem, ke tiga hiö Aberahama.

Ioane 8:58 ပူးပေါင်းရင်းမြစ်များ

Esodo 3:14

Haba Khong ame ha kö Mose, ka habe, inya ang a e, ke ka inya ang: ke e ame ka, ka habe, U ma ha helâng ka lakon Isaraela, ka habe, inya ang at a hia but kunö nya köbun.

Isaia 43:13

Eke, inya but ling ke tiga ba bong; ke ba at ae khana he ka hûgûnâ ûnyi hnyi hnyamok: inya oge me he ka huliwa, ke ie at ame he ka bi ovheliny.

Isaia 44:6

Walang hna ha hnö Iehova, Tuhö Isaraela, me at ûco anyin möt, wale Iehova tuhan sabaoth: inya ang at a bân, me a biliny; ke ba ju ke Khong ke inya thibi.

Isaia 44:8

Ca ot bi, ke ca öbubuny bi: hawa oge ca haimemenâ köu ehac, me omanenâ köu? ke öbun tavat ohnathu nya. Hawa, e hu ke Khong minya ju ke inya thibi? eke e ba ke Kic; e ca khanö nya khaca.

Isaia 46:9

Ûnykûme ju ta je ûnyi waleji a bân: anyin a inya Khong, ke ba minya ju; inya Khong, ke ba at ae ûcû mönya;

Isaia 48:12

Ling nya ju Jekob me Isaraela waleji oge ûca: inya thibi; inya ang at a bân, ke inya minya ang at a biliny.

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Mika 5:2

Ke haba u Bethe-leema Eferatha, a at ae ûhnyûkong unyin ta je thauzan hnyi Juda, me ame he ka o hobi könya ûnyi gam at musi hnyi Isaraela; at ame he ehele hwân kâû adrem, ke nyiele balua.

Ioane 10:25

Iesu ame thu kodra, ka habe, Oge hia but ha köbun, ke öbun e ca kap: haba ta je huliwa oge me ânyâ hnyi iö Cica, wale thibi e hnân ohnathu nya.

Ioane 17:24

Cica lö, haba wek, a gʼ me he ka tha ödra mönya bi hnyi hnök, tavat u je hia but ham könya; mʼ adre me be bi ka wâ anyik hmanenang, waleji u je hna könya; anyin a u je hnyok könya kâû adrem kʼ adre tiga ca bi taben hmeledrany.

Ioane 17:5

Ke walang ang, Cica lö, oganö nya thö tha inya möu ge hmanenangitu kâû adrem ke tiga hia bi hmeledrany.

Ioane 8:24

Anyin a wale, oge me ha köbun, ka habe, Öbun e he ka mekiny anyibun ta je hulö: anyin a öbun e ne ca labageju, ka habe, Inya e, me öbun e be ka mekiny anyibun ta je hulö.

Ioane 8:28

Ke haingö Iesu, ka habe, öbun ka hia but kap goranyai Nokon at, me ame he ka khanʼ öbun, ka habe, Inya e, ke oge me ca mâdrâ ke ûnyi ka ûnyi gak bi, ke haba hnen Kamök hna nö nya, me wale can oge me ha ta je hofuc ang.

Ioane 8:34

Iesu ame thu kodra, ka habe, E hnathu, e hnathu, inya oge me ha köbun, ka habe, haba at ame he ka mâdrâ monu e ame bi aten hulö.

Ioane 8:51

E hnathu, e hnathu, inya oge me ha köbun, ka habe, a ne hu at ame he ka vheno hok hofuc, me e ame ca he ka wâ mok nyiele balua.

Kolose 1:17

ke e a bân ke biliny bi ta je ûnyi hia thithö, ke ame tethmâ ta je ûnyi hia thithö ûnyi gan.

Heberu 13:8

Haba Iesu Keriso, me, ame ca wia bala, et, me hnyi bong ang, me nyiele balua.

Hna Omanenâ 1:11

Haba ta je ûnyi u je wâ, sihnalimen ju hnyi ke tusi, me kunâ ka ta je ekalesia: wale Efeso, me Semurina, me Peregamo, me Thuataira, me Saradi, me Filadelefia, me Laodikea.

Hna Omanenâ 1:8

Inya ang Alefa me Omega, haingen Than a Khong, a inya ang, ke inya kâû adrem, ke inya at ame he ka o, At ae khana hia.

Hna Omanenâ 2:8

Ke sihnalimen ju ka angela anyin ekalesia hnyi Semurina, ka habe, Walang je hofuc ame ha hnen at a bân ke a biliny, waleji a mokcu ke a möt hmetu thö.