Ioane 8:56 - Iaai Bible 1901 (New Caledonia)

⁵⁶ Ame senyin Aberahama a kamöbun he ka wâ bonguk je bong; ke e ame wâ ju me e ame senyin.

Ioane 8:56 ပူးပေါင်းရင်းမြစ်များ

Genese 22:18

ke ame he ka hnahic ûnyi ge mâtrânâm ta je hnyei hia thithö eang hmelen; anyin a u je löng hoton hok hofuc.

Mataio 13:17

Anyin ae hnathu inya oge me ha köbun, ka habe, e se hia ta je perofeta me tavat ae wisa hwakecidra adre me weny he ka wâ hnobun hna wâ, kʼ adre me ca wâ bi; me be he ka long hnobun hna long, kʼ adre me ca long bi.

Luka 10:24

anyin a inya oge me ha köbun e se hia ta je perofeta me ta je than adre me bewâ ta je ûnyi öbun e wâ, kʼ adre me ca wâ bi; me belöng ta je ûnyi öbun e long, kʼ adre me ca long bi.

Ioane 10:25

Iesu ame thu kodra, ka habe, Oge hia but ha köbun, ke öbun e ca kap: haba ta je huliwa oge me ânyâ hnyi iö Cica, wale thibi e hnân ohnathu nya.

Ioane 8:37

E khanö nya a öbun je mâtrâni Aberahama; ke öbun bi öbun e elâm he ka hlingö nya, anyin ae ba hnen hok hofuc eû hnyi je hnyekubun.

Ioane 8:39

Ödra adre me thu, ka habe, Aberahama kamöhmun. Iesu ame ba kodra, ka habe, A ne je laku Aberahama öbun, mʼ öbun e he ka mâdrâ je huliwa anyi Aberahama.

Heberu 11:13

Adre mok hia ju tavat e hnyi labageju, ke tiga ca hwâdâ je hna ha bânâ, ke adre me wâ me senyinâ ta je ûnyi e ke tiga sâkâu bi, ke adre haimemenâ, ka habe, ödra ta je atkanyaua me tavat vhevhe eang hmelen.

Heberu 11:39

Haba hnyat eling hia adre me lung so hnen anyidra labageju, ke ca hu gadra je hna ha bânâ,