Ioane 8:53 - Iaai Bible 1901 (New Caledonia)

⁵³ Hawa, u gan hon kamöhmun a Aberahama, waleji a mokcu? ke mok minya ju ta je perofeta: ke u ia bi u?

Ioane 8:53 ပူးပေါင်းရင်းမြစ်များ

Isaia 9:6

Anyin adre me hnokoâ hobi köta wanakat, kʼ adre me ham köta da; ke ame he ka e bi hon bajebenyin musi; ke adre me he ka hwenyi ien e, Hnân lâiâ, me At ame obongon, me Khong ae man, me Kamen a nyiele balua, me Thaniny ûsoköu.

Mataio 12:6

Ke inya oge me ha köbun, ka habe, Wale bi ang At ae gan hon uma kap.

Mataio 3:9

ke ca ûnykûme he ka ha eû hnyi je hnyekubun, ka habe, Aberahama kamöta: anyin oge me ha köbun e khana Khong he ka okûâ lakon kö Aberahama ûnyi hnyi je veto ang.

Ioane 10:33

Haba at Juda adre me thu kâu, ka habe, Ohmun e ca lûö u can huliwa ae so, ke can bi bi gan; ke can minya anyin a u at, ke u me wiö u bi thö me Khong.

Ioane 12:34

Haba tavat ae se hia adre me thu kâu, ka habe, Ohmun e long ut ûnyi hnyi hnanyibu a gʼ ame he ka tethmâ Keriso nyiele balua: ieû gam u me ha a ga ûcû he ka ogöranyâ Nokon at? ia Nokon at eling?

Ioane 19:7

Ame thu kâu at Juda, ka habe, E hu anyihmun hnanyibu, ke ûcû kâu he ka mok hnyi hnanyibu eling, anyin a e ame ka hâiâ e me Nokon Khong.

Ioane 4:12

Hawa, u gan hu Jekob hanen lakamöhmun, at a ham kohmun an ang, ke belen e, me lakon, me ta je haleny?

Ioane 5:18

Waleling me ti hwege at Juda he ka heleû deny he ka hlingâ e, ca ûnyi thibi ge hnen hna hanyâûâ sabath, ke anyin minya bi e ame ha, ka habe, haba Khong, me hing Kamen, kʼ ame oûco e me Khong.

Ioane 8:58

Haingö Iesu kodra, ka habe, E hnathu, e hnathu, inya oge me ha köbun, ka habe, Iny at kâû adrem, ke tiga hiö Aberahama.

Roma 9:5

ödra je mâtrâniny ta je lakamöta, helâe minya Keriso hoton unyin, e nua hon ta je ûnyi hia thitliö, Khong adre haisoâ nyiele balua. Amen.